1Án-ni以色列人，照in ê世系所算，看ah，有記載tī以色列列王ê記錄；猶大人因為犯罪，就受掠到巴比倫。Án-ni Í-sek-lia̍t lâng, chiàu in ê sè-hē só͘ sǹg, khòaⁿ ah, ū kì-chài tī Í-sek-lia̍t lia̍t-ông ê kì-lio̍k; Iû-tāi lâng in-ūi hoān-chōe, chiū siū-lia̍h kàu Pa-pí-lûn.

2事先khiā起伊ê業ê ta̍k-ê城ê人，就是以色列人、祭司、利未人、Nî-thê-lêng人。Tāi-seng khiā-khí i ê gia̍p ê ta̍k ê siâⁿ ê lâng, chiū-sī Í-sek-lia̍t lâng, chè-si, Lī-bī lâng, Nî-thê-lêng lâng.

3Khiā起tī耶路撒冷ê，有猶大人、便雅憫人、Í-hoat-liân kap Má-ná-se ê人。Khiā-khí tī Iâ-lō͘-sat-léng--ê, ū Iû-tāi lâng, Piān-ngá-bín lâng, Í-hoat-liân kap Má-ná-se ê lâng.

4猶大ê kiáⁿ，Hoat-le̍k-su ê kiáⁿ孫中有O͘-thài，O͘-thài是A-bí-hut ê kiáⁿ，A-bí-hut是Àm-lī ê kiáⁿ，Àm-lī是Im-lī ê kiáⁿ，Im-lī是Pa-nî ê kiáⁿ。Iû-tāi ê kiáⁿ, Hoat-le̍k-su ê kiáⁿ-sun tiong ū O͘-thài, O͘-thài sī A-bí-hut ê kiáⁿ, A-bí-hut sī Àm-lī ê kiáⁿ, Àm-lī sī Im-lī ê kiáⁿ, Im-lī sī Pa-nî ê kiáⁿ.

5Sī-lô ê kiáⁿ孫中有大kiáⁿ，A-sòe-ngá，kap伊ê眾kiáⁿ。Sī-lô ê kiáⁿ-sun tiong ū tōa-kiáⁿ, A-sòe-ngá, kap i ê chèng-kiáⁿ.

6謝拉 ê kiáⁿ孫中有Iâ-o͘-lī kap伊ê兄弟，共六百九十人。Siā-la̍h ê kiáⁿ-sun tiong ū Iâ-o͘-lī kap i ê hiaⁿ-tī, kiōng la̍k-pah káu-cha̍p lâng.

7便雅憫ê kiáⁿ孫中有Sat-lō͘，Sat-lō͘是bí-su-lân ê kiáⁿ，Bí-su-lân是Hô-ta̍t-ui-ngá ê kiáⁿ，Hô-ta̍t-ui-ngá是Hap-se-lô͘ ê kiáⁿ。Piān-ngá-bín ê kiáⁿ-sun tiong ū Sat-lō͘, Sat-lō͘ sī bí-su-lân ê kiáⁿ, Bí-su-lân sī Hô-ta̍t-ui-ngá ê kiáⁿ, Hô-ta̍t-ui-ngá sī Hap-se-lô͘ ê kiáⁿ.

8Koh有Iâ-lô-hán ê kiáⁿ I-pí-nî-ngá，Bí-ki-li̍p ê孫，O͘-se ê kiáⁿ Í-la̍h，Í-pí-nî-ngá ê曾孫，Liû-jíⁿ ê孫，Sī-hoat-thê-ngá ê kiáⁿ，Bí-su-lân；Koh ū Iâ-lô-hán ê kiáⁿ I-pí-nî-ngá, Bí-ki-li̍p ê sun, O͘-se ê kiáⁿ Í-la̍h, Í-pí-nî-ngá ê cheng-sun, Liû-jíⁿ ê sun, Sī-hoat-thê-ngá ê kiáⁿ, Bí-su-lân;

9Kap in ê兄弟，照in ê世系，共九百五十六人；chiah-ê lóng是照in列祖ê家來做族長。kap in ê hiaⁿ-tī, chiàu in ê sè-hē, kiōng káu-pah gō͘-cha̍p-la̍k lâng; chiah-ê lóng sī chiàu in lia̍t-chó͘ ê ke lâi chòe cho̍k-tiúⁿ.

10屬祭司ê，有Iâ-tāi-ngá、Iâ-hô-ngá-li̍p、Ngá-kun。Sio̍k chè-si--ê, ū Iâ-tāi-ngá, Iâ-hô-ngá-li̍p, Ngá-kun.

11iáu有管理上帝ê殿ê，Hi-le̍k-ka ê kiáⁿ A-sat-lī-ngá，Hi-le̍k-ka是Bí-su-lân ê kiáⁿ，Bí-su-lân是Sat-tok ê kiáⁿ，Sat-tok是Bí-la̍h-ioke5 kiáⁿ，Bí-la̍h-iok是A-hi-tu̍t ê kiáⁿ。Iáu ū koán-lí Siōng-tè ê tiān--ê, Hi-le̍k-ka ê kiáⁿ A-sat-lī-ngá, Hi-le̍k-ka sī Bí-su-lân ê kiáⁿ, Bí-su-lân sī Sat-tok ê kiáⁿ, Sat-tok sī Bí-la̍h-iok ê kiáⁿ, Bí-la̍h-iok sī A-hi-tu̍t ê kiáⁿ.

