17所以上帝chhōa Ka-le̍k-tí人ê王來攻擊in，tī in聖所ê厝用刀thâi死in ê少年人，無憐憫in少年ê ta-po͘丁，á是在室女，老kap白頭毛ê；上帝將in lóng交tī伊ê手。Só͘-í Siōng-tè chhōa Ka-le̍k-tí lâng ê ông lâi kong-kek in, tī in sèng-só͘ ê chhù ēng to thâi-sí in ê siàu-liân lâng, bô lîn-bín in siàu-liân ê ta-po͘-teng, á-sī chāi-sek-lú, lāu kap pe̍h-thâu-mn̂g--ê; Siōng-tè chiong in lóng kau tī i ê chhiú.