1Se-tí-ka背叛巴比倫王。當伊坐位第九年，十月初十，巴比倫王Nî-pò͘-kah-nî-sat chhōa伊全軍來攻擊耶路撒冷，tī城ê對面紮營，koh tī四圍作土堆攻擊城。Se-tí-ka pōe-poān Pa-pí-lûn ông. Tng i chē-ūi tē-káu nî, cha̍p-ge̍h chhoe-cha̍p, Pa-pí-lûn ông Nî-pò͘-kah-nî-sat chhōa i choân-kun lâi kong-kek Iâ-lō͘-sat-léng, tī siâⁿ ê tùi-bīn chat-iâⁿ, koh tī sì-ûi choh thô͘-tui kong-kek siâⁿ.

2Tùi án-ni，城受圍困，直到Se-tí-ka王十一年。Tùi án-ni siâⁿ siū ûi-khùn, ti̍t-kàu Se-tí-ka ông cha̍p-it nî.

3四月初九日，城內飢荒真傷重，致到hit所在ê百姓lóng無米糧。Sì-ge̍h chhoe-káu ji̍t, siâⁿ-lāi ki-hng chin siong-tiōng, tì-kàu hit só͘-chāi ê peh-sìⁿ lóng bô bí-niû.

4城受攻破，一切ê兵丁透暝，tùi óa近王ê園，兩個城牆中ê門hit條路逃走。Ka-le̍k-tí人tú-tú tī四圍攻擊城，王就tùi A-la̍h-pa ê路逃走。Siâⁿ siū kong-phòa, it-chhè ê peng-teng thàu-mî, tùi óa-kūn ông ê hn̂g, nn̄g ê siâⁿ-chhiûⁿ tiong ê mn̂g hit tiâu lō͘ tô-cháu. Ka-le̍k-tí lâng tú-tú tī sì-ûi kong-kek siâⁿ, ông chiū tùi A-la̍h-pa ê lō͘ tô-cháu.

5Ka-le̍k-tí ê軍兵追jip王，tī耶利哥ê平洋追tio̍h伊，伊ê全軍lóng離開伊四散。Ka-le̍k-tí ê kun-peng tui-jip ông, tī Iâ-lī-ko ê pîⁿ-iûⁿ tui-tio̍h i, i ê choân-kun lóng lī-khui i sì-sòaⁿ.

6In掠tio̍h王，帶到Lī-pí-la̍h巴比倫王hia，就審判伊。In lia̍h-tio̍h ông, tòa kàu Lī-pí-la̍h Pa-pí-lûn ông hia, chiū sím-phòaⁿ i.

7Tī Se-tí-ka ê目睭前，thâi死Se-tí-ka hiah-ê kiáⁿ，koh iah Se-tí-ka兩蕊目睭，用鐵鏈鏈伊，帶伊到巴比倫。Tī Se-tí-ka ê ba̍k-chiu chêng, thâi-sí Se-tí-ka hiah ê kiáⁿ, koh iah Se-tí-ka nn̄g-lúi ba̍k-chiu, ēng thih-liān liān i, tòa i kàu Pa-pí-lûn.

8巴比倫王Nî-pò͘-kah-nî-sat王十九年，五月初七日，跟隨巴比倫王ê侍衛長Nî-pò͘-sat-la̍h-tàn到耶路撒冷；Pa-pí-lûn ông Nî-pò͘-kah-nî-sat ông cha̍p-káu nî, gō͘-ge̍h chhoe-chhit ji̍t, kun-sûi Pa-pí-lûn ông ê sī-ōe-tiúⁿ Nî-pò͘-sat-la̍h-tàn kàu Iâ-lō͘-sat-léng;

9用火燒耶和華ê殿，kap王宮，koh用火燒耶路撒冷一切ê厝，就是富貴家ê厝。ēng hé sio Iâ-hô-hoa ê tiān, kap ông-kiong, koh ēng hé sio Iâ-lō͘-sat-léng it-chhè ê chhù, chiū-sī hù-kùi ke ê chhù.

10跟tè侍衛長Ka-le̍k-tí ê全軍，就拆毀耶路撒冷四圍ê城牆。Kun-tè sī-ōe-tiúⁿ Ka-le̍k-tí ê choân-kun, chiū thiah-húi Iâ-lō͘-sat-léng sì-ûi ê siâⁿ-chhiûⁿ.

11Hit時侍衛長Nî-pò͘-sat-la̍h-tàn，將留tī城內所chhun ê百姓，kap hiah-ê投降巴比倫王ê，以及眾人中所chhun-ê，lóng掠去。Hit-sî sī-ōe-tiúⁿ Nî-pò͘-sat-la̍h-tàn, chiong lâu tī siâⁿ-lāi só͘ chhun ê peh-sìⁿ, kap hiah ê tâu-hâng Pa-pí-lûn ông ê, í-ki̍p chèng-lâng tiong só͘ chhun-ê, lóng lia̍h-khì.

12獨獨侍衛長留第一sòng-hiong-ê，hō͘ in治理葡萄園kap種作。To̍k-to̍k sī-ōe-tiúⁿ lâu tē-it sòng-hiong-ê, hō͘ in tī-lí phû-tô-hn̂g kap chèng-choh.

13耶和華殿內ê銅柱，kap耶和華殿內ê盆座，以及銅海，Ka-le̍k-tí人lóng phah破，將hiah-ê銅運到巴比倫；Iâ-hô-hoa tiān-lāi ê tâng-thiāu, kap Iâ-hô-hoa tiān-lāi ê phûn-chō, í-ki̍p tâng-hái, Ka-le̍k-tí lâng lóng phah-phòa, chiong hiah ê tâng ūn-kàu Pa-pí-lûn;

14koh帶去鼎、托á、剪刀、碗，kap所用一切ê銅器；koh tòa-khì tiáⁿ, thuh-á, chián-to, óaⁿ, kap só͘ ēng it-chhè ê tâng-khì;

15火爐、盤，一切金器ê金，銀器ê銀，侍衛長lóng帶去。hé-lô͘, pôaⁿ, it-chhè kim-khì ê kim, gûn-khì ê gûn, sī-ōe-tiúⁿ lóng tòa-khì.