12Koh有Má-ki-ngá ê曾孫，Pa-si-hō͘-jíⁿ ê孫，Iâ-lô-hán ê kiáⁿ，A-tāi-ngá；koh有A-tē-gia̍p ê kiáⁿ Má-sài，A-tē-gia̍p是Ngá-hi-sè-la̍h ê kiáⁿ，Ngá-hi-sè-la̍h是Bí-su-lân ê kiáⁿ，Bí-su-lân是Bí-si̍t-lī-bi̍t ê kiáⁿ，Bí-si̍t-lī-bi̍t是Im-be̍k ê kiáⁿ。Koh ū Má-ki-ngá ê cheng-sun, Pa-si-hō͘-jíⁿ ê sun, Iâ-lô-hán ê kiáⁿ, A-tāi-ngá; koh ū A-tē-gia̍p ê kiáⁿ Má-sài, A-tē-gia̍p sī Ngá-hi-sè-la̍h ê kiáⁿ, Ngá-hi-sè-la̍h sī Bí-su-lân ê kiáⁿ, Bí-su-lân sī Bí-si̍t-lī-bi̍t ê kiáⁿ, Bí-si̍t-lī-bi̍t sī Im-be̍k ê kiáⁿ.

13In kap in ê兄弟lóng做族長，共一千七百六十人；lóng有才能，gâu做上帝ê厝差用ê工。In kap in ê hiaⁿ-tī lóng chòe cho̍k-tiúⁿ, kiōng chi̍t chheng chhit-pah la̍k-cha̍p lâng; lóng ū châi-lêng, gâu chòe Siōng-tè ê chhù chhe-ēng ê kang.

14利未人Bí-la̍h-lī ê kiáⁿ孫中，有Hap-sa-pí-ngá ê曾孫，Ap-lī-kam ê孫，Hap-su̍t ê kiáⁿ，Sī-má-ngá。Lī-bī lâng Bí-la̍h-lī ê kiáⁿ-sun tiong, ū Hap-sa-pí-ngá ê cheng-sun, Ap-lī-kam ê sun, Hap-su̍t ê kiáⁿ, Sī-má-ngá.

15Koh有Poa̍t-pa-kah、Hek-le̍k-si、Ka-la̍h，kap A-sat ê曾孫，Sè-ki-lī ê孫，Bí-ka ê kiáⁿ，Má-thàm-ngá。Koh ū Poa̍t-pa-kah, Hek-le̍k-si, Ka-la̍h, kap A-sat ê cheng-sun, Sè-ki-lī ê sun, Bí-ka ê kiáⁿ, Má-thàm-ngá.

16Koh有Iâ-tō͘-tùn ê曾孫，Ka-la̍h ê孫，Sī-má-ngá ê kiáⁿ，Gô-pa-tí。Koh有Í-lī-ka-ná ê孫，亞撒ê kiáⁿ，Pí-lī-ka；in lóng khiā起tī Nî-tô-hoat人ê鄉社。Koh ū Iâ-tō͘-tùn ê cheng-sun, Ka-la̍h ê sun, Sī-má-ngá ê kiáⁿ, Gô-pa-tí. Koh ū Í-lī-ka-ná ê sun, A-sat ê kiáⁿ, Pí-lī-ka; in lóng khiā-khí tī Nî-tô-hoat lâng ê hiuⁿ-siā.

17顧門ê是Sa-liông、A-kok、Ta̍t-bûn、A-hi-bān，kap in ê兄弟；Sa-liông做in ê頭。Kò͘-mn̂g-ê sī Sa-liông, A-kok, Ta̍t-bûn, A-hi-bān, kap in ê hiaⁿ-tī; Sa-liông chòe in ê thâu.

18伊平素顧守ǹg東ê門，王出入ê；in lóng是利未族chiah-ê營中顧門ê。I pêng-sò͘ kò͘-siú ǹg-tang ê mn̂g, ông chhut-ji̍p-ê; in lóng sī Lī-bī cho̍k chiah ê iâⁿ-tiong kò͘-mn̂g--ê.

19Khó-la̍h ê曾孫，Í-pí-ngá-sat ê孫，Khó-lī ê kiáⁿ，Sa-liông，kap伊同族ê兄弟Khó-la̍h人，lóng管理差用ê工，kap守會幕ê門；in ê祖bat管理耶和華ê營盤，顧守出入ê所在。Khó-la̍h ê cheng-sun, Í-pí-ngá-sat ê sun, Khó-lī ê kiáⁿ, Sa-liông, kap i tâng-cho̍k ê hiaⁿ-tī Khó-la̍h lâng, lóng koán-lí chhe-ēng ê kang, kap siú hōe-bō͘ ê mn̂g; in ê chó͘ bat koán-lí Iâ-hô-hoa ê iâⁿ-pôaⁿ, kò͘-siú chhut-ji̍p ê só͘-chāi.

20早Í-lī-a-sat ê kiáⁿ Hui-nî-hap管理in，耶和華也kap伊tī-teh。Chá Í-lī-a-sat ê kiáⁿ Hui-nî-hap koán-lí in, Iâ-hô-hoa iā kap i tī-teh.

21Bí-si-lī-bí-ngá ê kiáⁿ Sat-ka-lī-ngá做會幕ê顧門ê。Bí-si-lī-bí-ngá ê kiáⁿ Sat-ka-lī-ngá chòe hōe-bō͘ ê kò͘-mn̂g--ê.

