18In beh聽你ê話；你kap以色列ê長老tio̍h去見埃及王，kā伊講：希伯來人ê上帝耶和華已經tú-tio̍h阮；taⁿ求你容允阮去曠野，行三日ê路站，beh祭祀耶和華，阮ê上帝。In beh thiaⁿ lí ê ōe; lí kap Í-sek-lia̍t ê tiúⁿ-ló tio̍h khì kìⁿ Ai-ki̍p ông, kā i kóng, Hi-pek-lâi lâng ê Siōng-tè Iâ-hô-hoa í-keng tú-tio̍h goán; taⁿ kiû lí iông-ún goán khì khòng-iá, kiâⁿ saⁿ-ji̍t ê lō͘-chām, beh chè-sū Iâ-hô-hoa, goán ê Siōng-tè.