1以色列ê大kiáⁿ Liû-piān，( 伊本是大kiáⁿ；因為伊phah lâ-sâm伊ê老父ê眠床，所以大kiáⁿ ê名份就歸tī以色列ê kiáⁿ約瑟ê後裔；獨獨世系無照大kiáⁿ ê例來算。Í-sek-lia̍t ê tōa-kiáⁿ Liû-piān, ( i pún sī tōa-kiáⁿ; in-ūi i phah lâ-sâm i ê lāu-pē ê bîn-chhn̂g, só͘-í tōa-kiáⁿ ê bêng-hūn chiū kui tī Í-sek-lia̍t ê kiáⁿ Iok-sek ê hō͘-è; to̍k-to̍k sè-hē bô chiàu tōa-kiáⁿ ê lē lâi sǹg.

2因為猶大贏過伊lóng總ê兄弟，君王也是tùi伊出；總是大kiáⁿ ê名份歸tī約瑟。)In-ūi Iû-tāi iâⁿ-kè i lóng-chóng ê hiaⁿ-tī, kun-ông iā sī tùi i chhut; chóng-sī tōa-kiáⁿ ê bêng-hūn kui tī Iok-sek.)

3以色列ê大kiáⁿ Liû-piān ê kiáⁿ；Hap-lo̍k、Hoat-lō͘、Hi-su-lûn、Ka-bí。Í-sek-lia̍t ê tōa-kiáⁿ Liû-piān ê kiáⁿ; Hap-lo̍k, Hoat-lō͘, Hi-su-lûn, Ka-bí.

4Iok-ní ê kiáⁿ，Sī-má-ngá；Sī-má-ngá ê kiáⁿ，Ko-kek；Ko-kek ê kiáⁿ，Sī-múi；Iok-ní ê kiáⁿ, Sī-má-ngá; Sī-má-ngá ê kiáⁿ, Ko-kek; Ko-kek ê kiáⁿ, Sī-múi;

5Sī-múi ê kiáⁿ，Bí-ka；Bí-ka ê kiáⁿ Lī-a-ngá；Lī-a-ngá ê kiáⁿ Pa-le̍k；Sī-múi ê kiáⁿ, Bí-ka; Bí-ka ê kiáⁿ Lī-a-ngá; Lī-a-ngá ê kiáⁿ Pa-le̍k;

6Pa-le̍k ê kiáⁿ Pī-la̍h，chit-ê Pī-la̍h做Liû-piān支派ê首領，hō͘亞述王Thê-kek-la̍h-pí-nî-sek掠去；Pa-le̍k ê kiáⁿ Pī-la̍h, chit ê Pī-la̍h chòe Liû-piān chi-phài ê siú-léng, hō͘ A-su̍t ông Thê-kek-la̍h-pí-nî-sek lia̍h-khì;

7伊ê兄弟，照宗族照世系ê族譜，做族長ê，是Iâ-lī、Sat-ka-lī-ngá、Pí-la̍h；i ê hiaⁿ-tī, chiàu chong-cho̍k chiàu sè-hē ê cho̍k-phó͘, chòe cho̍k-tiúⁿ-ê, sī Iâ-lī, Sat-ka-lī-ngá, Pí-la̍h;

8Pí-la̍h是A-sat ê kiáⁿ；A-sat是Sī-má ê kiáⁿ；Sī-má是Iok-ní ê kiáⁿ；Iok-ní所khiā起ê地方就是A-lô-ní到Nî-pho kap Pa-le̍k-bián；Pí-la̍h sī A-sat ê kiáⁿ; A-sat sī Sī-má ê kiáⁿ; Sī-má sī Iok-ní ê kiáⁿ; Iok-ní só͘ khiā-khí ê tōe-hng chiū-sī A-lô-ní kàu Nî-pho kap Pa-le̍k-bián;

9Koh tùi東續到Pek-la̍h河chit-pêng ê曠野；因為in tī Ki-lia̍t ê地in ê cheng-siⁿ真chōe。koh tùi tang sòa kàu Pek-la̍h hô chit-pêng ê khòng-iá; in-ūi in tī Ki-lia̍t ê tōe in ê cheng-siⁿ chin-chōe.

