1以色列ê kiáⁿ：Liû-piān、西門、利未、猶大、Í-sat-ka、Se-pò͘-lûn；Í-sek-lia̍t ê kiáⁿ; Liû-piān, Se-biān, Lī-bī, Iû-tāi, Í-sat-ka, Se-pò͘-lûn;

2Tàn、約瑟、便雅憫、Ná-hut-tha-lī、Ka-tek、A-siat。Tàn, Iok-sek, Piān-ngá-bín, Ná-hut-tha-lī, Ka-tek, A-siat.

3猶大ê kiáⁿ；Jíⁿ、Gô-lâm、Sī-la̍h；chit三個是迦南人Su-a ê cha-bó͘-kiáⁿ所生ê。猶大ê大kiáⁿ Jíⁿ做pháiⁿ tī耶和華ê面前，伊就hō͘伊死。Iû-tāi ê kiáⁿ; Jíⁿ, Gô-lâm, Sī-la̍h; chit saⁿ-ê sī Ka-lâm lâng Su-a ê cha-bó͘-kiáⁿ só͘ siⁿ--ê. Iû-tāi ê tōa-kiáⁿ Jíⁿ chòe-pháiⁿ tī Iâ-hô-hoa ê bīn-chêng, I chiū hō͘ i sí.

4猶大ê新婦Tha-má kā伊生Hoat-le̍k-su kap 謝拉。猶大共五個kiáⁿ。Iû-tāi ê sim-pū Tha-má kā i siⁿ Hoat-le̍k-su kap Siā-la̍h. Iû-tāi kiōng gō͘ ê kiáⁿ.

5Hoat-le̍k-su ê kiáⁿ；Hi-su-lûn、Hap-bó͘-le̍k。Hoat-le̍k-su ê kiáⁿ; Hi-su-lûn, Hap-bó͘-le̍k.

6謝拉 ê kiáⁿ；Sim-lī、Í-thàm、Hi-bān、Kah-kok、Tāi-la̍h；共五人。Siā-la̍h ê kiáⁿ; Sim-lī, Í-thàm, Hi-bān, Kah-kok, Tāi-la̍h; kiōng gō͘-lâng.

7Ka-bí ê kiáⁿ：A-kan、chit-ê A-kan tī應該滅ê物犯罪，連累以色列人。Ka-bí ê kiáⁿ; A-kan, chit ê A-kan tī eng-kai bia̍t ê mi̍h hoān-chōe, liân-lūi Í-sek-lia̍t lâng.

8Í-thàm ê kiáⁿ：A-sat-lī-ngá。Í-thàm ê kiáⁿ; A-sat-lī-ngá.

9Hi-su-lûn所生ê kiáⁿ：Iâ-la̍h-bia̍t、Lân、Ki-lō͘-pài。Hi-su-lûn só͘ siⁿ ê kiáⁿ; Iâ-la̍h-bia̍t, Lân, Ki-lō͘-pài.

10Lân生A-bí-ngá-ta̍t；A-bí-ngá-ta̍t生Ná-sūn，做猶大人ê首領；Lân siⁿ A-bí-ngá-ta̍t; A-bí-ngá-ta̍t siⁿ Ná-sūn, chòe Iû-tāi lâng ê siú-léng;

11Ná-sūn生Sat-bûn，Sat-bûn生Pho-a-su；Ná-sūn siⁿ Sat-bûn, Sat-bûn siⁿ Pho-a-su;

12Pho-a-su生Gô-pī-tek；Gô-pī-tek生耶西；Pho-a-su siⁿ Gô-pī-tek; Gô-pī-tek siⁿ Iâ-se;

13耶西生大kiáⁿ Í-lī-ap，第二kiáⁿ A-pí-ná-ta̍t，第三kiáⁿ Sī-bí-a；Iâ-se siⁿ tōa-kiáⁿ Í-lī-ap, tē-jī kiáⁿ A-pí-ná-ta̍t, tē-saⁿ kiáⁿ Sī-bí-a;

14第四kiáⁿ Ná-thán-gia̍p，第五kiáⁿ La̍h-tāi；tē-sì kiáⁿ Ná-thán-gia̍p, tē-gō͘ kiáⁿ La̍h-tāi;

15第六kiáⁿ O-sián，第七kiáⁿ大衛。tē-la̍k kiáⁿ O-sián, tē-chhit kiáⁿ Tāi-pi̍t.

16In ê姊妹是Sé-ló͘-ngá kap A-pí-kai。Sé-ló͘-ngá ê kiáⁿ是A-pí-su、Iok-ap、A-sat-hek，共三個。In ê chí-bē sī Sé-ló͘-ngá kap A-pí-kai. Sé-ló͘-ngá ê kiáⁿ sī A-pí-su, Iok-ap, A-sat-hek, kiōng saⁿ-ê.

17A-pí-kai生A-má-sat；A-má-sat ê老父是以實瑪利人Ek-thiap。A-pí-kai siⁿ A-má-sat; A-má-sat ê lāu-pē sī Í-si̍t-má-lī lâng Ek-thiap.

18Hi-su-lûn ê kiáⁿ迦勒tùi伊ê bó͘ A-so͘-pa，也tùi Iâ-lio̍k，來生kiáⁿ；伊ê kiáⁿ就是Iâ-siat、Sok-pa、Ap-tun。Hi-su-lûn ê kiáⁿ Ka-le̍k tùi i ê bó͘ A-so͘-pa, iā tùi Iâ-lio̍k, lâi siⁿ-kiáⁿ; i ê kiáⁿ chiū-sī Iâ-siat, Sok-pa, Ap-tun.

