1耶和華對摩西講：我bat chiù-chōa應允亞伯拉罕、以撒、雅各，講：beh將土地賞賜你ê後裔；taⁿ你去ah，你kap你tùi埃及地所chhōa出來ê百姓，tio̍h tùi chia上去hit-ê地。Iâ-hô-hoa tùi Mô͘-se kóng, Góa bat chiù-chōa èng-ún A-pek-la̍h-hán, Í-sat, Ngá-kok, kóng, Beh chiong thó͘-tōe siúⁿ-sù lí ê hō͘-è; taⁿ lí khì ah, lí kap lí tùi Ai-ki̍p tōe só͘ chhōa chhut-lâi ê peh-sìⁿ, tio̍h tùi chia chiūⁿ-khì hit-ê tōe.