22受揀選來顧門ê，共兩百十二人。In tī in ê鄉社，照世系來算，是大衛kap先見ê撒母耳所分派來擔當chit-ê責任ê。Siū kéng-soán lâi kò͘-mn̂g--ê, kiōng nn̄g-pah cha̍p-jī lâng. In tī in ê hiuⁿ-siā, chiàu sè-hē lâi sǹg, sī Tāi-pi̍t kap sian-kiàn-ê Sat-bó͘-jíⁿ só͘ hun-phài lâi tam-tng chit ê chek-jīm--ê.

23In kap in ê kiáⁿ孫照in ê班列，顧守耶和華ê厝，就是會幕hiah-ê門。In kap in ê kiáⁿ-sun chiàu in ê pan-lia̍t, kò͘-siú Iâ-hô-hoa ê chhù, chiū-sī hōe-bō͘ hiah ê mn̂g.

24Tī 東西南北，四方lóng有顧門ê。Tī tang, sai, lâm, pak, sì-hng lóng ū kò͘-mn̂g--ê.

25In ê兄弟，tiàm tī鄉社ê，每七日來kap in幫手。In ê hiaⁿ-tī, tiàm tī hiuⁿ-siā--ê, múi chhit-ji̍t lâi kap in pang-chhiú.

26因為chiah-ê顧門ê頭四個利未人，lóng擔當in ê責任，來管理上帝厝內chiah-ê棧房kap府庫。In-ūi chiah ê kò͘-mn̂g ê thâu sì ê Lī-bī lâng, lóng tam-tng in ê chek-jīm, lâi koán-lí Siōng-tè chhù-lāi chiah ê chàn-pâng kap hú-khò͘.

27In khiā起tī上帝ê厝ê四圍，因為hit-ê厝是交代in，ta̍k早起teh開門ê也是in。In khiā-khí tī Siōng-tè ê chhù ê sì-ûi, in-ūi hit ê chhù sī kau-tài in, ta̍k chá-khí teh khui-mn̂g-ê iā sī in.

28In中間kúi-nā人管理服事ê 器具，因為照數額帶入，也照數額帶出。In tiong-kan kúi-nā lâng koán-lí ho̍k-sāi ê khì-kū, in-ūi chiàu siàu-gia̍h tòa-ji̍p, iā chiàu siàu-gia̍h tòa-chhut.

29其中也有ê受設立來管理hiah-ê器具kap聖所ê器具，以及麵粉、酒、油、乳香、芳料。Kî-tiong iā ū-ê siū siat-li̍p lâi koán-lí hiah ê khì-kū kap sèng-só͘ ê khì-kū, í-ki̍p mī-hún, chiú, iû, jú-hiuⁿ, phang-liāu.

30祭司ê kiáⁿ ê中間kúi-nā人用芳料做膏油。Chè-si ê kiáⁿ ê tiong-kan kúi-nā lâng ēng phang-liāu chòe ko-iû.

31利未人Má-tha-thê-ngá是Khó-la̍h族Sa-liông ê大kiáⁿ；伊ê責任是管理盤內所pek ê物。Lī-bī lâng Má-tha-thê-ngá sī Khó-la̍h cho̍k Sa-liông ê tōa-kiáⁿ; i ê chek-jīm sī koán-lí pôaⁿ-lāi só͘ pek ê mi̍h.

32In同族ê兄弟，Ko-hat ê kiáⁿ，有ê管理排列ê餅，ta̍k-ê安歇日備辦伊。In tâng-cho̍k ê hiaⁿ-tī, Ko-hat ê kiáⁿ, ū-ê koán-lí pâi-lia̍t ê piáⁿ, ta̍k ê an-hioh-ji̍t pī-pān i.

33Chiah-ê擔當唱歌ê是利未人chiah-ê族長，khiā起tī殿邊ê小厝，暝日當職，無做別項ê工。Chiah-ê tam-tng chhiùⁿ-koa-ê sī Lī-bī lâng chiah ê cho̍k-tiúⁿ, khiā-khí tī tiān-piⁿ ê sió-chhù, mî-ji̍t tng-chit, bô chòe pa̍t-hāng ê kang.

34頂面chiah-ê lóng是利未人ê族長，tī in ê世代最出名，khiā起tī耶路撒冷。Téng-bīn chiah-ê lóng sī Lī-bī lâng ê cho̍k-tiúⁿ, tī in ê sè-tāi chòe chhut-miâ, khiā-khí tī Iâ-lō͘-sat-léng.

35Ki-piàn ê老父Iâ-lī khiā起Ki-piàn，伊ê bó͘ Má-ka。Ki-piàn ê lāu-pē Iâ-lī khiā-khí Ki-piàn, i ê bó͘ Má-ka.

36伊ê大kiáⁿ是Iâ-pek-tùn，koh有So͘-jíⁿ、Ki-sū、Pa-le̍k、Nî-jíⁿ、Ná-tap；I ê tōa-kiáⁿ sī Iâ-pek-tùn, koh ū So͘-jíⁿ, Ki-sū, Pa-le̍k, Nî-jíⁿ, Ná-tap;

37Ki-to、A-hi-iok、Sat-ka-lī-ngá、Bí-ki-lô。Ki-to, A-hi-iok, Sat-ka-lī-ngá, Bí-ki-lô.