19A-so͘-pa死了，迦勒koh娶 Í-hoat-tha，伊kā伊生Hō͘-jíⁿ。A-so͘-pa sí-liáu, Ka-le̍k koh chhōa Í-hoat-tha, i kā i siⁿ Hō͘-jíⁿ.

20Hō͘-jíⁿ生O͘-lī，O͘-lī生Pí-sat-lia̍t。Hō͘-jíⁿ siⁿ O͘-lī, O͘-lī siⁿ Pí-sat-lia̍t.

21了後Hi-su-lûn kap Ki-lia̍t ê老父Má-kiat ê cha-bó͘-kiáⁿ同房；Hi-su-lûn六十歲娶伊做bó͘；Liáu-āu Hi-su-lûn kap Ki-lia̍t ê lāu-pē Má-kiat ê cha-bó͘-kiáⁿ tâng-pâng; Hi-su-lûn la̍k-cha̍p hè chhōa i chòe-bó͘;

22伊kā伊生Se-kat，Se-kat生Gâi-jíⁿ，伊tī Ki-lia̍t地有二十三個城。i kā i siⁿ Se-kat, Se-kat siⁿ Gâi-jíⁿ, i tī Ki-lia̍t tōe ū jī-cha̍p-saⁿ ê siâⁿ.

23後來Ki-su̍t人kap A-lân人tùi in搶Gâi-jíⁿ chiah-ê城，kap Ki-la̍p kap伊ê鄉村，共六十個城。Chiah-ê lóng是Ki-lia̍t ê老父Má-kiat ê kiáⁿ。Āu-lâi Ki-su̍t lâng kap A-lân lâng tùi in chhiúⁿ Gâi-jíⁿ chiah ê siâⁿ, kap Ki-la̍p kap i ê hiuⁿ-chhng, kiōng la̍k-cha̍p ê siâⁿ. Chiah-ê lóng sī Ki-lia̍t ê lāu-pē Má-kiat ê kiáⁿ.

24Hi-su-lûn tī Ka-le̍k-í-hoat-tha死後，伊ê bó͘ A-pí-ngá kā伊生A-si-hō͘，Thê-ko-a ê老父。Hi-su-lûn tī Ka-le̍k-í-hoat-tha sí-āu, i ê bó͘ A-pí-ngá kā i siⁿ A-si-hō͘, Thê-ko-a ê lāu-pē.

25Hi-su-lûn ê大kiáⁿ Iâ-la̍h-bia̍t生大kiáⁿ Lân，koh生Pò͘-ná、O-liân、O-sián、A-hi-ngá。Hi-su-lûn ê tōa-kiáⁿ Iâ-la̍h-bia̍t siⁿ tōa-kiáⁿ Lân, koh siⁿ Pò͘-ná, O-liân, O-sián, A-hi-ngá.

26Iâ-la̍h-bia̍t koh娶一個bó͘，名A-tha-la̍h；伊是O-lâm ê老母。Iâ-la̍h-bia̍t koh chhōa chi̍t ê bó͘, miâ A-tha-la̍h; i sī O-lâm ê lāu-bú.

27Iâ-la̍h-bia̍t ê大kiáⁿ Lân ê kiáⁿ：Má-su、Ngá-bín、Í-kiat。Iâ-la̍h-bia̍t ê tōa-kiáⁿ Lân ê kiáⁿ; Má-su, Ngá-bín, Í-kiat.

28O-lâm ê kiáⁿ：Sa-mái、Ngá-tāi；Sa-mái ê kiáⁿ：Ná-tap、A-pí-su̍t。O-lâm ê kiáⁿ, Sa-mái, Ngá-tāi; Sa-mái ê kiáⁿ, Ná-tap, A-pí-su̍t.

29A-pí-su̍t ê bó͘名A-pí-hâi；伊kā伊生A-piān，kap Mô͘-lī。A-pí-su̍t ê bó͘ miâ A-pí-hâi; i kā i siⁿ A-piān, kap Mô͘-lī.

30Ná-tap ê kiáⁿ：Se-lia̍t、A-piàn；Se-lia̍t無kiáⁿ就死。Ná-tap ê kiáⁿ; Se-lia̍t, A-piàn; Se-lia̍t bô kiáⁿ chiū sí.

31A-piàn ê kiáⁿ：Í-sī-；Í-sī- ê kiáⁿ：Sī-san。Sī-san ê kiáⁿ；A-lâi。A-piàn ê kiáⁿ; Í-sī; Í-sī ê kiáⁿ; Sī-san. Sī-san ê kiáⁿ; A-lâi.

32Sa-mái ê小弟Ngá-tāi ê kiáⁿ：Ek-thiap、約拿單；Ek-thiap無kiáⁿ，就死。Sa-mái ê sió-tī Ngá-tāi ê kiáⁿ; Ek-thiap, Iok-ná-tan; Ek-thiap bô kiáⁿ, chiū sí.

33約拿單ê kiáⁿ：Pí-le̍k、Sat-sat。Chiah-ê lóng是Iâ-la̍h-bia̍t ê kiáⁿ孫。Iok-ná-tan ê kiáⁿ; Pí-le̍k, Sat-sat. Chiah-ê lóng sī Iâ-la̍h-bia̍t ê kiáⁿ-sun.

34Sī-san無kiáⁿ，只有cha-bó͘-kiáⁿ。Sī-san有一個奴僕，名Iâ-hap，是埃及人。Sī-san bô kiáⁿ, chí ū cha-bó͘-kiáⁿ. Sī-san ū chi̍t ê lô͘-po̍k, miâ Iâ-hap, sī Ai-ki̍p lâng.

35Sī-san將伊ê cha-bó͘-kiáⁿ hō͘奴僕Iâ-hap做bó͘；伊kā伊生kiáⁿ A-thài。Sī-san chiong i ê cha-bó͘-kiáⁿ hō͘ lô͘-po̍k Iâ-hap chòe bó͘; i kā i siⁿ-kiáⁿ A-thài.

