14Bí-kai-ngá到王ê面前，王問伊講，Bí-kai-ngá ah，阮tio̍h上去Ki-lia̍t ê La̍h-boa̍t來交戰，á是tio̍h soah ah？伊應講，Thang上去，beh得勝；因為in beh受交付tī lín ê手。Bí-kai-ngá kàu ông ê bīn-chêng, ông mn̄g i kóng, Bí-kai-ngá ah, goán tio̍h chiūⁿ-khì Ki-lia̍t ê La̍h-boa̍t lâi kau-chiàn, á-sī tio̍h soah ah? I ìn kóng, Thang chiūⁿ-khì, beh tek-sèng; in-ūi in beh siū kau-hù tī lín ê chhiú.