38Bí-ki-lô生Sī-bí-àm；chiah-ê人kap in ê兄弟khiā起tī耶路撒冷，tī in ê兄弟ê對面。Bí-ki-lô siⁿ Sī-bí-àm; Chiah ê lâng kap in ê hiaⁿ-tī khiā-khí tī Iâ-lō͘-sat-léng, tī in ê hiaⁿ-tī ê tùi-bīn.

39Nî-jíⁿ生Ki-sū，Ki-sū生掃羅，掃羅生約拿單、Be̍k-ki-su-a、A-pí-ná-ta̍t、I-si-pa-le̍k。Nî-jíⁿ siⁿ Ki-sū, Ki-sū siⁿ Sò-lô, Sò-lô siⁿ Iok-ná-tan, Be̍k-ki-su-a, A-pí-ná-ta̍t, I-si-pa-le̍k.

40約拿單ê kiáⁿ，是Bí-le̍k-pa-le̍k，Bí-le̍k-pa-le̍k生Bí-ka。Iok-ná-tan ê kiáⁿ, sī Bí-le̍k-pa-le̍k, Bí-le̍k-pa-le̍k siⁿ Bí-ka.

41Bí-ka ê kiáⁿ是Pí-tun、Bí-le̍k、Tha-lī-a、A-ha̍p-su。Bí-ka ê kiáⁿ sī Pí-tun, Bí-le̍k, Tha-lī-a, A-ha̍p-su.

42A-ha̍p-su生Ngá-la̍h，Ngá-la̍h生A-la̍h-bia̍t、A-su-má-ui、Sim-lī；Sim-lī生Mô͘-sat。A-ha̍p-su siⁿ Ngá-la̍h, Ngá-la̍h siⁿ A-la̍h-bia̍t, A-su-má-ui, Sim-lī; Sim-lī siⁿ Mô͘-sat.

43Mô͘-sat生Pí-nî-a；Pí-nî-a生Lī-hoat-ngá，Lī-hoat-ngá ê kiáⁿ是Í-lī-a-sat，Í-lī-a-sat ê kiáⁿ是A-sek。Mô͘-sat siⁿ Pí-nî-a; Pí-nî-a siⁿ Lī-hoat-ngá, Lī-hoat-ngá ê kiáⁿ sī Í-lī-a-sat, Í-lī-a-sat ê kiáⁿ sī A-sek.

44A-sek有六個kiáⁿ，in ê名是A-su-lī-kan、Hô-ki-lō͘、以實瑪利、Sī-a-lī-ngá、Gô-pa-tí-ngá、哈蘭；這lóng是A-sek ê kiáⁿ。A-sek ū la̍k ê kiáⁿ, in ê miâ sī A-su-lī-kan, Hô-ki-lō͘, Í-si̍t-má-lī, Sī-a-lī-ngá, Gô-pa-tí-ngá, Hap-lân; che lóng sī A-sek ê kiáⁿ.

1腓利士人kap以色列人交戰；以色列人tī腓利士人ê面前逃走，tī Ki-lī-pho山受thâi死。Hui-lī-sū lâng kap Í-sek-lia̍t lâng kau-chiàn; Í-sek-lia̍t lâng tī Hui-lī-sū lâng ê bīn-chêng tô-cháu, tī Ki-lī-pho soaⁿ siū thâi-sí.

2腓利士人jip近掃羅kap伊hiah-ê kiáⁿ；腓利士人就thâi死掃羅ê kiáⁿ約拿單、A-pí-ná-ta̍t、Be̍k-ki-su-a。Hui-lī-sū lâng jip-kūn Sò-lô kap i hiah ê kiáⁿ; Hui-lī-sū lâng chiū thâi-sí Sò-lô ê kiáⁿ Iok-ná-tan, A-pí-ná-ta̍t, Be̍k-ki-su-a.

3交戰ê陣勢對tī掃羅真危急，射箭ê人射伊，困苦到極。Kau-chiàn ê tīn-sè tùi-tī Sò-lô chin gûi-kip, siā-chìⁿ ê lâng siā-i, khùn-khó͘ kàu-ke̍k.

4掃羅就kā hit-ê kia̍h伊ê戰器ê講，你拔出你ê刀，kā我鑿死，免得hiah-ê無受割禮ê人來凌辱我；hit-ê kia̍h伊ê戰器ê m̄-ài，因為真驚。掃羅就kia̍h伊ê刀，將身軀àⁿ tī頂面來chhìⁿ死。Sò-lô chiū kā hit ê kia̍h i ê chiàn-khì-ê kóng, Lí pu̍ih-chhut lí ê to, kā góa chha̍k--sí, bián-tit hiah ê bô siū kat-lé ê lâng lâi lêng-jio̍k góa; hit ê kia̍h i ê chiàn-khì-ê m̄-ài, in-ūi chin kiaⁿ. Sò-lô chiū kia̍h i ê to, chiong seng-khu àⁿ tī téng-bīn lâi chhìⁿ-sí.

5Kia̍h伊ê戰器ê人看見掃羅已經死，也chhìⁿ tī刀裡來死。Kia̍h i ê chiàn-khì ê lâng khòaⁿ-kìⁿ Sò-lô í-keng sí, iā chhìⁿ tī to--nih lâi sí.