16Koh帶所羅門王為耶和華ê殿所chhòng兩支柱，一個銅海，kap hiah-ê座；chiah-ê器具ê銅bōe能秤伊ê輕重。Koh tòa Só͘-lô-bûn ông ūi Iâ-hô-hoa ê tiān só͘ chhòng nn̄g ki thiāu, chi̍t ê tâng-hái, kap hiah ê chō; chiah ê khì-kū ê tâng bōe-ōe chhìn i ê khin-tāng.

17Chit支柱高十八肘，伊ê頂面有銅ê柱斗；柱斗高三肘；柱斗ê周圍有網á kap石榴，lóng是銅做ê；第二支柱siâng一款，也有網á。Chit ki thiāu koâiⁿ cha̍p-poeh tiú, i ê téng-bīn ū tâng ê thiāu-táu; thiāu-táu koâiⁿ saⁿ-tiú; thiāu-táu ê chiu-ûi ū bāng-á kap sia̍h-liû, lóng sī tâng chòe ê; tē-jī ki thiāu siâng chi̍t khoán, iā ū bāng-á.

18侍衛長掠祭司頭Se-lâi-ngá，kap第二級ê祭司Se-hoan-a，kap三個顧門ê；Sī-ōe-tiúⁿ lia̍h chè-si-thâu Se-lâi-ngá, kap tē jī kip ê chè-si Se-hoan-a, kap saⁿ ê kò͘-mn̂g--ê;

19koh tùi城內掠一個管兵ê官，kap tī城內所tú-tio̍h常常見王ê面ê五人，kap軍長ê書記點算百姓ê，以及城中所tú-tio̍h ê國民六十人。koh tùi siâⁿ-lāi lia̍h chi̍t ê koán-peng ê koaⁿ, kap tī siâⁿ-lāi só͘ tú-tio̍h siông-siông kìⁿ ông ê bīn ê gō͘ lâng, kap kun-tiúⁿ ê su-kì tiám-sǹg peh-sìⁿ ê, í-ki̍p siâⁿ-tiong só͘ tú-tio̍h ê kok-bîn la̍k-cha̍p lâng.

20侍衛長Nî-pò͘-sat-la̍h-tàn將chiah-ê人帶到Lī-pí-la̍h，巴比倫王hia。Sī-ōe-tiúⁿ Nî-pò͘-sat-la̍h-tàn chiong chiah ê lâng tòa kàu Lī-pí-la̍h, Pa-pí-lûn ông hia.

21巴比倫王phah in tī Hap-má地ê Lī-pí-la̍h，thâi死in。Án-ni猶大ê百姓受掠離開本地。Pa-pí-lûn ông phah in tī Hap-má tōe ê Lī-pí-la̍h, thâi-sí in. Án-ni Iû-tāi ê peh-sìⁿ siū-lia̍h lī-khui pún-tōe.

22論到猶大國chhun ê百姓，就是巴比倫王Nî-pò͘-kah-nî-sat所留ê，王設立Sa-hoan ê孫，A-hi-kam ê kiáⁿ，Ki-tāi-lī，管轄in。Lūn-kàu Iû-tāi kok chhun ê peh-sìⁿ, chiū-sī Pa-pí-lûn ông Nî-pò͘-kah-nî-sat só͘ lâu--ê, ông siat-li̍p Sa-hoan ê sun, A-hi-kam ê kiáⁿ, Ki-tāi-lī, koán-hat in.

23眾軍長kap屬in ê人，聽見巴比倫王設立Ki-tāi-lī管轄in。Tùi án-ni，Nî-thàm-ngá ê kiáⁿ以實瑪利，Ka-lī-a ê kiáⁿ Iok-hap-lân，Nî-tô-hoat ê人Tan-hō͘-bia̍t ê kiáⁿ Se-lâi-ngá，Má-ka人ê kiáⁿ Ngá-sat-nî-a，kap屬in ê人，lóng到Bí-su-pa見Ki-tāi-lī。Chèng kun-tiúⁿ kap sio̍k in ê lâng, thiaⁿ-kìⁿ Pa-pí-lûn ông siat-li̍p Ki-tāi-lī koán-hat in. Tùi án-ni Nî-thàm-ngá ê kiáⁿ Í-si̍t-má-lī, Κa-lī-a ê kiáⁿ Iok-hap-lân, Nî-tô-hoat ê lâng Tan-hō͘-bia̍t ê kiáⁿ Se-lâi-ngá, Má-ka lâng ê kiáⁿ Ngá-sat-nî-a, kap sio̍k in ê lâng, lóng kàu Bí-su-pa kìⁿ Ki-tāi-lī.

24Ki-tāi-lī tùi in kap屬in ê人chiù-chōa，講，Lín莫得驚Ka-le̍k-tí ê人臣；做lín tiàm chit所在，服事巴比倫王，就thang得tio̍h福氣。Ki-tāi-lī tùi in kap sio̍k in ê lâng chiù-chōa, kóng, Lín bo̍h-tit kiaⁿ Ka-le̍k-tí ê jîn-sîn; chòe lín tiàm chit só͘-chāi, ho̍k-sāi Pa-pí-lûn ông, chiū thang tit-tio̍h hok-khì.

25七月間，王親Í-lī-sa-má ê孫，Nî-thàm-ngá ê kiáⁿ，以實瑪利，帶十人kap伊來，phah死Ki-tāi-lī以及kap伊tī Bí-su-pa ê猶大人，kap Ka-le̍k-tí人。Chhit-ge̍h-kan ông-chhin Í-lī-sa-má ê sun, Nî-thàm-ngá ê kiáⁿ, Í-si̍t-má-lī, tòa cha̍p-lâng kap i lâi, phah-sí Ki-tāi-lī í-ki̍p kap i tī Bí-su-pa ê Iû-tāi lâng, kap Ka-le̍k-tí lâng.

