35Tùi án-ni，眾百姓koh為tio̍h伊哀哭。日未落ê時，眾百姓來勸大衛食餅；總是大衛chiù-chōa講，我若tī日未落ê事先食淡薄餅，á是食別項物，願上帝加倍責罰我。Tùi án-ni chèng peh-sìⁿ koh ūi-tio̍h i ai-khàu. Ji̍t bē lo̍h ê sî, chèng peh-sìⁿ lâi khǹg Tāi-pi̍t chia̍h piáⁿ; chóng-sī Tāi-pi̍t chiù-chōa kóng, Góa nā tī ji̍t bē lo̍h ê tāi-seng chia̍h tām-po̍h piáⁿ, á-sī chia̍h pa̍t hāng mi̍h, goān Siōng-tè ka-pē chek-hoa̍t góa.