6Án-ni掃羅kap伊三個kiáⁿ死，全家做一下死。Án-ni Sò-lô kap i saⁿ ê kiáⁿ sí, choân-ke chòe chi̍t-ē sí.

7Khiā起山谷ê以色列人看見軍兵逃走，掃羅kap伊ê kiáⁿ lóng死，也放sak in ê城逃走。腓利士人就來khiā起伊。Khiā-khí soaⁿ-kok ê Í-sek-lia̍t lâng khòaⁿ-kìⁿ kun-peng tô-cháu, Sò-lô kap i ê kiáⁿ lóng sí, iā pàng-sak in ê siâⁿ tô-cháu. Hui-lī-sū lâng chiū lâi khiā-khí--i.

8隔日腓利士人來搶剝hiah-ê受thâi ê人，chhē-tio̍h掃羅kap伊ê kiáⁿ，死tī Ki-lī-pho山。Keh-ji̍t Hui-lī-sū lâng lâi chhiúⁿ pak hiah ê siū-thâi ê lâng, chhē-tio̍h Sò-lô kap i ê kiáⁿ, sí tī Ki-lī-pho soaⁿ.

9In就剝伊，the̍h伊ê頭殼kap軍裝，差人到腓利士地ê四境，報消息hō͘ in ê偶像kap in ê百姓。In chiū pak--i, the̍h i ê thâu-khak kap kun-chong, chhe lâng kàu Hui-lī-sū tōe ê sì-kéng, pò siau-sit hō͘ in ê ngó͘-siōng kap in ê peh-sìⁿ.

10用伊ê軍裝hē tī in ê上帝 ê廟，召伊ê頭殼tī Tāi-kún ê廟。Ēng i ê kun-chong hē tī in ê siōng-tè ê biō, tiàu i ê thâu-khak tī Tāi-kún ê biō.

11Ki-lia̍t ê Ngá-pí人聽見腓利士人所款待掃羅一切ê事。Ki-lia̍t ê Ngá-pí lâng thiaⁿ-kìⁿ Hui-lī-sū lâng só͘ khoán-thāi Sò-lô it-chhè ê sū.

12In ê眾勇士就起來，將掃羅ê身屍kap伊hiah-ê kiáⁿ ê身屍帶到Ngá-pí；koh葬伊ê骨骸tī Ngá-pí ê橡樹腳，禁食七日。In ê chèng ióng-sū chiū khí--lâi, chiong Sò-lô ê sin-si kap i hiah ê kiáⁿ ê sin-si tòa kàu Ngá-pí; koh chòng i ê kut-hâi tī Ngá-pí ê siōng-chhiū-kha, kìm-chia̍h chhit-ji̍t.

13Án-ni掃羅死，因為伊犯罪tī耶和華，為tio̍h伊無守耶和華ê命令，koh因為伊去chhē鬼上身ê婦人人，來問伊；Án-ni Sò-lô sí, in-ūi i hoān-chōe tī Iâ-hô-hoa, ūi-tio̍h i bô siú Iâ-hô-hoa ê bēng-lēng, koh in-ūi i khì chhē kúi chiūⁿ-sin ê hū-jîn-lâng, lâi mn̄g--i;

14也無問耶和華；所以伊thâi死伊，將伊ê國歸hō͘耶西ê kiáⁿ大衛。iā bô mn̄g Iâ-hô-hoa; só͘-í I thâi-sí i, chiong i ê kok kui hō͘ Iâ-se ê kiáⁿ Tāi-pi̍t.

1以色列眾人就聚集到Hi-pek-lûn見大衛講，看ah，阮是你ê骨肉。Í-sek-lia̍t chèng-lâng chiū chū-chi̍p kàu Hi-pek-lûn kìⁿ Tāi-pi̍t kóng, Khòaⁿ ah, goán sī lí ê kut-jio̍k.

2從前掃羅做王ê時，chhōa以色列人出入ê，也是你；koh耶和華你ê上帝bat對你講，你beh照顧我ê百姓以色列，也beh做我ê百姓以色列ê人君。Chiông-chêng Sò-lô chòe ông ê sî, chhōa Í-sek-lia̍t lâng chhut-ji̍p--ê, iā sī lí; koh Iâ-hô-hoa lí ê Siōng-tè bat tùi lí kóng, Lí beh chiàu-kò͘ Góa ê peh-sìⁿ Í-sek-lia̍t, iā beh chòe Góa ê peh-sìⁿ Í-sek-lia̍t ê jîn-kun.

3Tùi án-ni，以色列眾長老到Hi-pek-lûn見王；大衛就tī Hi-pek-lûn，tī耶和華ê面前，kap in立約；in就用油抹大衛做以色列王，照耶和華託重撒母耳所講ê。Tùi án-ni Í-sek-lia̍t chèng tiúⁿ-ló kàu Hi-pek-lûn kìⁿ ông; Tāi-pi̍t chiū tī Hi-pek-lûn, tī Iâ-hô-hoa ê bīn-chêng, kap in li̍p-iok; in chiū ēng iû boah Tāi-pi̍t chòe Í-sek-lia̍t ông, chiàu Iâ-hô-hoa thok-tiōng Sat-bó͘-jíⁿ só͘ kóng--ê.

