10耶和華講：看ah，我beh立約，beh tī你眾百姓ê面前行奇妙ê事，是天下萬國中所bē-bat行ê；tī你四圍ê眾百姓，就beh看見耶和華ê所做；因為我tùi你所行ê，是thang驚ê事。Iâ-hô-hoa kóng, Khòaⁿ ah, Góa beh li̍p-iok, beh tī lí chèng peh-sìⁿ ê bīn-chêng kiâⁿ kî-biāu ê sū, sī thiⁿ-ē bān-kok-tiong só͘ bē-bat kiâⁿ-ê; tī lí sì-ûi ê chèng peh-sìⁿ, chiū beh khòaⁿ-kìⁿ Iâ-hô-hoa ê só͘-chòe; in-ūi Góa tùi lí só͘ kiâⁿ-ê, sī thang kiaⁿ ê sū.