5Hit時猶大ê首領為tio̍h Sī-sat ê緣故，聚集tī耶路撒冷，先知Sī-má-ngá來見Lô-phò-àm kap hiah-ê首領，kā in講，耶和華án-ni講，lín棄sak我，所以我棄sak lín tī Sī-sat ê手。Hit-sî Iû-tāi ê siú-léng ūi-tio̍h Sī-sat ê iân-kò͘, chū-chi̍p tī Iâ-lō͘-sat-léng, sian-ti Sī-má-ngá lâi kìⁿ Lô-phò-àm kap hiah ê siú-léng, kā in kóng, Iâ-hô-hoa án-ni kóng, Lín khì-sak Góa, só͘-í Góa khì-sak lín tī Sī-sat ê chhiú.