4王命令祭司頭Hi-le̍k-ka，kap第二級ê祭司，kap顧門ê官，將為tio̍h Pa-le̍k，kap A-sià-la̍h，kap天頂ê萬象，所造hiah-ê器具，搬出耶和華ê殿，燒伊tī耶路撒冷外，Khip-lûn溪邊ê田，帶伊ê火灰到Pek-te̍k-lī。Ông bēng-lēng chè-si-thâu Hi-le̍k-ka, kap tē-jī-kip ê chè-si, kap kò͘-mn̂g ê koaⁿ, chiong ūi-tio̍h Pa-le̍k, kap A-sià-la̍h, kap thiⁿ-téng ê bān-siōng, só͘ chō hiah ê khì-kū, poaⁿ-chhut Iâ-hô-hoa ê tiān, sio i tī Iâ-lō͘-sat-léng gōa, Khip-lûn khoe-piⁿ ê chhân, tòa i ê hé-hu kàu Pek-te̍k-lī.