9In就去見祭司頭Hi-le̍k-ka，將所有獻tī上帝殿ê銀交伊；chit-ê銀是顧門ê利未人，tùi Má-ná-se、Í-hoat-liân，kap一切以色列chhun ê人，以及猶大，便雅憫眾人，kap耶路撒冷khiā起ê百姓收來ê。In chiū khì kìⁿ chè-si-thâu Hi-le̍k-ka, chiong só͘ ū hiàn tī Siōng-tè tiān ê gûn kau i; chit ê gûn sī kò͘-mn̂g ê Lī-bī lâng, tùi Má-ná-se, Í-hoat-liân, kap it-chhè Í-sek-lia̍t chhun ê lâng, í-ki̍p Iû-tāi, Piān-ngá-bín chèng-lâng, kap Iâ-lō͘-sat-léng khiā-khí ê peh-sìⁿ siu-lâi--ê.