26Tùi án-ni，眾百姓無論大細，kap hiah-ê軍長，lóng起來去埃及；因為驚Ka-le̍k-tí人ê緣故。Tùi án-ni chèng peh-sìⁿ bô-lūn tōa-sòe, kap hiah ê kun-tiúⁿ, lóng khí-lâi khì Ai-ki̍p; in-ūi kiaⁿ Ka-le̍k-tí lâng ê iân-kò͘.

27猶大王Iok-ngá-kun受掠了後第三十七年，巴比倫王Í-bī-bí-lô-ta̍t元年，十二月二十七日，舉起猶大王Iok-ngá-kun，放伊出監。Iû-tāi ông Iok-ngá-kun siū-lia̍h liáu-āu tē saⁿ-cha̍p-chhit nî, Pa-pí-lûn ông Í-bī-bí-lô-ta̍t goân--nî, cha̍p-jī ge̍h jī-cha̍p-chhit ji̍t, kú-khí Iû-tāi ông Iok-ngá-kun, pàng i chhut-kaⁿ.

28亦用好話安慰伊，hō͘伊ê位khah高其餘chiah-ê王ê位，就是kap伊同tī巴比倫ê。Ia̍h ēng hó-ōe an-ùi i, hō͘ i ê ūi khah-koâiⁿ kî-û chiah ê ông ê ūi, chiū-sī kap i tâng tī Pa-pí-lûn ê.

29Thǹg去伊監內所穿ê衫，一世人kap巴比倫王相kap食。Thǹg--khì i kaⁿ-lāi só͘ chhēng ê saⁿ, chi̍t-sì-lâng kap Pa-pí-lûn ông saⁿ-kap chia̍h.

30巴比倫王賞賜伊所欠用ê植物，日日hō͘伊一份，一世人lóng是án-ni。Pa-pí-lûn ông siúⁿ-sù i só͘ khiàm-ēng ê si̍t-bu̍t, ji̍t-ji̍t hō͘ i chi̍t-hūn, chi̍t-sì-lâng lóng sī án-ni.

1亞當、Siat、Í-lô-sū；A-tong, Siat, Í-lô-sū;

2Kai-lâm、Má-le̍k-lia̍t、Ngá-lia̍t；Kai-lâm, Má-le̍k-lia̍t, Ngá-lia̍t;

3以諾、Má-thó͘-sat-la̍h、La̍h-be̍k；Í-lo̍k, Má-thó͘-sat-la̍h, La̍h-be̍k;

4挪亞、閃、含、雅弗。Ná-a, Siám, Hâm, Ngá-hut.

5雅弗ê kiáⁿ：Ko-bia̍t、Má-kok、馬大、Ngá-oân、Thó͘-pa、Bí-siat、Thê-la̍h。Ngá-hut ê kiáⁿ; Ko-bia̍t, Má-kok, Má-tāi, Ngá-oân, Thó͘-pa, Bí-siat, Thê-la̍h.

6Ko-bia̍t ê kiáⁿ：A-si̍t-ki-ná、Te-hoat、To-ka-má。Ko-bia̍t ê kiáⁿ; A-si̍t-ki-ná, Te-hoat, To-ka-má.

7Ngá-oân ê kiáⁿ：以利沙、Tha-sì、Ki-thê、Lô-tan。Ngá-oân ê kiáⁿ; Í-lī-sa, Tha-sì, Ki-thê, Lô-tan.

8含ê kiáⁿ：Kó͘-si̍t、Be̍k-se-im、Hut、迦南。Hâm ê kiáⁿ; Kó͘-si̍t, Be̍k-se-im, Hut, Ka-lâm.

9Kó͘-si̍t ê kiáⁿ：Se-pa、Hap-hui-la̍h、Sat-hut-tha、La̍h-má、Sat-hut-thê-ka。La̍h-má ê kiáⁿ：Sī-pa、Tí-tàn。Kó͘-si̍t ê kiáⁿ; Se-pa, Hap-hui-la̍h, Sat-hut-tha, La̍h-má, Sat-hut-thê-ka. La̍h-má ê kiáⁿ, Sī-pa, Tí-tàn.

10Kó͘-si̍t生Lêng-lio̍k；伊做世上英雄ê起頭。Kó͘-si̍t siⁿ Lêng-lio̍k; i chòe sè-chiūⁿ eng-hiông ê khí-thâu.

11Be̍k-se-im生Lō͘-téng-im、A-ná-bí-im、Lī-hap-pí-im、Ná-hut-thó͘-hi-im；Be̍k-se-im siⁿ Lō͘-téng-im, A-ná-bí-im, Lī-hap-pí-im, Ná-hut-thó͘-hi-im;

12Phàⁿ-su-ló͘-sè-im、Ka-su-lō͘-hi-im、(tùi in出腓利士人)，Ka-hui-thok-im。Phàⁿ-su-ló͘-sè-im, Ka-su-lō͘-hi-im, (tùi in chhut Hui-lī-sū lâng), Ka-hui-thok-im.

13迦南生大kiáⁿ Se-tùn，kap Hek；Ka-lâm siⁿ tōa-kiáⁿ Se-tùn, kap Hek;

14以及Iâ-pò͘-su、A-mô͘-lī、Kek-ka-sat；í-ki̍p Iâ-pò͘-su, A-mô͘-lī, Kek-ka-sat;

15Hi-bī、A-ki、Sé-nî；Hi-bī, A-ki, Sé-nî;

16A-óa-tí、Sé-má-lī、Hap-má，chiah-ê族。A-óa-tí, Sé-má-lī, Hap-má, chiah ê cho̍k.

17閃ê kiáⁿ：Í-lân、A-sūt、A-hoat-sat、路得、A-lân、O͘-su、Hō͘-le̍k、Ki-thiap、Bí-siat。Siám ê kiáⁿ; Í-lân, A-sūt, A-hoat-sat, Lō͘-tek, A-lân, O͘-su, Hō͘-le̍k, Ki-thiap, Bí-siat.

