25主耶和華án-ni講，我聚集以色列家，tùi所四散去ê百姓中，對in顯明我做聖，tī列國人ê目睭前；hit時in beh khiā起tī本所在，就是我所賞賜我ê奴僕雅各ê地。Chú Iâ-hô-hoa án-ni kóng, Góa chū-chi̍p Í-sek-lia̍t-ke, tùi só͘ sì-sòaⁿ--khì ê peh-sìⁿ-tiong, tùi in hián-bêng Góa chòe-sèng, tī lia̍t-kok lâng ê ba̍k-chiu-chêng; hit-sî in beh khiā-khí tī pún só͘-chāi, chiū-sī Góa só͘ siúⁿ-sù Góa ê lô͘-po̍k Ngá-kok ê tōe.