10掃羅ê時，in kap夏甲人交戰，夏甲人死tī in ê手下；in就tī Ki-lia̍t東勢ê全地khiā起tī in ê布棚。Sò-lô ê sî, in kap Hā-kah lâng kau-chiàn, Hā-kah lâng sí tī in ê chhiú-ē; in chiū tī Ki-lia̍t tang--sì ê choân-tōe khiā-khí tī in ê pò͘-pîⁿ.

11Ka-tek ê kiáⁿ孫tī Liû-piān ê對面khiā起tī Pa-san ê地到tī Sat-ka；Ka-tek ê kiáⁿ-sun tī Liû-piān ê tùi-bīn khiā-khí tī Pa-san ê tōe kàu tī Sat-ka;

12in中間做族長ê約珥，有做副族長ê Sa-hoan，koh有Ngá-nái kap khiā起tī Pa-san ê Sa-hoat。in tiong-kan chòe cho̍k-tiúⁿ--ê Iok-jíⁿ, ū chòe hù cho̍k-tiúⁿ--ê Sa-hoan, koh ū Ngá-nái kap khiā-khí tī Pa-san ê Sa-hoat.

13In宗族ê兄弟；Bí-ka-le̍k、Bí-su-lân、Sī-pa、Iok-nāi、Ngá-kan、Sè-a、Hi-pek，共七人。In chong-cho̍k ê hiaⁿ-tī; Bí-ka-le̍k, Bí-su-lân, Sī-pa, Iok-nāi, Ngá-kan, Sè-a, Hi-pek, kiōng chhit lâng.

14Chiah-ê lóng是A-pí-hâi ê kiáⁿ，A-pí-hâi是Hō͘-lī ê kiáⁿ，Hō͘-lī是Iâ-lô-a ê kiáⁿ，Iâ-lô-a是Ki-lia̍t ê kiáⁿ，Ki-lia̍t是Bí-ka-le̍k ê kiáⁿ，Bí-ka-le̍k是Iâ-sī-su ê kiáⁿ，Iâ-sī-su是Iâ-hap-to ê kiáⁿ，Iâ-hap-to是Pò͘-su ê kiáⁿ；Chiah-ê lóng sī A-pí-hâi ê kiáⁿ, A-pí-hâi sī Hō͘-lī ê kiáⁿ, Hō͘-lī sī Iâ-lô-a ê kiáⁿ, Iâ-lô-a sī Ki-lia̍t ê kiáⁿ, Ki-lia̍t sī Bí-ka-le̍k ê kiáⁿ, Bí-ka-le̍k sī Iâ-sī-su ê kiáⁿ, Iâ-sī-su sī Iâ-hap-to ê kiáⁿ, Iâ-hap-to sī Pò͘-su ê kiáⁿ;

15Koh有Kó͘-nî ê孫，Ap-pí-tia̍p ê kiáⁿ A-hi；chiah-ê lóng是做族長ê。koh ū Kó͘-nî ê sun, Ap-pí-tia̍p ê kiáⁿ A-hi; chiah-ê lóng sī chòe cho̍k-tiúⁿ--ê.

16In khiā起tī Ki-lia̍t kap Pa-san，kap伊ê鄉里，以及Sa-lûn ê郊野，直到四圍ê交界。In khiā-khí tī Ki-lia̍t kap Pa-san, kap i ê hiuⁿ-lí, í-ki̍p Sa-lûn ê kau-iá, ti̍t-kàu sì-ûi ê kau-kài.

17Chiah-ê人tī猶大王Iok-thán ê時，kap以色列王Iâ-lô-phò-àm ê時，lóng記tī in ê世系ê族譜。Chiah ê lâng tī Iû-tāi ông Iok-thán ê sî, kap Í-sek-lia̍t ông Iâ-lô-phò-àm ê sî, lóng kì tī in ê sè-hē ê cho̍k-phó͘.

18Liû-piān人Ka-tek人kap Má-ná-se半支派ê人，能kōaⁿ藤牌kia̍h刀，開弓射箭，出征gâu相thâi ê勇士，共有四萬四千七百六十人。Liû-piān lâng Ka-tek lâng kap Má-ná-se pòaⁿ-chi-phài ê lâng, ōe kōaⁿ tîn-pâi kia̍h-to, khui-keng siā-chìⁿ, chhut-cheng gâu saⁿ-thâi ê ióng-sū, kiōng ū sì-bān sì-chheng chhit-pah la̍k-cha̍p lâng.