4大衛kap以色列人去到耶路撒冷，就是Iâ-pò͘-su。Hit時本地ê Iâ-pò͘-su人khiā起tī-hia。Tāi-pi̍t kap Í-sek-lia̍t lâng khì kàu Iâ-lō͘-sat-léng, chiū-sī Iâ-pò͘-su. Hit-sî pún-tōe ê Iâ-pò͘-su lâng khiā-khí tī-hia.

5Khiā起tī Iâ-pò͘-su ê人kā大衛講，你bōe能入chia。總是大衛攻取錫安ê衛所，做大衛ê城。Khiā-khí tī Iâ-pò͘-su ê lâng kā Tāi-pi̍t kóng, Lí bōe-ōe ji̍p chia. Chóng-sī Tāi-pi̍t kong-chhú Sek-an ê ōe-só͘, chòe Tāi-pi̍t ê siâⁿ.

6大衛講，做頭攻擊Iâ-pò͘-su人ê，beh做首領，做元帥；Sé-ló͘-ngá ê kiáⁿ Iok-ap事先上去，就做首領。Tāi-pi̍t kóng, Chòe-thâu kong-kek Iâ-pò͘-su lâng--ê, beh chòe siú-léng, chòe goân-sòe; Sé-ló͘-ngá ê kiáⁿ Iok-ap tāi-seng chiūⁿ-khì, chiū chòe siú-léng.

7大衛khiā起tī衛所，所以in叫伊做大衛ê城。Tāi-pi̍t khiā-khí tī ōe-só͘, só͘-í in kiò i chòe Tāi-pi̍t ê siâⁿ.

8伊起城ê四圍，就是tùi Bí-lô 起到伊ê四圍；其餘ê，Iok-ap修理伊。I khí siâⁿ ê sì-ûi, chiū-sī tùi Bí-lô khí kàu i ê sì-ûi; kî-û--ê, Iok-ap siu-lí--i.

9大衛直直khah強大，因為萬軍ê耶和華kap伊tī-teh。Tāi-pi̍t ti̍t-ti̍t khah kiông-tōa, in-ūi bān-kun ê Iâ-hô-hoa kap i tī-teh.

10下底所記是大衛勇士ê頭人；in kap以色列眾人奮勇，幫贊伊得tio̍h 國，設立伊做王，照耶和華所論以色列ê話。Ē-tóe só͘ kì sī Tāi-pi̍t ióng-sū ê thâu-lâng; in kap Í-sek-lia̍t chèng-lâng hùn-ióng, pang-chān i tit-tio̍h kok, siat-li̍p i chòe-ông, chiàu Iâ-hô-hoa só͘ lūn Í-sek-lia̍t ê ōe.

11大衛勇士ê數額記tī下底；Hap-kek-mô͘-nî人Ngá-sok-pan，伊是chiah-ê將ê首領，伊bat做一時kia̍h鎗thâi死三百人。Tāi-pi̍t ióng-sū ê siàu-gia̍h kì tī ē-tóe; Hap-kek-mô͘-nî lâng Ngá-sok-pan, i sī chiah ê chiòng ê siú-léng, i bat chòe chi̍t-sî kia̍h-chhiuⁿ thâi-sí saⁿ-pah lâng.

12第二是A-ha̍p人，To-to ê kiáⁿ Í-lī-a-sat；伊是三個勇士ê一個。Tē-jī sī A-ha̍p lâng, To-to ê kiáⁿ Í-lī-a-sat; i sī saⁿ ê ióng-sū ê chi̍t-ê.

13伊bat kap大衛tī Pa-su-ta̍t-bín，腓利士人聚集tī-hia beh交戰，tī-hia有一坵園大麥滿滿；眾百姓就tī腓利士人ê面前逃走。I bat kap Tāi-pi̍t tī Pa-su-ta̍t-bín, Hui-lī-sū lâng chū-chi̍p tī-hia beh kau-chiàn, tī-hia ū chi̍t khu hn̂g tōa-be̍h móa-móa; chèng peh-sìⁿ chiū tī Hui-lī-sū lâng ê bīn-chêng tô-cháu.

14In khiā tī hit 坵園中來保護伊。續phah死腓利士人；耶和華拯救in，hō͘ in大khah贏。In khiā tī hit khu hn̂g-tiong lâi pó-hō͘--i. sòa phah-sí Hui-lī-sū lâng; Iâ-hô-hoa chín-kiù in, hō͘ in tōa khah-iâⁿ.

15三十個頭人中有三人落去石磐hia，入A-thó͘-lân ê洞見大衛；腓利士ê軍隊紮營tī Lī-hoa̍t-im ê山谷。Saⁿ-cha̍p ê thâu-lâng tiong ū saⁿ-lâng lo̍h-khì chio̍h-pôaⁿ hia, ji̍p A-thó͘-lân ê tōng kìⁿ Tāi-pi̍t; Hui-lī-sū ê kun-tūi chat-iâⁿ tī Lī-hoa̍t-im ê soaⁿ-kok.

16Hit時大衛tī衛所，腓利士人ê兵營tī伯利恆。Hit-sî Tāi-pi̍t tī ōe-só͘, Hui-lī-sū lâng ê peng-iâⁿ tī Pek-lī-hêng.

17大衛欣羨講，甚麼人會將伯利恆城門邊ê井水，chhiūⁿ來hō͘我lim？Tāi-pi̍t him-soān kóng, Sím-mi̍h lâng ōe chiong Pek-lī-hêng siâⁿ-mn̂g-piⁿ ê chíⁿ-chúi, chhiūⁿ lâi hō͘ góa lim?