36A-thài生Ná-tan，Ná-tan生Sat-poa̍t；A-thài siⁿ Ná-tan, Ná-tan siⁿ Sat-poa̍t;

37Sat-poa̍t生Í-hut-la̍h，Í-hut-la̍h生Gô-pī-tek；Sat-poa̍t siⁿ Í-hut-la̍h, Í-hut-la̍h siⁿ Gô-pī-tek;

38Gô-pī-tek生Iâ-hō͘，Iâ-hō͘生A-sat-lī-ngá；Gô-pī-tek siⁿ Iâ-hō͘, Iâ-hō͘ siⁿ A-sat-lī-ngá;

39A-sat-lī-ngá生Hi-lī-su，Hi-lī-su生Í-lī-a-sat；A-sat-lī-ngá siⁿ Hi-lī-su, Hi-lī-su siⁿ Í-lī-a-sat;

40Í-lī-a-sat生Se-su-mái，Se-su-mái生Sa-liông；Í-lī-a-sat siⁿ Se-su-mái, Se-su-mái siⁿ Sa-liông;

41Sa-liông生Iâ-ka-bí-ngá，Iâ-ka-bí-ngá生Í-lī-sa-má。Sa-liông siⁿ Iâ-ka-bí-ngá, Iâ-ka-bí-ngá siⁿ Í-lī-sa-má.

42Iâ-la̍h-bia̍t ê兄弟迦勒有kiáⁿ，大kiáⁿ Bí-sa，是Se-hut ê老父；koh Hi-pek-lûn ê老父Má-lí-sa ê kiáⁿ。Iâ-la̍h-bia̍t ê hiaⁿ-tī Ka-le̍k ū kiáⁿ, tōa-kiáⁿ Bí-sa, sī Se-hut ê lāu-pē; koh Hi-pek-lûn ê lāu-pē Má-lí-sa ê kiáⁿ.

43Hi-pek-lûn ê kiáⁿ：Khó-la̍h、Tha-phó͘-a、Lī-khéng、Sī-má。Hi-pek-lûn ê kiáⁿ; Κhó-la̍h, Tha-phó͘-a, Lī-khéng, Sī-má.

44Sī-má生La̍h-hâm，是Iok-kan ê老父；Lī-khéng生Sa-mái。Sa-mái ê kiáⁿ Má-hûn；Sī-má siⁿ La̍h-hâm, sī Iok-kan ê lāu-pē; Lī-khéng siⁿ Sa-mái. Sa-mái ê kiáⁿ Má-hûn;

45Má-hûn是Pek-siok ê老父。Má-hûn sī Pek-siok ê lāu-pē.

46迦勒ê細姨Í-hoat生哈蘭、Mô͘-sat、Ka-siā；哈蘭生Ka-siā。Ka-le̍k ê sòe-î Í-hoat siⁿ Hap-lân, Mô͘-sat, Ka-siā; Hap-lân siⁿ Ka-siā.

47Ngá-tāi ê kiáⁿ：Lī-kiān、Iok-thán、Ki-san、Pí-le̍k、Í-hoat、Sa-a-hut。Ngá-tāi ê kiáⁿ; Lī-kiān, Iok-thán, Ki-san, Pí-le̍k, Í-hoat, Sa-a-hut.

48迦勒ê細姨Má-ka生Sī-pia̍t、Te̍k-hap-ná。Ka-le̍k ê sòe-î Má-ka siⁿ Sī-pia̍t, Te̍k-hap-ná.

49Koh生Be̍k-má-ná ê老父Sa-a-hut，Boat-pí-ná kap Ki-pí-a ê老父Sī-hoat；迦勒ê cha-bó͘-kiáⁿ是Ap-sat。Koh siⁿ Be̍k-má-ná ê lāu-pē Sa-a-hut, Boat-pí-ná kap Ki-pí-a ê lāu-pē Sī-hoat; Ka-le̍k ê cha-bó͘-kiáⁿ sī Ap-sat.

50迦勒ê kiáⁿ孫；Í-hoat-tha ê大kiáⁿ；Hō͘-jíⁿ ê kiáⁿ，Ki-lia̍t-iâ-lîm ê老父Sok-pa；Ka-le̍k ê kiáⁿ-sun; Í-hoat-tha ê tōa-kiáⁿ; Hō͘-jíⁿ ê kiáⁿ, Ki-lia̍t-iâ-lîm ê lāu-pē Sok-pa;

51伯利恆ê老父Sat-má，Pek-ka-tek ê老父Hap-le̍k。Pek-lī-hêng ê lāu-pē Sat-má, Pek-ka-tek ê lāu-pē Hap-le̍k.

52Ki-lia̍t-iâ-lîm ê老父Sok-pa有kiáⁿ；Hap-lô-í kap Bí-lô͘-hap人ê一半。Ki-lia̍t-iâ-lîm ê lāu-pē Sok-pa ū kiáⁿ; Hap-lô-í kap Bí-lô͘-hap lâng ê chi̍t-pòaⁿ.

53Ki-lia̍t-iâ-lîm hiah-ê族；Í-thiap人、Pò͘-te̍k人、Sū-má人、Bi̍t-lâi人；koh tùi chiah-ê族有生出Só-la̍h人kap Í-si̍t-tô人。Ki-lia̍t-iâ-lîm hiah ê cho̍k; Í-thiap lâng, Pò͘-te̍k lâng, Sū-má lâng, Bi̍t-lâi lâng; koh tùi chiah ê cho̍k ū siⁿ-chhut Só-la̍h lâng kap Í-si̍t-tô lâng.