19In kap夏甲人、I-tu̍t人、Ná-hui-si人、Lô-tap人交戰。In kap Hā-kah lâng, I-tu̍t lâng, Ná-hui-si lâng, Lô-tap lâng kau-chiàn.

20In得tio̍h幫贊，夏甲人kap跟tè in ê人lóng交tī in ê手；因為in tī戰陣ê中間求叫上帝；因為in óa靠上帝，伊就聽in。In tit-tio̍h pang-chān, Hā-kah lâng kap kun-tè in ê lâng lóng kau tī in ê chhiú; in-ūi in tī chiàn-tīn ê tiong-kan kiû-kiò Siōng-tè; in-ūi in óa-khò Siōng-tè, I chiū thiaⁿ in.

21In搶掠夏甲人ê cheng-siⁿ；有駱駝五萬隻，羊二十五萬隻，驢兩千隻，koh有人十萬。In chhiúⁿ-lia̍h Hā-kah lâng ê cheng-siⁿ; ū lo̍k-tô gō͘-bān chiah, iûⁿ jī-cha̍p-gō͘ bān chiah, lû nn̄g-chheng chiah, koh ū lâng cha̍p-bān.

22對敵死ê真chōe，因為chit-ê交戰是tùi上帝。In就tòa tī對敵ê地到in受掠ê時。Tùi-te̍k sí-ê chin chōe, in-ūi chit ê kau-chiàn sī tùi Siōng-tè. In chiū tòa tī tùi-te̍k ê tōe kàu in siū-lia̍h ê sî.

23Má-ná-se半支派ê人khiā起tī hit-ê所在，tùi Pa-san -到Pa-le̍k-hek-bûn、Sī-nî-jíⁿ，kap Hek-bûn山。Má-ná-se pòaⁿ-chi-phài ê lâng khiā-khí tī hit ê só͘-chāi, tùi Pa-san sòa-kàu Pa-le̍k-hek-bûn, Sī-nî-jíⁿ, kap Hek-bûn soaⁿ.

24In ê族長就是Í-hut、Í-sī、Í-lia̍t、A-su-lia̍t、耶利米、Hô-ta̍t-úi-ngá、Ngá-tia̍p；lóng是大權能ê勇士，有名聲ê人，也是做族長ê。In ê cho̍k-tiúⁿ chiū-sī Í-hut, Í-sī, Í-lia̍t, A-su-lia̍t, Iâ-lī-bí, Hô-ta̍t-úi-ngá, Ngá-tia̍p; lóng sī tōa koân-lêng ê ióng-sū, ū miâ-siaⁿ ê lâng, iā sī chòe cho̍k-tiúⁿ--ê.

25In得罪in列祖ê上帝，thàn hit所在ê百姓ê上帝，行邪淫；chiah-ê百姓就是上帝tī in ê面前所除滅ê。In tek-chōe in lia̍t-chó͘ ê Siōng-tè, thàn hit só͘-chāi ê peh-sìⁿ ê siōng-tè, kiâⁿ siâ-îm; chiah ê peh-sìⁿ chiū-sī Siōng-tè tī in ê bīn-chêng só͘ tû-bia̍t--ê.

26所以以色列ê上帝激動亞述王Phó͘-le̍k，kap亞述王Thê-kek-la̍h-pí-nî-sek ê心，伊將Liû-piān人、Ka-tek人、Má-ná-se半支派ê人，掠到Hap-lia̍p、Hap-phok、Hap-la̍h，kap Ko-sàn ê河，到今á日。Só͘-í Í-sek-lia̍t ê Siōng-tè kek-tōng A-su̍t ông Phó͘-le̍k, kap A-su̍t ông Thê-kek-la̍h-pí-nî-sek ê sim, i chiong Liû-piān lâng, Ka-tek lâng, Má-ná-se pòaⁿ-chi-phài ê lâng, lia̍h kàu Hap-lia̍p, Hap-phok, Hap-la̍h, kap Ko-sàn ê hô, kàu kin-á-ji̍t.