18Chit三人就tùi腓利士ê軍營衝過去，tùi伯利恆城門邊ê井chhiūⁿ水，帶來hō͘大衛；伊m̄ lim，piàⁿ tī耶和華面前，講，Chí(**Chit) saⁿ-lâng chiū tùi Hui-lī-sū ê kun-iâⁿ chhiong--kè-khì, tùi Pek-lī-hêng siâⁿ-mn̂g-piⁿ ê chíⁿ chhiūⁿ-chúi, tòa lâi hō͘ Tāi-pi̍t; i m̄ lim, piàⁿ tī Iâ-hô-hoa bīn-chêng, kóng,

19我ê上帝ah，我決斷m̄-thang做án-ni；chiah-ê人無顧性命，我kiám敢lim in ê血mah？因為in無顧性命去chhiūⁿ來。所以伊m̄ lim伊。Chiah-ê事是指三個勇士做ê。Góa ê Siōng-tè ah, góa koat-toàn m̄-thang chòe án-ni; chiah ê lâng bô kò͘ sìⁿ-miā, góa kiám káⁿ lim in ê huih mah? In-ūi in bô kò͘ sìⁿ-miā khì chhiūⁿ--lâi. Só͘-í i m̄ lim--i. Chiah ê sū sī chí(**chit) saⁿ ê ióng-sū chòe--ê.

20Iok-ap ê兄弟A-pí-su是hit三個勇士中ê頭；因為伊kia̍h鎗攻擊三百人來thâi死，就tī chit三人中得tio̍h名。Iok-ap ê hiaⁿ-tī A-pí-su sī hit saⁿ ê ióng-sū tiong ê thâu; in-ūi i kia̍h-chhiuⁿ kong-kek saⁿ-pah lâng lâi thâi-sí, chiū tī chí(**chit) saⁿ-lâng tiong tit-tio̍h miâ.

21三人中伊比hit兩個khah出tioh，就做in ê頭；總是bōe比得起頭ê三人。Saⁿ-lâng tiong i pí hit nn̄g-ê khah chhut-tioh, chiū chòe in ê thâu; chóng-sī bōe pí-tit khí-thâu ê saⁿ-lâng.

22有Kah-siat人Iâ-hô-iâ-tāi ê kiáⁿ，Pí-ná-ngá，bat做出chōe-chōe大事ê，thâi死Mô͘-ap人A-lī-i-le̍k ê兩個kiáⁿ；koh tī落雪ê時，落坑內thâi死一隻獅。Ū Kah-siat lâng Iâ-hô-iâ-tāi ê kiáⁿ, Pí-ná-ngá, bat chòe-chhut chōe-chōe tōa-sū--ê, thâi-sí Mô͘-ap lâng A-lī-i-le̍k ê nn̄g ê kiáⁿ; koh tī lo̍h-seh ê sî, lo̍h khiⁿ-lāi thâi-sí chi̍t chiah sai.

23Koh thâi死一個埃及ê大漢人，有五肘ê高；埃及人手裡有鎗，大親像布機ê樑；Pí-ná-ngá kia̍h柺落去接伊，搶埃及人手內ê鎗，chiah用伊ê鎗thâi死伊。Koh thâi-sí chi̍t ê Ai-ki̍p ê tōa-hàn lâng, ū gō͘ tiú ê koâiⁿ; Ai-ki̍p lâng chhiú--nih ū chhiuⁿ, tōa chhin-chhiūⁿ pò͘-kui(**ki) ê niû; Pí-ná-ngá kia̍h-koáiⁿ lo̍h-khì chih--i, chhiúⁿ Ai-ki̍p lâng chhiú-lāi ê chhiuⁿ, chiah ēng i ê chhiuⁿ thâi-sí i.

24Chiah-ê是Iâ-hô-iâ-tāi ê kiáⁿ Pí-ná-ngá所行ê事，就tī三個勇士中得tio̍h名。Chiah-ê sī Iâ-hô-iâ-tāi ê kiáⁿ Pí-ná-ngá só͘ kiâⁿ ê sū, chiū tī saⁿ ê ióng-sū tiong tit-tio̍h miâ.

25伊比三十個勇士khah出tioh；總是bōe比得前三個勇士；大衛設立伊做侍衛長。I pí saⁿ-cha̍p ê ióng-sū khah chhut-tioh; chóng-sī bōe pí-tit chêng saⁿ ê ióng-sū; Tāi-pi̍t siat-li̍p i chòe sī-ōe-tiúⁿ.

26軍隊中ê勇士，有Iok-ap ê兄弟A-sat-hek，伯利恆人，To-to ê kiáⁿ I-le̍k-hap-lân；Kun-tūi tiong ê ióng-sū, ū Iok-ap ê hiaⁿ-tī A-sat-hek, Pek-lī-hêng lâng, To-to ê kiáⁿ I-le̍k-hap-lân;

27Hap-lu̍t人Sa-má，Pí-lûn人Hi-lī-su；Hap-lu̍t lâng Sa-má, Pí-lûn lâng Hi-lī-su;

28Thê-ko-a人Ek-kiat ê kiáⁿ Í-la̍h，A-ná-tu̍t人A-pí-í-siā；Thê-ko-a lâng Ek-kiat ê kiáⁿ Í-la̍h, A-ná-tu̍t lâng A-pí-í-siā;