18A-hoat-sat生Sa-la̍h，Sa-la̍h生Hi-pek。A-hoat-sat siⁿ Sa-la̍h, Sa-la̍h siⁿ Hi-pek.

19Hi-pek生兩個kiáⁿ；一個名叫Hoat-le̍k，因為tī伊hit時地上就分界；Hoat-le̍k ê小弟名叫Iok-tan。Hi-pek siⁿ nn̄g ê kiáⁿ; chi̍t-ê miâ-kiò Hoat-le̍k, in-ūi tī i hit-sî tōe-chiūⁿ chiū hun-kài; Hoat-le̍k ê sió-tī miâ-kiò Iok-tan.

20Iok-tan生A-mô͘-tap、Sa-lia̍t、Hap-sat-má-hui、Iâ-la̍h；Iok-tan siⁿ A-mô͘-tap, Sa-lia̍t, Hap-sat-má-hui, Iâ-la̍h;

21Hap-to-lân、O͘-sat、Tek-la̍h；Hap-to-lân, O͘-sat, Tek-la̍h;

22Í-pa-lio̍k、A-pí-má-lī、Sī-pa；Í-pa-lio̍k, A-pí-má-lī, Sī-pa;

23O͘-hui、Hap-hui-la̍h、Iok-pa；chiah-ê lóng是Iok-tan ê kiáⁿ。O͘-hui, Hap-hui-la̍h, Iok-pa; chiah-ê lóng sī Iok-tan ê kiáⁿ.

24閃、A-hoat-sat、Sa-la̍h；Siám, A-hoat-sat, Sa-la̍h;

25Hi-pek、Hoat-le̍k、La̍h-ngô͘；Hi-pek, Hoat-le̍k, La̍h-ngô͘;

26Se-lo̍k、Ná-ho̍k、Tha-la̍h；Se-lo̍k, Ná-ho̍k, Tha-la̍h;

27亞伯蘭，(亞伯蘭就是亞伯拉罕)。A-pek-lân, (A-pek-lân chiū-sī A-pek-la̍h-hán).

28亞伯拉罕ê kiáⁿ：以撒、以實瑪利。A-pek-la̍h-hán ê kiáⁿ; Í-sat, Í-si̍t-má-lī.

29In ê世系記tī下底：以實瑪利ê大kiáⁿ，Nî-pài-iok；koh有Ki-ta̍t、Ap-tek-pia̍t、Bí-pí-sam；In ê sè-hē kì tī ē-tóe: Í-si̍t-má-lī ê tōa-kiáⁿ, Nî-pài-iok; koh ū Ki-ta̍t, Ap-tek-pia̍t, Bí-pí-sam;

30Bí-si-má、Tō͘-má，Má-sat，Hap-ta̍t，Thê-má；Bí-si-má, Tō͘-má, Má-sat, Hap-ta̍t, Thê-má;

31I-tu̍t，Ná-hui-si，Ki-tí-má。Chiah-ê lóng是以實瑪利ê kiáⁿ。I-tu̍t, Ná-hui-si, Ki-tí-má. Chiah-ê lóng sī Í-si̍t-má-lī ê kiáⁿ.

32亞伯拉罕ê細姨Ki-thó͘-la̍h所生ê kiáⁿ就是Sim-lân、Iok-san、Bí-tàn、米甸、I-si-pa、Su-a。Iok-san ê kiáⁿ；Sī-pa、Tí-tàn。A-pek-la̍h-hán ê sòe-î Ki-thó͘-la̍h só͘ siⁿ ê kiáⁿ chiū-sī Sim-lân, Iok-san, Bí-tàn, Bí-tiân, I-si-pa, Su-a. Iok-san ê kiáⁿ; Sī-pa, Tí-tàn.

33米甸ê kiáⁿ：Í-hoat、Í-hut、Hap-lo̍k、A-pí-tāi、Í-le̍k-tāi。Chiah-ê lóng是Ki-thó͘-la̍h ê kiáⁿ孫。Bí-tiân ê kiáⁿ; Í-hoat, Í-hut, Hap-lo̍k, A-pí-tāi, Í-le̍k-tāi. Chiah-ê lóng sī Ki-thó͘-la̍h ê kiáⁿ-sun.

34亞伯拉罕生以撒。以撒ê kiáⁿ：以掃kap以色列。A-pek-la̍h-hán siⁿ Í-sat. Í-sat ê kiáⁿ; Í-sò kap Í-sek-lia̍t.

35以掃ê kiáⁿ：Í-lī-hoat、Liû-jíⁿ、Iâ-o͘-si、Ngá-lân、Khó-la̍h。Í-sò ê kiáⁿ: Í-lī-hoat, Liû-jíⁿ, Iâ-o͘-si, Ngá-lân, Khó-la̍h.

36Í-lī-hoat ê kiáⁿ：Thê-bān、O-boa̍t、Sé-phi、Ka-thán、Ki-la̍p-su、Têng-la̍p、A-má-le̍k。Í-lī-hoat ê kiáⁿ; Thê-bān, O-boa̍t, Sé-phi, Ka-thán, Ki-la̍p-su, Têng-la̍p, A-má-le̍k.

37Liû-jíⁿ ê kiáⁿ：Ná-hap、謝拉、Sa-má、Bí-sat。Liû-jíⁿ ê kiáⁿ; Ná-hap, Siā-la̍h, Sa-má, Bí-sat.

38Se-jíⁿ ê kiáⁿ：Lô-tan、Sok-pa、Chè-piān、A-ná、Tí-sūn、Í-chhat、Tí-san。Se-jíⁿ ê kiáⁿ; Lô-tan, Sok-pa, Chè-piān, A-ná, Tí-sūn, Í-chhat, Tí-san.

