21你若m̄准我ê百姓去，我beh差kui陣ê胡蠅到tī你，kap你ê人臣，以及你ê百姓，也beh入你hiah-ê厝；koh埃及人ê厝，kap in所khiā起ê所在，lóng beh有kui陣ê胡蠅滿滿。Lí nā m̄-chún Góa ê peh-sìⁿ khì, Góa beh chhe kui-tīn ê hô͘-sîn kàu tī lí, kap lí ê jîn-sîn, í-ki̍p lí ê peh-sìⁿ, iā beh ji̍p lí hiah-ê chhù; koh Ai-ki̍p lâng ê chhù, kap in só͘ khiā-khí ê só͘-chāi, lóng beh ū kui-tīn ê hô͘-sîn móa-móa.