12人子ah，你tio̍h對你ê百姓講，義人ê義，tī伊犯罪ê日bōe能救伊；論到pháiⁿ人ê pháiⁿ，tī伊oa̍t-tńg離開伊ê pháiⁿ所行ê日，亦bōe會hō͘伊跋倒；義人tī犯罪ê日，也bōe能因為伊ê義來得tio̍h活。Jîn-chú ah, lí tio̍h tùi lí ê peh-sìⁿ kóng, Gī-lâng ê gī, tī i hoān-chōe ê ji̍t bōe-ōe kiù i; lūn-kàu pháiⁿ-lâng ê pháiⁿ, tī i oa̍t-tńg lī-khui i ê pháiⁿ só͘ kiâⁿ ê ji̍t, ia̍h bōe-ōe hō͘ i poa̍h-tó; gī-lâng tī hoān-chōe ê ji̍t, iā bōe-ōe in-ūi i ê gī lâi tit-tio̍h oa̍h.