1利未ê kiáⁿ：Kek-sūn、Ko-hat、Bí-la̍h-lī。Lī-bī ê kiáⁿ; Kek-sūn, Ko-hat, Bí-la̍h-lī.

2Ko-hat ê kiáⁿ：Àm-lân、Í-su-hap、Hi-pek-lûn、O͘-siat。Ko-hat ê kiáⁿ; Àm-lân, Í-su-hap, Hi-pek-lûn, O͘-siat.

3Àm-lân ê kiáⁿ：亞倫、摩西、Bí-lī-àm。亞倫ê kiáⁿ：Ná-tap、A-pí-hō͘、Í-lī-a-sat、Í-tha-má。Àm-lân ê kiáⁿ; A-lûn, Mô͘-se, Bí-lī-àm. A-lûn ê kiáⁿ; Ná-tap, A-pí-hō͘, Í-lī-a-sat, Í-tha-má.

4Í-lī-a-sat生Hui-nî-hap，Hui-nî-hap生A-pí-su；Í-lī-a-sat siⁿ Hui-nî-hap, Hui-nî-hap siⁿ A-pí-su;

5A-pí-su生Pò͘-ki，Pò͘-ki生O͘-se；A-pí-su siⁿ Pò͘-ki, Pò͘-ki siⁿ O͘-se;

6O͘-se生Se-la̍h-hi-ngá，Se-la̍h-hi-ngá生Bí-la̍h-iok；O͘-se siⁿ Se-la̍h-hi-ngá, Se-la̍h-hi-ngá siⁿ Bí-la̍h-iok;

7Bí-la̍h-iok生A-má-lī-ngá，A-má-lī-ngá生A-hi-tu̍t；Bí-la̍h-iok siⁿ A-má-lī-ngá, A-má-lī-ngá siⁿ A-hi-tu̍t;

8A-hi-tu̍t生Sat-tok，Sat-tok生A-hi-má-su；A-hi-tu̍t siⁿ Sat-tok, Sat-tok siⁿ A-hi-má-su;

9A-hi-má-su生A-sat-lī-ngá，A-sat-lī-ngá生Iok-ha̍p-lân；A-hi-má-su siⁿ A-sat-lī-ngá, A-sat-lī-ngá siⁿ Iok-ha̍p-lân;

10Iok-ha̍p-lân生A-sat-lī-ngá，(chit-ê A-sat-lī-ngá tī所羅門tī耶路撒冷所起ê殿擔當祭司ê職；)Iok-ha̍p-lân siⁿ A-sat-lī-ngá, (chit ê A-sat-lī-ngá tī Só͘-lô-bûn tī Iâ-lō͘-sat-léng só͘ khí ê tiān tam-tng chè-si ê chit;)

11A-sat-lī-ngá生A-má-lī-ngá，A-má-lī-ngá生A-hi-tu̍t；A-sat-lī-ngá siⁿ A-má-lī-ngá, A-má-lī-ngá siⁿ A-hi-tu̍t;

12A-hi-tu̍t生Sat-tok，Sat-tok生Sa-liông；A-hi-tu̍t siⁿ Sat-tok, Sat-tok siⁿ Sa-liông;

13Sa-liông生Hi-le̍k-ka，Hi-le̍k-ka生A-sat-lī-ngá；Sa-liông siⁿ Hi-le̍k-ka, Hi-le̍k-ka siⁿ A-sat-lī-ngá;

14A-sat-lī-ngá生Se-lâi-ngá，Se-lâi-ngá生Iok-sat-tap；A-sat-lī-ngá siⁿ Se-lâi-ngá, Se-lâi-ngá siⁿ Iok-sat-tap;

15當耶和華用Nî-pò͘-kah-nî-sat ê手掠猶大kap耶路撒冷ê時，chit-ê Iok-sat-tap也受掠去。tng Iâ-hô-hoa ēng Nî-pò͘-kah-nî-sat ê chhiú lia̍h Iû-tāi kap Iâ-lō͘-sat-léng ê sî, chit ê Iok-sat-tap iā siū-lia̍h khì.