29Hō͘-sa人Se-pí-kai，A-ha̍p人Í-lâi；Hō͘-sa lâng Se-pí-kai, A-ha̍p lâng Í-lâi;

30Nî-to-hoat人Má-khap-lâi，Nî-to-hoat人Pa-ná ê kiáⁿ Hi-li̍p；Nî-to-hoat lâng Má-khap-lâi, Nî-to-hoat lâng Pa-ná ê kiáⁿ Hi-li̍p;

31便雅憫族，Ki-pí-a人Lī-pài ê kiáⁿ Í-thài，Pí-la̍h-tùn人Pí-ná-ngá；Piān-ngá-bín cho̍k, Ki-pí-a lâng Lī-pài ê kiáⁿ Í-thài, Pí-la̍h-tùn lâng Pí-ná-ngá;

32屬Ka-si̍t chiah-ê溪ê人Hō͘-lâi，A-la̍h-pa人A-pí；sio̍k Ka-si̍t chiah ê khoe ê lâng Hō͘-lâi, A-la̍h-pa lâng A-pí;

33Pa-lō͘-bí人A-su-má-hut，Sa-pún人I-lī-ngá-hap-pa；Pa-lō͘-bí lâng A-su-má-hut, Sa-pún lâng I-lī-ngá-hap-pa;

34Ki-sun人Hap-chhim ê眾kiáⁿ，Hap-la̍h人Sa-ki ê kiáⁿ約拿單；Ki-sun lâng Hap-chhim ê chèng-kiáⁿ, Hap-la̍h lâng Sa-ki ê kiáⁿ Iok-ná-tan;

35Hap-la̍h人Sa-kah ê kiáⁿ A-hi-àm，Ngô͘-jíⁿ ê kiáⁿ Í-lī-hoat-le̍k；Hap-la̍h lâng Sa-kah ê kiáⁿ A-hi-àm, Ngô͘-jíⁿ ê kiáⁿ Í-lī-hoat-le̍k;

36Bí-ki-la̍h人Hi-hut，Pí-lûn人A-hi-ngá；Bí-ki-la̍h lâng Hi-hut, Pí-lûn lâng A-hi-ngá;

37Ka-bi̍t人Hi-su-lô，I-su-pài ê kiáⁿ Ná-lâi；Ka-bi̍t lâng Hi-su-lô, I-su-pài ê kiáⁿ Ná-lâi;

38Ná-tan ê兄弟約珥，Hap-ki-lī ê kiáⁿ Bî-pek-hap；Ná-tan ê hiaⁿ-tī Iok-jíⁿ, Hap-ki-lī ê kiáⁿ Bî-pek-hap;

39A-bûn人Sé-le̍k，Pí-lio̍k人Ná-hap-lâi，Ná-hap-lâi是kā Sé-ló͘-ngá ê kiáⁿ Iok-ap kia̍h戰器ê；A-bûn lâng Sé-le̍k, Pí-lio̍k lâng Ná-hap-lâi, Ná-hap-lâi sī kā Sé-ló͘-ngá ê kiáⁿ Iok-ap kia̍h chiàn-khì--ê;

40Í-thiap人Í-la̍h，Í-thiap人Ka-li̍p；Í-thiap lâng Í-la̍h, Í-thiap lâng Ka-li̍p;

41Hek人烏利亞，A-lâi ê kiáⁿ Sat-poa̍t；Hek-lâng O͘-lī-à, A-lâi ê kiáⁿ Sat-poa̍t;

42Liû-piān人Sī-sat ê kiáⁿ，A-tē-ná，伊是Liû-piān支派中一個族長，chhōa三十人；Liû-piān lâng Sī-sat ê kiáⁿ, A-tē-ná, i sī Liû-piān chi-phài tiong chi̍t-ê cho̍k-tiúⁿ, chhōa saⁿ-cha̍p lâng;

43Má-ka ê kiáⁿ哈蘭，Bî-te̍k-nî人Iok-sa-hoat；Má-ka ê kiáⁿ Hap-lân, Bî-te̍k-nî lâng Iok-sa-hoat;

44A-si-tha-la̍h人O͘-se-a，A-lô-jíⁿ人，Hô-thán ê kiáⁿ Sa-má，Iâ-lī；A-si-tha-la̍h lâng O͘-se-a, A-lô-jíⁿ lâng, Hô-thán ê kiáⁿ Sa-má, Iâ-lī;

45Thê-sé人Sin-lī ê kiáⁿ Iâ-tia̍p，kap伊ê兄弟Iok-hap；Thê-sé lâng Sin-lī ê kiáⁿ Iâ-tia̍p, kap i ê hiaⁿ-tī Iok-hap;

46Má-hap-bī人Í-lī-gia̍p，I-lī-ná-an ê kiáⁿ Iâ-lī-pài，Iok-sa-bī-ngá，Mô͘-ap人I-te̍k-má；Má-hap-bī lâng Í-lī-gia̍p, I-lī-ná-an ê kiáⁿ Iâ-lī-pài, Iok-sa-bī-ngá, Mô͘-ap lâng I-te̍k-má;

47Í-lī-gia̍p，Gô-pī-tek，kap Bí-só-pat人Ngá-se-gia̍p。Í-lī-gia̍p, Gô-pī-tek, kap Bí-só-pat lâng Ngá-se-gia̍p.