41我tùi chiah-ê百姓中chhōa lín出，tùi lín四散去ê列國中聚集lín；hit時我beh接納lín親像芳香；我beh tī lín得tio̍h顯明做聖，hō͘外邦人看見。Góa tùi chiah ê peh-sìⁿ-tiong chhōa lín chhut, tùi lín sì-sòaⁿ--khì ê lia̍t-kok-tiong chū-chi̍p lín; hit-sî Góa beh chiap-la̍p lín chhin-chhiūⁿ phang-hiuⁿ; Góa beh tī lín tit-tio̍h hián-bêng chòe-sèng, hō͘ gōa-pang lâng khòaⁿ-kìⁿ.