16利未ê kiáⁿ，Kek-sūn、Ko-hat、Bí-la̍h-lī。Lī-bī ê kiáⁿ, Kek-sūn, Ko-hat, Bí-la̍h-lī.

17Kek-sūn ê kiáⁿ名叫做Li̍p-nî、Sī-múi。Kek-sūn ê kiáⁿ miâ kiò-chòe Li̍p-nî, Sī-múi.

18Ko-hat ê kiáⁿ；Àm-lûn、Í-su-hap、Hi-pek-lûn、O͘-siat。Ko-hat ê kiáⁿ; Àm-lûn, Í-su-hap, Hi-pek-lûn, O͘-siat.

19Bí-la̍h-lī ê kiáⁿ：Boa̍t-lī、Bó͘-sī-。Chiah-ê就是利未-人ê家，照in ê列祖排列。Bí-la̍h-lī ê kiáⁿ; Boa̍t-lī, Bó͘-sī. Chiah-ê chiū-sī Lī-bī-lâng ê ke, chiàu in ê lia̍t-chó͘ pâi-lia̍t.

20Kek-sūn ê kiáⁿ，Li̍p-nî，Li̍p-nî ê kiáⁿ Ngá-hap，Ngá-hap ê kiáⁿ生má；Kek-sūn ê kiáⁿ; Li̍p-nî, Li̍p-nî ê kiáⁿ Ngá-hap, Ngá-hap ê kiáⁿ Sin-má;

21生má ê kiáⁿ Iok-a，Iok-a ê kiáⁿ E̍k-to，E̍k-to ê kiáⁿ 謝拉；謝拉 ê kiáⁿ Iâ-te̍k-nāi。Sin-má ê kiáⁿ Iok-a, Iok-a ê kiáⁿ E̍k-to, E̍k-to ê kiáⁿ Siā-la̍h; Siā-la̍h ê kiáⁿ Iâ-te̍k-nāi.

22Ko-hat ê kiáⁿ A-bí-ná-ta̍t，A-bí-ná-ta̍t ê kiáⁿ Khó-la̍h，Khó-la̍h ê kiáⁿ A-sek；Ko-hat ê kiáⁿ A-bí-ná-ta̍t, A-bí-ná-ta̍t ê kiáⁿ Khó-la̍h, Khó-la̍h ê kiáⁿ A-sek;

23A-sek ê kiáⁿ Í-lī-ka-ná，Í-lī-ka-ná ê kiáⁿ Í-pí-ngá-sat，Í-pí-ngá-sat ê kiáⁿ A-sek；A-sek ê kiáⁿ Í-lī-ka-ná, Í-lī-ka-ná ê kiáⁿ Í-pí-ngá-sat, Í-pí-ngá-sat ê kiáⁿ A-sek;

24A-sek ê kiáⁿ Tha-hap，Tha-hap ê kiáⁿ O͘-lia̍t，O͘-lia̍t ê kiáⁿ O͘-se-ngá，O͘-se-ngá ê kiáⁿ掃羅。A-sek ê kiáⁿ Tha-hap, Tha-hap ê kiáⁿ O͘-lia̍t, O͘-lia̍t ê kiáⁿ O͘-se-ngá, O͘-se-ngá ê kiáⁿ Sò-lô.

25Í-lī-ka-ná ê kiáⁿ：A-má-sài kap A-hi-mô͘。Í-lī-ka-ná ê kiáⁿ; A-má-sài kap A-hi-mô͘.

26A-hi-mô͘ ê kiáⁿ Í-lī-ka-ná；Í-lī-ka-ná ê kiáⁿ Só-hui，Só-hui ê kiáⁿ Ná-hap；A-hi-mô͘ ê kiáⁿ Í-lī-ka-ná; Í-lī-ka-ná ê kiáⁿ Só-hui, Só-hui ê kiáⁿ Ná-hap;

27Ná-hap ê kiáⁿ Í-lī-ap，Í-lī-ap ê kiáⁿ Iâ-lô-hán，Iâ-lô-hán ê kiáⁿ Í-lī-ka-ná。Ná-hap ê kiáⁿ Í-lī-ap, Í-lī-ap ê kiáⁿ Iâ-lô-hán, Iâ-lô-hán ê kiáⁿ Í-lī-ka-ná.

