11就是你託你ê奴僕chiah-ê先知所命令ê講，Lín所去beh承接做業ê地是污穢ê地，為tio̍h hiah-ê國ê百姓ê污穢，kap in可惡ê事；因為in hō͘全地tùi chit邊到hit邊，滿滿lâ-sâm。chiū-sī Lí thok Lí ê lô͘-po̍k chiah ê sian-ti só͘ bēng-lēng-ê kóng, Lín só͘ khì beh sêng-chiap chòe-gia̍p ê tōe sī ù-òe ê tōe, ūi-tio̍h hiah ê kok ê peh-sìⁿ ê ù-òe, kap in khó-ò͘ⁿ ê sū; in-ūi in hō͘ choân-tōe tùi chit-piⁿ kàu hit-piⁿ, móa-móa lâ-sâm.