54Sat-má ê kiáⁿ孫：伯利恆、Nî-tô-hoat人、A-tha-lio̍k-pek-iok-ap、Má-ná-hap人ê一半、Só-lī人。Sat-má ê kiáⁿ-sun; Pek-lī-hêng, Nî-tô-hoat lâng, A-tha-lio̍k-pek-iok-ap, Má-ná-hap lâng ê chi̍t-pòaⁿ, Só-lī lâng.

55Koh有khiā起tī Ngá-pí-su chiah-ê經學士ê家，就是Tek-la̍h人，Sī-bí-ap人、Só͘-kah人。Chiah-ê lóng是Ki-nî人，Lī-kah ê家ê老父Hap-boa̍t所生ê。Koh ū khiā-khí tī Ngá-pí-su chiah ê keng-ha̍k-sū ê ke, chiū-sī Tek-la̍h lâng, Sī-bí-ap lâng, Só͘-kah lâng. Chiah-ê lóng sī Ki-nî lâng, Lī-kah ê ke ê lāu-pē Hap-boa̍t só͘ siⁿ ê.

1大衛tī Hi-pek-lûn所生ê kiáⁿ記tī下底：大kiáⁿ Àm-lùn，是Iâ-su-lia̍t人A-hi-loán生ê；第二kiáⁿ但以理，就是Ka-bi̍t人A-pí-kai生ê；Tāi-pi̍t tī Hi-pek-lûn só͘ siⁿ ê kiáⁿ kì tī ē-tóe: tōa-kiáⁿ Àm-lùn, sī Iâ-su-lia̍t lâng A-hi-loán siⁿ--ê; tē-jī kiáⁿ Tàn-í-lí, chiū-sī Ka-bi̍t lâng A-pí-kai siⁿ--ê;

2第三kiáⁿ Ap-Sa-liông，是Ki-su̍t王Ta̍t-mái ê cha-bó͘-kiáⁿ Má-ka生ê；第四kiáⁿ A-to-nî-ngá，是Hap-ki̍p生ê；tē-saⁿ kiáⁿ Ap-sa-liông, sī Ki-su̍t ông Ta̍t-mái ê cha-bó͘-kiáⁿ Má-ka siⁿ--ê; tē-sì kiáⁿ A-to-nî-ngá, sī Hap-ki̍p siⁿ--ê;

3第五kiáⁿ Sī-hoat-thê-ngá，是A-pí-tha生ê；第六kiáⁿ Í-te̍k-liām，是伊ê bó͘ Í-khek-la̍h生ê。tē-gō͘ kiáⁿ Sī-hoat-thê-ngá, sī A-pí-tha siⁿ--ê; tē-la̍k kiáⁿ Í-te̍k-liām, sī i ê bó͘ Í-khek-la̍h siⁿ--ê.

4Chit六人lóng是大衛tī Hi-pek-lûn生ê；伊tī-hia做王七年koh六月日；tī耶路撒冷做王三十三年。Chit la̍k lâng lóng sī Tāi-pi̍t tī Hi-pek-lûn siⁿ--ê; i tī-hia chòe-ông chhit-nî koh la̍k-ge̍h-ji̍t; tī Iâ-lō͘-sat-léng chòe-ông saⁿ-cha̍p-saⁿ nî.

5大衛tī耶路撒冷所生ê kiáⁿ就是Sī-bí-a、Sok-pa、Ná-tan、所羅門；chit四個是A-bí-lī ê cha-bó͘-kiáⁿ Poa̍t-su-a所生ê。Tāi-pi̍t tī Iâ-lō͘-sat-léng só͘ siⁿ ê kiáⁿ chiū-sī Sī-bí-a, Sok-pa, Ná-tan, Só͘-lô-bûn; chí(**chit) sì-ê sī A-bí-lī ê cha-bó͘-kiáⁿ Poa̍t-su-a só͘ siⁿ--ê.

6iáu有Ek-hat、Í-lī-sa-má、Í-lī-hoat-lia̍t；Iáu ū Ek-hat, Í-lī-sa-má, Í-lī-hoat-lia̍t;

7Lô-ka、Nî-húi、Ngá-hui-a；Lô-ka, Nî-húi, Ngá-hui-a;

8Í-lī-sa-má、Í-lī-ngá-tāi、Í-lī-hoat-lia̍t，共九個。Í-lī-sa-má, Í-lī-ngá-tāi, Í-lī-hoat-lia̍t, kiōng káu-ê.

9Chiah-ê lóng是大衛ê kiáⁿ；以外iáu有后妃ê kiáⁿ；Tha-má是in ê姊妹。Chiah-ê lóng sī Tāi-pi̍t ê kiáⁿ; í-gōa iáu ū hō͘-hui ê kiáⁿ; Tha-má sī in ê chí-bē.

10所羅門ê kiáⁿ是Lô-phò-àm，Lô-phò-àm ê kiáⁿ是A-pí-ngá，A-pí-ngá ê kiáⁿ是A-sat，A-sat ê kiáⁿ是Iok-sa-hoat；Só͘-lô-bûn ê kiáⁿ sī Lô-phò-àm, Lô-phò-àm ê kiáⁿ sī A-pí-ngá, A-pí-ngá ê kiáⁿ sī A-sat, A-sat ê kiáⁿ sī Iok-sa-hoat;

11Iok-sa-hoat ê kiáⁿ是Iok-lân，Iok-lân ê kiáⁿ是A-hap-siā，A-hap-siā ê kiáⁿ是Iok-a-si；Iok-sa-hoat ê kiáⁿ sī Iok-lân, Iok-lân ê kiáⁿ sī A-hap-siā, A-hap-siā ê kiáⁿ sī Iok-a-si;