28撒母耳ê大kiáⁿ約珥，第二kiáⁿ A-pí-a。Sat-bó͘-jíⁿ ê tōa-kiáⁿ Iok-jíⁿ, tē-jī kiáⁿ A-pí-a.

29Bí-la̍h-lī ê kiáⁿ Boat-lī，Boat-lī ê kiáⁿ Li̍p-nî，Li̍p-nî ê kiáⁿ Sī-múi，Sī-múi ê kiáⁿ O͘-sat；Bí-la̍h-lī ê kiáⁿ Boat-lī, Boat-lī ê kiáⁿ Li̍p-nî, Li̍p-nî ê kiáⁿ Sī-múi, Sī-múi ê kiáⁿ O͘-sat;

30O͘-sat ê kiáⁿ Sī-bí-a，Sī-bí-a ê kiáⁿ Hap-ki-ngá，Hap-ki-ngá ê kiáⁿ A-sòe-ngá。O͘-sat ê kiáⁿ Sī-bí-a, Sī-bí-a ê kiáⁿ Hap-ki-ngá, Hap-ki-ngá ê kiáⁿ A-sòe-ngá.

31約櫃安設了後，大衛所派ê人tī耶和華ê厝內管理唱歌ê事就是chiah-ê。Iok-kūi an-siat liáu-āu, Tāi-pi̍t só͘ phài ê lâng tī Iâ-hô-hoa ê chhù-lāi koán-lí chhiùⁿ-koa ê sū chiū-sī chiah-ê.

32In就tī會幕ê頭前當唱歌ê工，直到所羅門tī耶路撒冷起造耶和華ê殿，in就照班列當職。In chiū tī hōe-bō͘ ê thâu-chêng tng chhiùⁿ-koa ê kang, ti̍t-kàu Só͘-lô-bûn tī Iâ-lō͘-sat-léng khí-chō Iâ-hô-hoa ê tiān, in chiū chiàu pan-lia̍t tng-chit.

33當職ê人kap in ê kiáⁿ孫記tī下面。Ko-hat ê kiáⁿ孫中有唱歌ê Hi-bān，Hi-bān是Iok-ní ê kiáⁿ，Iok-ní是撒母耳ê kiáⁿ；Tng-chit ê lâng kap in ê kiáⁿ-sun kì tī ē-bīn. Ko-hat ê kiáⁿ-sun-tiong ū chhiùⁿ-koa-ê Hi-bān, Hi-bān sī Iok-ní ê kiáⁿ, Iok-ní sī Sat-bó͘-jíⁿ ê kiáⁿ;

34撒母耳是Í-lī-ka-ná ê kiáⁿ，Í-lī-ka-ná是Iâ-lô-hán ê kiáⁿ，Iâ-lô-hán是Í-lia̍t ê kiáⁿ，Í-lia̍t是Tô-a ê kiáⁿ；Sat-bó͘-jíⁿ sī Í-lī-ka-ná ê kiáⁿ, Í-lī-ka-ná sī Iâ-lô-hán ê kiáⁿ, Iâ-lô-hán sī Í-lia̍t ê kiáⁿ, Í-lia̍t sī Tô-a ê kiáⁿ;

35Tô-a是So͘-hut ê kiáⁿ，So͘-hut是Í-lī-ka-ná ê kiáⁿ，Í-lī-ka-ná是Má-hap ê kiáⁿ，Má-hap是A-má-sài ê kiáⁿ；Tô-a sī So͘-hut ê kiáⁿ, So͘-hut sī Í-lī-ka-ná ê kiáⁿ, Í-lī-ka-ná sī Má-hap ê kiáⁿ, Má-hap sī A-má-sài ê kiáⁿ;

36A-má-sài是Í-lī-ka-ná ê kiáⁿ，Í-lī-ka-ná是Iok-ní ê kiáⁿ，Iok-ní是A-sat-lī-ngá ê kiáⁿ，A-sat-lī-ngá是Se-hoan-ngá ê kiáⁿ；A-má-sài sī Í-lī-ka-ná ê kiáⁿ, Í-lī-ka-ná sī Iok-ní ê kiáⁿ, Iok-ní sī A-sat-lī-ngá ê kiáⁿ, A-sat-lī-ngá sī Se-hoan-ngá ê kiáⁿ;