39Lô-tan ê kiáⁿ：Hô-lī、Hô-bān；Lô-tan ê姊妹是Têng-la̍p。Lô-tan ê kiáⁿ; Hô-lī, Hô-bān; Lô-tan ê chí-bē sī Têng-la̍p.

40Sok-pa ê kiáⁿ：A-le̍k-bûn、Má-ná-hat、Í-pa-lio̍k、Sī-hui、O-lâm。Chè-piān ê kiáⁿ：A-ngá、A-ná。A-ná ê kiáⁿ：Tí-sūn。Sok-pa ê kiáⁿ; A-le̍k-bûn, Má-ná-hat, Í-pa-lio̍k, Sī-hui, O-lâm. Chè-piān ê kiáⁿ; A-ngá, A-ná. A-ná ê kiáⁿ; Tí-sūn.

41Tí-sūn ê kiáⁿ：Hap-bek-lân，I-sī-pan、Ek-lân、Ki-lân。Tí-sūn ê kiáⁿ; Hap-bek-lân, I-sī-pan, Ek-lân, Ki-lân.

42Í-chhat ê kiáⁿ：Phek-hán、Sat-hoan、A-kan。Tí-san ê kiáⁿ：O͘-su、A-lân。Í-chhat ê kiáⁿ; Phek-hán, Sat-hoan, A-kan. Tí-san ê kiáⁿ; O͘-su, A-lân.

43當以色列人未有君王治理ê事先，tī Í-tong地做王來治理ê記tī下底：Pí-jíⁿ ê kiáⁿ Pí-la̍h；伊ê京城名叫Têng-hap-pa。Tng Í-sek-lia̍t lâng bē ū kun-ông tī-lí ê tāi-seng, tī Í-tong tōe chòe-ông lâi tī-lí--ê kì tī ē-tóe: Pí-jíⁿ ê kiáⁿ Pí-la̍h; i ê kiaⁿ-siâⁿ miâ kiò Têng-hap-pa.

44Pí-la̍h死了，Pho-su-la̍h人謝拉 ê kiáⁿ Iok-pa續接伊做王。Pí-la̍h sí-liáu, Pho-su-la̍h lâng Siā-la̍h ê kiáⁿ Iok-pa sòa-chiap i chòe-ông.

45Iok-pa死了，Thê-bān地ê人Hō͘-san續接伊做王。Iok-pa sí-liáu, Thê-bān tōe ê lâng Hō͘-san sòa-chiap i chòe-ông.

46Hō͘-san死了，Pí-ta̍t ê kiáⁿ Hap-ta̍t續接伊做王；伊就是tī Mô͘-ap地thâi贏米甸人ê；伊ê京城名叫A-bī-tek。Hō͘-san sí-liáu, Pí-ta̍t ê kiáⁿ Hap-ta̍t sòa-chiap i chòe-ông; i chiū-sī tī Mô͘-ap tōe thâi-iâⁿ Bí-tiân lâng ê; i ê kiaⁿ-siâⁿ miâ-kiò A-bī-tek.

47Hap-ta̍t死了，Má-sū-lī-ka人Song-la̍h續接伊做王。Hap-ta̍t sí-liáu, Má-sū-lī-ka lâng Song-la̍h sòa-chiap i chòe-ông.

48Song-la̍h死了，河邊Lī-hô-pek人掃羅續接伊做王。Song-la̍h sí-liáu, Hô-piⁿ Lī-hô-pek lâng Sò-lô sòa-chiap i chòe-ông.

49掃羅死了，A-kek-pho ê kiáⁿ Pa-le̍k-hap-lâm續接伊做王。Sò-lô sí-liáu, A-kek-pho ê kiáⁿ Pa-le̍k-hap-lâm sòa-chiap i chòe-ông.

50Pa-le̍k-hap-lâm死了，Hap-ta̍t續接伊做王；伊ê京城名叫Pa-i；伊ê bó͘名叫Bí-hi-tha-piat，是Bí-sat-ha̍p ê cha-bó͘孫，Má-te̍k-lia̍t ê cha-bó͘-kiáⁿ。Hap-ta̍t死。Pa-le̍k-hap-lâm sí-liáu, Hap-ta̍t sòa-chiap i chòe-ông; i ê kiaⁿ-siâⁿ miâ-kiò Pa-i; i ê bó͘ miâ-kiò Bí-hi-tha-piat, sī Bí-sat-ha̍p ê cha-bó͘-sun, Má-te̍k-lia̍t ê cha-bó͘-kiáⁿ. Hap-ta̍t sí.

51有Í-tong人ê族長，就是Têng-la̍p族長、A-le̍k-óa族長、Iâ-thiap族長；Ū Í-tong lâng ê cho̍k-tiúⁿ, chiū-sī Têng-la̍p cho̍k-tiúⁿ, A-le̍k-óa cho̍k-tiúⁿ, Iâ-thiap cho̍k-tiúⁿ;

52A-hô-lī-pa-má族長、Í-la̍h族長、Pí-lùn族長；A-hô-lī-pa-má cho̍k-tiúⁿ, Í-la̍h cho̍k-tiúⁿ, Pí-lùn cho̍k-tiúⁿ;

53Ki-la̍p-su族長、Thê-bān族長、Bí-pí-sat族長；Ki-la̍p-su cho̍k-tiúⁿ, Thê-bān cho̍k-tiúⁿ, Bí-pí-sat cho̍k-tiúⁿ;

54Má-ki-tia̍p族長、Í-lân族長。Chiah-ê就是Í-tong人ê族長。Má-ki-tia̍p cho̍k-tiúⁿ, Í-lân cho̍k-tiúⁿ. Chiah-ê chiū-sī Í-tong lâng ê cho̍k-tiúⁿ.

1以色列ê kiáⁿ：Liû-piān、西門、利未、猶大、Í-sat-ka、Se-pò͘-lûn；Í-sek-lia̍t ê kiáⁿ; Liû-piān, Se-biān, Lī-bī, Iû-tāi, Í-sat-ka, Se-pò͘-lûn;

2Tàn、約瑟、便雅憫、Ná-hut-tha-lī、Ka-tek、A-siat。Tàn, Iok-sek, Piān-ngá-bín, Ná-hut-tha-lī, Ka-tek, A-siat.

