11你tio̍h對in講，主耶和華講，我kí我ê永活來chiù-chōa，我斷斷無歡喜pháiⁿ人死無，獨獨歡喜pháiⁿ人oa̍t-tńg離開所行ê路來活；以色列家ah，lín tio̍h oa̍t倒tńg，離開pháiⁿ路，lín啥事beh處死ah？Lí tio̍h tùi in kóng, Chú Iâ-hô-hoa kóng, Góa kí Góa ê éng-oa̍h lâi chiù-chōa, Góa toàn-toàn bô hoaⁿ-hí pháiⁿ-lâng sí-bô, to̍k-to̍k hoaⁿ-hí pháiⁿ-lâng oa̍t-tńg lī-khui só͘ kiâⁿ ê lō͘ lâi oa̍h; Í-sek-lia̍t-ke ah, lín tio̍h oa̍t-tò-tńg, lī-khui pháiⁿ-lō͘, lín siáⁿ-sū beh chhú-sí ah?