12Iok-a-si ê kiáⁿ是A-má-siā，A-má-siā ê kiáⁿ是A-sat-lī-ngá，A-sat-lī-ngá ê kiáⁿ是Iok-thán；Iok-a-si ê kiáⁿ sī A-má-siā, A-má-siā ê kiáⁿ sī A-sat-lī-ngá, A-sat-lī-ngá ê kiáⁿ sī Iok-thán;

13Iok-thán ê kiáⁿ是A-hap-su，A-hap-su ê kiáⁿ是Hi-se-ka，Hi-se-ka ê kiáⁿ是Má-ná-se；Iok-thán ê kiáⁿ sī A-hap-su, A-hap-su ê kiáⁿ sī Hi-se-ka, Hi-se-ka ê kiáⁿ sī Má-ná-se;

14Má-ná-se ê kiáⁿ是A-bûn，A-bûn ê kiáⁿ是約西亞；Má-ná-se ê kiáⁿ sī A-bûn, A-bûn ê kiáⁿ sī Iok-se-a;

15約西亞ê kiáⁿ，大ê是Iok-hap-lân，第二個是Iok-ngá-kèng，第三ê Se-tí-ka，第四ê Sa-liông。Iok-se-a ê kiáⁿ, tōa--ê sī Iok-hap-lân, tē-jī-ê sī Iok-ngá-kèng, tē-saⁿ-ê Se-tí-ka, tē-sì-ê Sa-liông.

16Iok-ngá-kèng hiah-ê kiáⁿ：Iâ-ko-nî-ngá，Iâ-ko-nî-ngá ê kiáⁿ Se-tí-ka。Iok-ngá-kèng hiah ê kiáⁿ; Iâ-ko-nî-ngá, Iâ-ko-nî-ngá ê kiáⁿ Se-tí-ka.

17受掠ê Iâ-ko-nî-ngá ê kiáⁿ；Sat-la̍h-thiat，Siū-lia̍h ê Iâ-ko-nî-ngá ê kiáⁿ; Sat-la̍h-thiat,

18Má-ki-lân、Pí-tāi-ngá、是-ná-sat、Iâ-ka-bí、Hô-sa-má、Nî-tāi-pí-ngá。Má-ki-lân, Pí-tāi-ngá, Sī-ná-sat, Iâ-ka-bí, Hô-sa-má, Nî-tāi-pí-ngá.

19Pí-tāi-ngá ê kiáⁿ：Só͘-lô-pa-pek、Sī-múi；Só͘-lô-pa-pek ê kiáⁿ：Bí-su-lân、Hap-ná-nî-ngá；in ê姊妹Sī-lô-bi̍t；Pí-tāi-ngá ê kiáⁿ; Só͘-lô-pa-pek, Sī-múi; Só͘-lô-pa-pek ê kiáⁿ; Bí-su-lân, Hap-ná-nî-ngá; in ê chí-bē Sī-lô-bi̍t;

20Koh有Hap-su-pa、O-hek、Pí-lī-ka、Hap-sat-tí、U-sa-hi-sek，共五個。koh ū Hap-su-pa, O-hek, Pí-lī-ka, Hap-sat-tí, U-sa-hi-sek, kiōng gō͘-ê.

21Hap-ná-nî-ngá ê kiáⁿ；Pí-la-thê、Iâ-su-a；koh有Sī-hoat-ngá chiah-ê kiáⁿ，A-jíⁿ-lân chiah-ê kiáⁿ，Gô-pa-tí-a chiah-ê kiáⁿ，Sī-ka-nî chiah-ê kiáⁿ。Hap-ná-nî-ngá ê kiáⁿ; Pí-la-thê, Iâ-su-a; koh ū S[L]ī-hoat-ngá chiah ê kiáⁿ, A-jíⁿ-lân chiah ê kiáⁿ, Gô-pa-tí-a chiah ê kiáⁿ, Sī-ka-nî chiah ê kiáⁿ.

22Sī-ka-nî ê kiáⁿ Sī-má-ngá；Sī-má-ngá ê kiáⁿ； Hap-tu̍t、Í-kah、Pa-lī-a、Nî-lī-ngá、Sa-hoat，共六個。Sī-ka-nî ê kiáⁿ Sī-má-ngá; Sī-má-ngá ê kiáⁿ; Hap-tu̍t, Í-kah, Pa-lī-a, Nî-lī-ngá, Sa-hoat, kiōng la̍k-ê.

23Nî-lī-ngá ê kiáⁿ：Í-lī-iok-nái、Hi-se-ka、A-su-lí-kan，共三個。Nî-lī-ngá ê kiáⁿ; Í-lī-iok-nái, Hi-se-ka, A-su-lí-kan, kiōng saⁿ-ê.

24Í-lī-iok-nái ê kiáⁿ：Hô-tāi-ngá、Í-lī-a-si̍t、Pí-lâi-ngá、A-kok、Iok-hap-lân、Tē-lâi-ngá、A-ná-nî，共七個。Í-lī-iok-nái ê kiáⁿ; Hô-tāi-ngá, Í-lī-a-si̍t, Pí-lâi-ngá, A-kok, Iok-hap-lân, Tē-lâi-ngá, A-ná-nî, kiōng chhit-ê.

1猶大ê kiáⁿ：Hoat-le̍k-su、Hi-su-lûn、Ka-bí、Hō͘-jíⁿ、Sok-pa。Iû-tāi ê kiáⁿ; Hoat-le̍k-su, Hi-su-lûn, Ka-bí, Hō͘-jíⁿ, Sok-pa.