3猶大ê kiáⁿ；Jíⁿ、Gô-lâm、Sī-la̍h；chit三個是迦南人Su-a ê cha-bó͘-kiáⁿ所生ê。猶大ê大kiáⁿ Jíⁿ做pháiⁿ tī耶和華ê面前，伊就hō͘伊死。Iû-tāi ê kiáⁿ; Jíⁿ, Gô-lâm, Sī-la̍h; chit saⁿ-ê sī Ka-lâm lâng Su-a ê cha-bó͘-kiáⁿ só͘ siⁿ--ê. Iû-tāi ê tōa-kiáⁿ Jíⁿ chòe-pháiⁿ tī Iâ-hô-hoa ê bīn-chêng, I chiū hō͘ i sí.

4猶大ê新婦Tha-má kā伊生Hoat-le̍k-su kap 謝拉。猶大共五個kiáⁿ。Iû-tāi ê sim-pū Tha-má kā i siⁿ Hoat-le̍k-su kap Siā-la̍h. Iû-tāi kiōng gō͘ ê kiáⁿ.

5Hoat-le̍k-su ê kiáⁿ；Hi-su-lûn、Hap-bó͘-le̍k。Hoat-le̍k-su ê kiáⁿ; Hi-su-lûn, Hap-bó͘-le̍k.

6謝拉 ê kiáⁿ；Sim-lī、Í-thàm、Hi-bān、Kah-kok、Tāi-la̍h；共五人。Siā-la̍h ê kiáⁿ; Sim-lī, Í-thàm, Hi-bān, Kah-kok, Tāi-la̍h; kiōng gō͘-lâng.

7Ka-bí ê kiáⁿ：A-kan、chit-ê A-kan tī應該滅ê物犯罪，連累以色列人。Ka-bí ê kiáⁿ; A-kan, chit ê A-kan tī eng-kai bia̍t ê mi̍h hoān-chōe, liân-lūi Í-sek-lia̍t lâng.

8Í-thàm ê kiáⁿ：A-sat-lī-ngá。Í-thàm ê kiáⁿ; A-sat-lī-ngá.

9Hi-su-lûn所生ê kiáⁿ：Iâ-la̍h-bia̍t、Lân、Ki-lō͘-pài。Hi-su-lûn só͘ siⁿ ê kiáⁿ; Iâ-la̍h-bia̍t, Lân, Ki-lō͘-pài.

10Lân生A-bí-ngá-ta̍t；A-bí-ngá-ta̍t生Ná-sūn，做猶大人ê首領；Lân siⁿ A-bí-ngá-ta̍t; A-bí-ngá-ta̍t siⁿ Ná-sūn, chòe Iû-tāi lâng ê siú-léng;

11Ná-sūn生Sat-bûn，Sat-bûn生Pho-a-su；Ná-sūn siⁿ Sat-bûn, Sat-bûn siⁿ Pho-a-su;

12Pho-a-su生Gô-pī-tek；Gô-pī-tek生耶西；Pho-a-su siⁿ Gô-pī-tek; Gô-pī-tek siⁿ Iâ-se;

13耶西生大kiáⁿ Í-lī-ap，第二kiáⁿ A-pí-ná-ta̍t，第三kiáⁿ Sī-bí-a；Iâ-se siⁿ tōa-kiáⁿ Í-lī-ap, tē-jī kiáⁿ A-pí-ná-ta̍t, tē-saⁿ kiáⁿ Sī-bí-a;

14第四kiáⁿ Ná-thán-gia̍p，第五kiáⁿ La̍h-tāi；tē-sì kiáⁿ Ná-thán-gia̍p, tē-gō͘ kiáⁿ La̍h-tāi;

15第六kiáⁿ O-sián，第七kiáⁿ大衛。tē-la̍k kiáⁿ O-sián, tē-chhit kiáⁿ Tāi-pi̍t.

16In ê姊妹是Sé-ló͘-ngá kap A-pí-kai。Sé-ló͘-ngá ê kiáⁿ是A-pí-su、Iok-ap、A-sat-hek，共三個。In ê chí-bē sī Sé-ló͘-ngá kap A-pí-kai. Sé-ló͘-ngá ê kiáⁿ sī A-pí-su, Iok-ap, A-sat-hek, kiōng saⁿ-ê.

17A-pí-kai生A-má-sat；A-má-sat ê老父是以實瑪利人Ek-thiap。A-pí-kai siⁿ A-má-sat; A-má-sat ê lāu-pē sī Í-si̍t-má-lī lâng Ek-thiap.

18Hi-su-lûn ê kiáⁿ迦勒tùi伊ê bó͘ A-so͘-pa，也tùi Iâ-lio̍k，來生kiáⁿ；伊ê kiáⁿ就是Iâ-siat、Sok-pa、Ap-tun。Hi-su-lûn ê kiáⁿ Ka-le̍k tùi i ê bó͘ A-so͘-pa, iā tùi Iâ-lio̍k, lâi siⁿ-kiáⁿ; i ê kiáⁿ chiū-sī Iâ-siat, Sok-pa, Ap-tun.

19A-so͘-pa死了，迦勒koh娶 Í-hoat-tha，伊kā伊生Hō͘-jíⁿ。A-so͘-pa sí-liáu, Ka-le̍k koh chhōa Í-hoat-tha, i kā i siⁿ Hō͘-jíⁿ.

20Hō͘-jíⁿ生O͘-lī，O͘-lī生Pí-sat-lia̍t。Hō͘-jíⁿ siⁿ O͘-lī, O͘-lī siⁿ Pí-sat-lia̍t.

