18Hiah-ê人，因為hō͘伊chhōa到約瑟ê厝，就驚惶；講，Chhōa咱到chia，的確是因為頭一pái還咱tī布袋內ê銀，beh chhē咱ê孔縫，下手害咱，強強掠咱做奴僕，搶咱ê驢。Hiah ê lâng, in-ūi hō͘ i chhōa kàu Iok-sek ê chhù, chiū kiaⁿ-hiâⁿ; kóng, Chhōa lán kàu chia, tek-khak sī in-ūi thâu-chi̍t-pái hêng lán tī pò͘-tē-lāi ê gûn, beh chhē lán ê khang-phāng, hē chhiú hāi lán, kiông-kiông lia̍h lán chòe lô͘-po̍k, chhiúⁿ lán ê lû.