2Sok-pa ê kiáⁿ Lī-a-ngá生Ngá-hap；Ngá-hap生A-hō͘-mái kap La̍h-hap。這是Só-la̍h人ê眾族。Sok-pa ê kiáⁿ Lī-a-ngá siⁿ Ngá-hap; Ngá-hap siⁿ A-hō͘-mái kap La̍h-hap. Che sī Só-la̍h lâng ê chèng-cho̍k.

3Í-thán ê老父ê kiáⁿ：Iâ-su-lia̍t、I-si-má、I-tek-pa；in ê姊妹名叫Hap-sek-le̍k-pho-nî；Í-thán ê lāu-pē ê kiáⁿ; Iâ-su-lia̍t, I-si-má, I-tek-pa; in ê chí-bē miâ-kiò Hap-sek-le̍k-pho-nî;

4Ki-to ê老父Pí-lô͘-i-le̍k，Hō͘-sa ê老父Í-siā-jíⁿ。Chiah-ê lóng是伯利恆ê老父Í-hoat-tha ê大kiáⁿ Hō͘-jíⁿ所生ê。Ki-to ê lāu-pē Pí-lô͘-i-le̍k, Hō͘-sa ê lāu-pē Í-siā-jíⁿ. Chiah-ê lóng sī Pek-lī-hêng ê lāu-pē Í-hoat-tha ê tōa-kiáⁿ Hō͘-jíⁿ só͘-siⁿ--ê.

5Thê-ko-a ê老父A-si-hō͘有兩個bó͘；名Hi-la̍h、Ná-la̍h。Thê-ko-a ê lāu-pē A-si-hō͘ ū nn̄g ê bó͘; miâ Hi-la̍h, Ná-la̍h.

6Ná-la̍h kā伊生A-hō͘-sat、Hi-hut、Thê-bí-nî、Hap-hat-su-tha-lī；chiah-ê lóng是Ná-la̍h ê kiáⁿ。Ná-la̍h kā i siⁿ A-hō͘-sat, Hi-hut, Thê-bí-nî, Hap-hat-su-tha-lī; chiah-ê lóng sī Ná-la̍h ê kiáⁿ.

7Hi-la̍h ê kiáⁿ是Sé-lia̍t、Só-hat、I-thê-lâm。Hi-la̍h ê kiáⁿ sī Sé-lia̍t, Só-hat, I-thê-lâm.

8Ko-su生A-lo̍k、So-pí-pa；kap Hap-lûn ê kiáⁿ A-hap-hek chiah-ê族。Ko-su siⁿ A-lo̍k, So-pí-pa; kap Hap-lûn ê kiáⁿ A-hap-hek chiah ê cho̍k.

9Ngá-pí-su比伊ê眾兄弟khah尊貴，伊ê老母kā伊號名Ngá-pí-su，就是講，我生伊是真艱苦。Ngá-pí-su pí i ê chèng hiaⁿ-tī khah chun-kùi, i ê lāu-bú kā i hō miâ Ngá-pí-su, chiū-sī kóng, Góa siⁿ i sī chin kan-khó͘.

10Ngá-pí-su求以色列ê上帝，講，願你真實賞賜福氣hō͘我，開闊我ê境界；願你ê手常常kap我tī-teh，保庇我無tú-tio̍h患難，hō͘我不致憂悶。上帝就賞賜伊所求ê。Ngá-pí-su kiû Í-sek-lia̍t ê Siōng-tè, kóng, Goān Lí chin-si̍t siúⁿ-sù hok-khì hō͘ góa, khui-khoah góa ê kéng-kài; goān Lí ê chhiú siông-siông kap góa tī-teh, pó-pì góa bô tú-tio̍h hoān-lān, hō͘ góa put-tì iu-būn. Siōng-tè chiū siúⁿ-sù i só͘ kiû--ê.

11Sū-hap ê兄弟Ki-lio̍k生Bí-hek，就是I-sī-tun ê老父。Sū-hap ê hiaⁿ-tī Ki-lio̍k siⁿ Bí-hek, chiū-sī I-sī-tun ê lāu-pē.

12Í-sī-tun生Pek-la̍h-pa、Pa-se-a，以及Jíⁿ-ná-hat ê老父Thê-him-ná。Chiah-ê lóng是Lī-ka人。Í-sī-tun siⁿ Pek-la̍h-pa, Pa-se-a, í-ki̍p Jíⁿ-ná-hat ê lāu-pē Thê-him-ná. Chiah-ê lóng sī Lī-ka lâng.

13Ki-la̍p-su ê kiáⁿ：Gô-tô-liap、Se-lâi-ngá；Gô-tô-liap ê kiáⁿ，Hap-thap。Ki-la̍p-su ê kiáⁿ; Gô-tô-liap, Se-lâi-ngá; Gô-tô-liap ê kiáⁿ, Hap-thap.

14Bín-lô-thài生Gô-hut-la̍h；Se-lâi-ngá生Kek-hā-la̍p-him人ê老父Iok-ap；因為in lóng是師傅。Bín-lô-thài siⁿ Gô-hut-la̍h; Se-lâi-ngá siⁿ Kek-hā-la̍p-him lâng ê lāu-pē Iok-ap; in-ūi in lóng sī sai-hū.

15Iâ-hu-nî ê kiáⁿ迦勒，伊ê kiáⁿ Í-lō͘、Í-la̍h、Ná-an；Í-la̍h ê kiáⁿ Ki-la̍p-su。Iâ-hu-nî ê kiáⁿ Ka-le̍k, i ê kiáⁿ Í-lō͘, Í-la̍h, Ná-an; Í-la̍h ê kiáⁿ Ki-la̍p-su.

16Iâ-hap-bī-le̍k ê kiáⁿ：Se-hut、Se-hoat、Thê-lī、A-sat-lia̍t。Iâ-hap-bī-le̍k ê kiáⁿ; Se-hut, Se-hoat, Thê-lī, A-sat-lia̍t.