21了後Hi-su-lûn kap Ki-lia̍t ê老父Má-kiat ê cha-bó͘-kiáⁿ同房；Hi-su-lûn六十歲娶伊做bó͘；Liáu-āu Hi-su-lûn kap Ki-lia̍t ê lāu-pē Má-kiat ê cha-bó͘-kiáⁿ tâng-pâng; Hi-su-lûn la̍k-cha̍p hè chhōa i chòe-bó͘;

22伊kā伊生Se-kat，Se-kat生Gâi-jíⁿ，伊tī Ki-lia̍t地有二十三個城。i kā i siⁿ Se-kat, Se-kat siⁿ Gâi-jíⁿ, i tī Ki-lia̍t tōe ū jī-cha̍p-saⁿ ê siâⁿ.

23後來Ki-su̍t人kap A-lân人tùi in搶Gâi-jíⁿ chiah-ê城，kap Ki-la̍p kap伊ê鄉村，共六十個城。Chiah-ê lóng是Ki-lia̍t ê老父Má-kiat ê kiáⁿ。Āu-lâi Ki-su̍t lâng kap A-lân lâng tùi in chhiúⁿ Gâi-jíⁿ chiah ê siâⁿ, kap Ki-la̍p kap i ê hiuⁿ-chhng, kiōng la̍k-cha̍p ê siâⁿ. Chiah-ê lóng sī Ki-lia̍t ê lāu-pē Má-kiat ê kiáⁿ.

24Hi-su-lûn tī Ka-le̍k-í-hoat-tha死後，伊ê bó͘ A-pí-ngá kā伊生A-si-hō͘，Thê-ko-a ê老父。Hi-su-lûn tī Ka-le̍k-í-hoat-tha sí-āu, i ê bó͘ A-pí-ngá kā i siⁿ A-si-hō͘, Thê-ko-a ê lāu-pē.

25Hi-su-lûn ê大kiáⁿ Iâ-la̍h-bia̍t生大kiáⁿ Lân，koh生Pò͘-ná、O-liân、O-sián、A-hi-ngá。Hi-su-lûn ê tōa-kiáⁿ Iâ-la̍h-bia̍t siⁿ tōa-kiáⁿ Lân, koh siⁿ Pò͘-ná, O-liân, O-sián, A-hi-ngá.

26Iâ-la̍h-bia̍t koh娶一個bó͘，名A-tha-la̍h；伊是O-lâm ê老母。Iâ-la̍h-bia̍t koh chhōa chi̍t ê bó͘, miâ A-tha-la̍h; i sī O-lâm ê lāu-bú.

27Iâ-la̍h-bia̍t ê大kiáⁿ Lân ê kiáⁿ：Má-su、Ngá-bín、Í-kiat。Iâ-la̍h-bia̍t ê tōa-kiáⁿ Lân ê kiáⁿ; Má-su, Ngá-bín, Í-kiat.

28O-lâm ê kiáⁿ：Sa-mái、Ngá-tāi；Sa-mái ê kiáⁿ：Ná-tap、A-pí-su̍t。O-lâm ê kiáⁿ, Sa-mái, Ngá-tāi; Sa-mái ê kiáⁿ, Ná-tap, A-pí-su̍t.

29A-pí-su̍t ê bó͘名A-pí-hâi；伊kā伊生A-piān，kap Mô͘-lī。A-pí-su̍t ê bó͘ miâ A-pí-hâi; i kā i siⁿ A-piān, kap Mô͘-lī.

30Ná-tap ê kiáⁿ：Se-lia̍t、A-piàn；Se-lia̍t無kiáⁿ就死。Ná-tap ê kiáⁿ; Se-lia̍t, A-piàn; Se-lia̍t bô kiáⁿ chiū sí.

31A-piàn ê kiáⁿ：Í-sī-；Í-sī- ê kiáⁿ：Sī-san。Sī-san ê kiáⁿ；A-lâi。A-piàn ê kiáⁿ; Í-sī; Í-sī ê kiáⁿ; Sī-san. Sī-san ê kiáⁿ; A-lâi.

32Sa-mái ê小弟Ngá-tāi ê kiáⁿ：Ek-thiap、約拿單；Ek-thiap無kiáⁿ，就死。Sa-mái ê sió-tī Ngá-tāi ê kiáⁿ; Ek-thiap, Iok-ná-tan; Ek-thiap bô kiáⁿ, chiū sí.

33約拿單ê kiáⁿ：Pí-le̍k、Sat-sat。Chiah-ê lóng是Iâ-la̍h-bia̍t ê kiáⁿ孫。Iok-ná-tan ê kiáⁿ; Pí-le̍k, Sat-sat. Chiah-ê lóng sī Iâ-la̍h-bia̍t ê kiáⁿ-sun.

34Sī-san無kiáⁿ，只有cha-bó͘-kiáⁿ。Sī-san有一個奴僕，名Iâ-hap，是埃及人。Sī-san bô kiáⁿ, chí ū cha-bó͘-kiáⁿ. Sī-san ū chi̍t ê lô͘-po̍k, miâ Iâ-hap, sī Ai-ki̍p lâng.

35Sī-san將伊ê cha-bó͘-kiáⁿ hō͘奴僕Iâ-hap做bó͘；伊kā伊生kiáⁿ A-thài。Sī-san chiong i ê cha-bó͘-kiáⁿ hō͘ lô͘-po̍k Iâ-hap chòe bó͘; i kā i siⁿ-kiáⁿ A-thài.

36A-thài生Ná-tan，Ná-tan生Sat-poa̍t；A-thài siⁿ Ná-tan, Ná-tan siⁿ Sat-poa̍t;

37Sat-poa̍t生Í-hut-la̍h，Í-hut-la̍h生Gô-pī-tek；Sat-poa̍t siⁿ Í-hut-la̍h, Í-hut-la̍h siⁿ Gô-pī-tek;

38Gô-pī-tek生Iâ-hō͘，Iâ-hō͘生A-sat-lī-ngá；Gô-pī-tek siⁿ Iâ-hō͘, Iâ-hō͘ siⁿ A-sat-lī-ngá;

39A-sat-lī-ngá生Hi-lī-su，Hi-lī-su生Í-lī-a-sat；A-sat-lī-ngá siⁿ Hi-lī-su, Hi-lī-su siⁿ Í-lī-a-sat;

40Í-lī-a-sat生Se-su-mái，Se-su-mái生Sa-liông；Í-lī-a-sat siⁿ Se-su-mái, Se-su-mái siⁿ Sa-liông;

41Sa-liông生Iâ-ka-bí-ngá，Iâ-ka-bí-ngá生Í-lī-sa-má。Sa-liông siⁿ Iâ-ka-bí-ngá, Iâ-ka-bí-ngá siⁿ Í-lī-sa-má.

