1百姓看見摩西延chhiân無落山，百姓就聚集到亞倫hia，對伊講，起來，kā阮妝上帝，thang行tī阮ê頭前；因為hit-ê摩西，就是chhōa阮tùi埃及地出來，hit-ê人，阮m̄知伊tú-tio̍h甚麼。Peh-sìⁿ khòaⁿ-kìⁿ Mô͘-se iân-chhiân bô lo̍h soaⁿ, peh-sìⁿ chiū chū-chi̍p kàu A-lûn hia, tùi i kóng, Khí-lâi, kā goán chng siōng-tè, thang kiâⁿ tī goán ê thâu-chêng; in-ūi hit-ê Mô͘-se, chiū-sī chhōa goán tùi Ai-ki̍p tōe chhut-lâi, hit-ê lâng, goán m̄-chai i tú-tio̍h sím-mi̍h.