17Í-sū-la̍h ê kiáⁿ：Ek-thiap、Bí-lia̍t、Í-hut、Ngá-lûn；Bí-lia̍t娶法老ê cha-bó͘-kiáⁿ Pí-thê-ngá做bó͘，生Bí-lī-àm、Sa-mái，kap Í-si̍t-thê-mô͘ ê老父E̍k-pa；Bí-lia̍t koh娶猶大人做bó͘，生Ki-to ê老父Ngá-lia̍t，So-ko ê老父Hi-pek，kap Sat-lô-a ê老父Iâ-kó͘-thiat。Í-sū-la̍h ê kiáⁿ: Ek-thiap, Bí-lia̍t, Í-hut, Ngá-lûn; Bí-lia̍t chhōa Hoat-ló ê cha-bó͘-kiáⁿ Pí-thê-ngá chòe bó͘, siⁿ Bí-lī-àm, Sa-mái, kap Í-si̍t-thê-mô͘ ê lāu-pē E̍k-pa; Bí-lia̍t koh chhōa Iû-tāi lâng chòe bó͘, siⁿ Ki-to ê lāu-pē Ngá-lia̍t, So-ko ê lāu-pē Hi-pek, kap Sat-lô-a ê lāu-pē Iâ-kó͘-thiat.

19Hô-tē-ngá ê bó͘是Ná-hâm ê姊妹，伊所生ê kiáⁿ是Ka-bí人Ki-la̍h ê老父kap Má-ka人Í-si̍t-thê-mô͘。Hô-tē-ngá ê bó͘ sī Ná-hâm ê chí-bē, i só͘ siⁿ ê kiáⁿ sī Ka-bí lâng Ki-la̍h ê lāu-pē kap Má-ka lâng Í-si̍t-thê-mô͘.

20Sī-bûn ê kiáⁿ：Àm-lùn、Lîm-ná、Piān-ha̍p-lâm、Thê-lûn。Í-sī- ê kiáⁿ：So-hek、Piān-so-hek。Sī-bûn ê kiáⁿ; Àm-lùn, Lîm-ná, Piān-ha̍p-lâm, Thê-lûn. Í-sī ê kiáⁿ; So-hek, Piān-so-hek.

21猶大ê kiáⁿ，Sī-la̍h；Sī-la̍h ê kiáⁿ；Lī-ka ê老父Jíⁿ，Má-lī-sa ê老父La̍h-tāi，以及屬A-si̍t-tí族，織幼麻布chiah-ê家；Iû-tāi ê kiáⁿ, Sī-la̍h; Sī-la̍h ê kiáⁿ; Lī-ka ê lāu-pē Jíⁿ, Má-lī-sa ê lāu-pē La̍h-tāi, í-ki̍p sio̍k A-si̍t-tí cho̍k, chit iù-môa-pò͘ chiah ê ke;

22iáu有Iok-kèng、Ko-se-pa人、Iok-a-si、撒拉，就是tī Mô͘-ap地掌權ê；koh有Ngá-siok-pí-lī-hêng。這lóng是早時所記載ê。iáu-ū Iok-kèng, Ko-se-pa lâng, Iok-a-si, Sat-la̍h, chiū-sī tī Mô͘-ap tōe chiáng-koân-ê; koh ū Ngá-siok-pí-lī-hêng. Che lóng sī chá-sî só͘ kì-chài-ê.

23Chiah-ê人lóng是燒磁師傅，是Nî-tha-èng kap Ki-te-la̍h khiā起ê百姓；in tī-hia kap王khiā起，做王ê工。Chiah ê lâng lóng sī sio-hûi sai-hū, sī Nî-tha-èng kap Ki-te-la̍h khiā-khí ê peh-sìⁿ; in tī-hia kap ông khiā-khí, chòe ông ê kang.

24西門ê kiáⁿ：Nî-bó͘-lī、（Ngá-bín、）Ngá-li̍p、謝拉、掃羅；Se-biān ê kiáⁿ; Nî-bó͘-lī,(Ngá-bín,) Ngá-li̍p, Siā-la̍h, Sò-lô;

25掃羅ê kiáⁿ Sa-liông；Sa-liông ê kiáⁿ Bí-pí-sam；Bí-pí-sam ê kiáⁿ Bí-si-má。Sò-lô ê kiáⁿ Sa-liông; Sa-liông ê kiáⁿ Bí-pí-sam; Bí-pí-sam ê kiáⁿ Bí-si-má.

26Bí-si-má ê kiáⁿ記tī下底： Bí-si-má生Hap-bó͘-lī，Hap-bó͘-lī ê kiáⁿ，Sat-khek，Sat-khek ê kiáⁿ，Sī-múi。Bí-si-má ê kiáⁿ kì tī ē-tóe: Bí-si-má siⁿ Hap-bó͘-lī, Hap-bó͘-lī ê kiáⁿ, Sat-khek, Sat-khek ê kiáⁿ, Sī-múi.

27Sī-múi有十六個kiáⁿ，六個cha-bó͘-kiáⁿ；伊ê兄弟ê kiáⁿ兒無lōa-chōe，in ta̍k家無親像猶大族ê人丁hiah-chōe。Sī-múi ū cha̍p-la̍k ê kiáⁿ, la̍k ê cha-bó͘-kiáⁿ; i ê hiaⁿ-tī ê kiáⁿ-jî bô lōa-chōe, in ta̍k-ke bô chhin-chhiūⁿ Iû-tāi cho̍k ê jîn-teng hiah-chōe.