42Iâ-la̍h-bia̍t ê兄弟迦勒有kiáⁿ，大kiáⁿ Bí-sa，是Se-hut ê老父；koh Hi-pek-lûn ê老父Má-lí-sa ê kiáⁿ。Iâ-la̍h-bia̍t ê hiaⁿ-tī Ka-le̍k ū kiáⁿ, tōa-kiáⁿ Bí-sa, sī Se-hut ê lāu-pē; koh Hi-pek-lûn ê lāu-pē Má-lí-sa ê kiáⁿ.

43Hi-pek-lûn ê kiáⁿ：Khó-la̍h、Tha-phó͘-a、Lī-khéng、Sī-má。Hi-pek-lûn ê kiáⁿ; Κhó-la̍h, Tha-phó͘-a, Lī-khéng, Sī-má.

44Sī-má生La̍h-hâm，是Iok-kan ê老父；Lī-khéng生Sa-mái。Sa-mái ê kiáⁿ Má-hûn；Sī-má siⁿ La̍h-hâm, sī Iok-kan ê lāu-pē; Lī-khéng siⁿ Sa-mái. Sa-mái ê kiáⁿ Má-hûn;

45Má-hûn是Pek-siok ê老父。Má-hûn sī Pek-siok ê lāu-pē.

46迦勒ê細姨Í-hoat生哈蘭、Mô͘-sat、Ka-siā；哈蘭生Ka-siā。Ka-le̍k ê sòe-î Í-hoat siⁿ Hap-lân, Mô͘-sat, Ka-siā; Hap-lân siⁿ Ka-siā.

47Ngá-tāi ê kiáⁿ：Lī-kiān、Iok-thán、Ki-san、Pí-le̍k、Í-hoat、Sa-a-hut。Ngá-tāi ê kiáⁿ; Lī-kiān, Iok-thán, Ki-san, Pí-le̍k, Í-hoat, Sa-a-hut.

48迦勒ê細姨Má-ka生Sī-pia̍t、Te̍k-hap-ná。Ka-le̍k ê sòe-î Má-ka siⁿ Sī-pia̍t, Te̍k-hap-ná.

49Koh生Be̍k-má-ná ê老父Sa-a-hut，Boat-pí-ná kap Ki-pí-a ê老父Sī-hoat；迦勒ê cha-bó͘-kiáⁿ是Ap-sat。Koh siⁿ Be̍k-má-ná ê lāu-pē Sa-a-hut, Boat-pí-ná kap Ki-pí-a ê lāu-pē Sī-hoat; Ka-le̍k ê cha-bó͘-kiáⁿ sī Ap-sat.

50迦勒ê kiáⁿ孫；Í-hoat-tha ê大kiáⁿ；Hō͘-jíⁿ ê kiáⁿ，Ki-lia̍t-iâ-lîm ê老父Sok-pa；Ka-le̍k ê kiáⁿ-sun; Í-hoat-tha ê tōa-kiáⁿ; Hō͘-jíⁿ ê kiáⁿ, Ki-lia̍t-iâ-lîm ê lāu-pē Sok-pa;

51伯利恆ê老父Sat-má，Pek-ka-tek ê老父Hap-le̍k。Pek-lī-hêng ê lāu-pē Sat-má, Pek-ka-tek ê lāu-pē Hap-le̍k.

52Ki-lia̍t-iâ-lîm ê老父Sok-pa有kiáⁿ；Hap-lô-í kap Bí-lô͘-hap人ê一半。Ki-lia̍t-iâ-lîm ê lāu-pē Sok-pa ū kiáⁿ; Hap-lô-í kap Bí-lô͘-hap lâng ê chi̍t-pòaⁿ.

53Ki-lia̍t-iâ-lîm hiah-ê族；Í-thiap人、Pò͘-te̍k人、Sū-má人、Bi̍t-lâi人；koh tùi chiah-ê族有生出Só-la̍h人kap Í-si̍t-tô人。Ki-lia̍t-iâ-lîm hiah ê cho̍k; Í-thiap lâng, Pò͘-te̍k lâng, Sū-má lâng, Bi̍t-lâi lâng; koh tùi chiah ê cho̍k ū siⁿ-chhut Só-la̍h lâng kap Í-si̍t-tô lâng.

54Sat-má ê kiáⁿ孫：伯利恆、Nî-tô-hoat人、A-tha-lio̍k-pek-iok-ap、Má-ná-hap人ê一半、Só-lī人。Sat-má ê kiáⁿ-sun; Pek-lī-hêng, Nî-tô-hoat lâng, A-tha-lio̍k-pek-iok-ap, Má-ná-hap lâng ê chi̍t-pòaⁿ, Só-lī lâng.

55Koh有khiā起tī Ngá-pí-su chiah-ê經學士ê家，就是Tek-la̍h人，Sī-bí-ap人、Só͘-kah人。Chiah-ê lóng是Ki-nî人，Lī-kah ê家ê老父Hap-boa̍t所生ê。Koh ū khiā-khí tī Ngá-pí-su chiah ê keng-ha̍k-sū ê ke, chiū-sī Tek-la̍h lâng, Sī-bí-ap lâng, Só͘-kah lâng. Chiah-ê lóng sī Ki-nî lâng, Lī-kah ê ke ê lāu-pē Hap-boa̍t só͘ siⁿ ê.