28In khiā起tī別是巴、Mô͘-la̍h-tāi、Hap-sat-su-a；In khiā-khí tī Pia̍t-sī-pa, Mô͘-la̍h-tāi, Hap-sat-su-a;

29Phek-la̍h、Í-sim、Tô-lia̍p；Phek-la̍h, Í-sim, Tô-lia̍p;

30Pí-thó͘-lī、Hô-ní-má、Sé-kek-la̍h；Pí-thó͘-lī, Hô-ní-má, Sé-kek-la̍h;

31Pek-má-ka-phok、Hap-sat-so͘-sat、Pek-pí-lī、Sa-la̍h-im。Pek-má-ka-phok, Hap-sat-so͘-sat, Pek-pí-lī, Sa-la̍h-im.

32Chiah-ê城lóng屬tī in，到大衛做王ê時。In ê鄉里就是Í-thán、A-in、Lîm-bûn、To-kiān、A-san，共五個城。Chiah ê siâⁿ lóng sio̍k tī in, kàu Tāi-pi̍t chòe-ông ê sî. In ê hiuⁿ-lí chiū-sī Í-thán, A-in, Lîm-bûn, To-kiān, A-san, kiōng gō͘ ê siâⁿ.

33iáu有屬hiah-ê城ê鄉里到tī Pa-le̍k。這是in khiā起ê所在，in lóng有家譜。Iáu ū sio̍k hiah ê siâⁿ ê hiuⁿ-lí kàu tī Pa-le̍k. Che sī in khiā-khí ê só͘-chāi, in lóng ū ka-phó͘.

34iáu有Bí-só͘-pa、Ngá-bí-le̍k、A-má-siā ê kiáⁿ Iok-sa；Iáu ū Bí-só͘-pa, Ngá-bí-le̍k, A-má-siā ê kiáⁿ Iok-sa;

35約珥、Iok-sī-pí ê kiáⁿ Iâ-hō͘，Iok-sī-pí是Se-lâi-ngá ê kiáⁿ，Se-lâi-ngá是A-siat ê kiáⁿ。Iok-jíⁿ, Iok-sī-pí ê kiáⁿ Iâ-hō͘, Iok-sī-pí sī Se-lâi-ngá ê kiáⁿ, Se-lâi-ngá sī A-siat ê kiáⁿ.

36iáu有Í-lī-iok-nái、Ngá-ko-pa、Iok-sok-hái、A-sùi-ngá、A-tí-gia̍p、Iâ-se-bia̍t、Pí-ná-ngá；Iáu ū Í-lī-iok-nái, Ngá-ko-pa, Iok-sok-hái, A-sùi-ngá, A-tí-gia̍p, Iâ-se-bia̍t, Pí-ná-ngá;

37Sī-hui ê kiáⁿ Sè-sat，Sī-hui是A-liông ê kiáⁿ，A-li王是Iâ-tāi-ngá ê kiáⁿ，Iâ-tāi-ngá是Siⁿ-lī ê kiáⁿ，Siⁿ-lī是Sī-má-ngá ê kiáⁿ。Sī-hui ê kiáⁿ Sè-sat, Sī-hui sī A-liông ê kiáⁿ, A-liông sī Iâ-tāi-ngá ê kiáⁿ, Iâ-tāi-ngá sī Sin-lī ê kiáⁿ, Sin-lī sī Sī-má-ngá ê kiáⁿ.

38頂面所記載chiah-ê名lóng是做族長ê；in宗族ê人額加添chōe-chōe。Téng-bīn só͘ kì-chài chiah ê miâ lóng sī chòe cho̍k-tiúⁿ ê; in chong-cho̍k ê lâng-gia̍h ke-thiⁿ chōe-chōe.

39In去山谷ê東勢，到Ki-to ê 口面，chhē飼羊ê草場。In khì soaⁿ-kok ê tang--sì, kàu Ki-to ê kháu-bīn, chhē chhī-iûⁿ ê chháu-tiûⁿ.

40In chhē-tio̍h肥súi ê草場，hit-ê地闊，koh安靜也和平；因為早時有含族ê人khiā起tī-hia。In chhē-tio̍h pûi-súi ê chháu-tiûⁿ, hit ê tōe khoah, koh an-chēng iā hô-pêng; in-ūi chá-sî ū Hâm cho̍k ê lâng khiā-khí tī-hia.

41頂面所記ê人，tī猶大王Hi-se-ka ê時，來攻擊in ê布棚，kap hia所有ê Bí-o͘-nî人，將in一盡剿滅，就khiā起tī in ê地方到tī今á日；因為hia有草場thang來飼in ê羊群。Téng-bīn só͘ kì ê lâng, tī Iû-tāi ông Hi-se-ka ê sî, lâi kong-kek in ê pò͘-pîⁿ, kap hia só͘ ū ê Bí-o͘-nî lâng, chiong in it-chīn châu-bia̍t, chiū khiā-khí tī in ê tōe-hng kàu tī kin-á-ji̍t; in-ūi hia ū chháu-tiûⁿ thang lâi chhī in ê iûⁿ-kûn.

42西門ê族中有五百人，去到Se-ní山；in ê軍長就是Í-sī-chiah-ê kiáⁿ Pí-la̍h-thê、Nî-lī-ngá、Lī-hoat-ngá kap O͘-siat。Se-biān ê cho̍k-tiong ū gō͘-pah lâng, khì kàu Se-ní soaⁿ; in ê kun-tiúⁿ chiū-sī Í-sī chiah ê kiáⁿ Pí-la̍h-thê, Nî-lī-ngá, Lī-hoat-ngá kap O͘-siat.

43In thâi死逃走chhun ê A-má-le̍k人，就khiā起tī-hia到今á日。In thâi-sí tô-cháu chhun ê A-má-le̍k lâng, chiū khiā-khí tī-hia kàu kin-á-ji̍t.