37Se-hoan-ngá是Tha-hap ê kiáⁿ，Tha-hap是A-sek ê kiáⁿ，A-sek是Í-pí-ngá-sat ê kiáⁿ，Í-pí-ngá-sat是Khó-la̍h ê kiáⁿ；Se-hoan-ngá sī Tha-hap ê kiáⁿ, Tha-hap sī A-sek ê kiáⁿ, A-sek sī Í-pí-ngá-sat ê kiáⁿ, Í-pí-ngá-sat sī Khó-la̍h ê kiáⁿ;

38Khó-la̍h是Í-su-hap ê kiáⁿ，Í-su-hap是Ko-hat ê kiáⁿ，Ko-hat是利未ê kiáⁿ，利未是以色列ê kiáⁿ。Khó-la̍h sī Í-su-hap ê kiáⁿ, Í-su-hap sī Ko-hat ê kiáⁿ, Ko-hat sī Lī-bī ê kiáⁿ, Lī-bī sī Í-sek-lia̍t ê kiáⁿ.

39Hi-bān ê兄弟A-sat，khiā-tī伊ê chiàⁿ-pêng-ê，A-sat是Pí-lī-ka ê kiáⁿ，Pí-lī-ka是Sī-bí-a ê kiáⁿ；Hi-bān ê hiaⁿ-tī A-sat, khiā-tī i ê chiàⁿ-pêng-ê, A-sat sī Pí-lī-ka ê kiáⁿ, Pí-lī-ka sī Sī-bí-a ê kiáⁿ;

40Sī-bí-a是Bí-ka-le̍k ê kiáⁿ，Bí-ka-le̍k是Pa-se-ngá ê kiáⁿ，Pa-se-ngá是Má-ki-ngá ê kiáⁿ；Sī-bí-a sī Bí-ka-le̍k ê kiáⁿ, Bí-ka-le̍k sī Pa-se-ngá ê kiáⁿ, Pa-se-ngá sī Má-ki-ngá ê kiáⁿ;

41Má-ki-ngá是Í-te̍k-nî ê kiáⁿ，Í-te̍k-nî是謝拉 ê kiáⁿ，謝拉是A-tāi-ngá ê kiáⁿ；Má-ki-ngá sī Í-te̍k-nî ê kiáⁿ, Í-te̍k-nî sī Siā-la̍h ê kiáⁿ, Siā-la̍h sī A-tāi-ngá ê kiáⁿ;

42A-tāi-ngá是Í-thàm ê kiáⁿ，Í-thàm是Sin-má ê kiáⁿ，Sin-má是Sī-múi ê kiáⁿ；A-tāi-ngá sī Í-thàm ê kiáⁿ, Í-thàm sī Sin-má ê kiáⁿ, Sin-má sī Sī-múi ê kiáⁿ;

43Sī-múi是Ngá-hap ê kiáⁿ，Ngá-hap是Kek-sūn ê kiáⁿ，Kek-sūn是利未ê kiáⁿ。Sī-múi sī Ngá-hap ê kiáⁿ, Ngá-hap sī Kek-sūn ê kiáⁿ, Kek-sūn sī Lī-bī ê kiáⁿ.

44In ê兄弟Bí-la̍h-lī ê kiáⁿ孫，khiā tī tò-pêng-ê，就是Ki-sî ê kiáⁿ I-thàm，Ki-sî是A-pek-tí ê kiáⁿ，A-pek-tí是Má-lo̍k ê kiáⁿ；In ê hiaⁿ-tī Bí-la̍h-lī ê kiáⁿ-sun, khiā tī tò-pêng-ê, chiū-sī Ki-sî ê kiáⁿ I-thàm, Ki-sî sī A-pek-tí ê kiáⁿ, A-pek-tí sī Má-lo̍k ê kiáⁿ;

45Má-lo̍k是Hap-sa-pí-ngá ê kiáⁿ，Hap-sa-pí-ngá是A-má-siā ê kiáⁿ，A-má-siā是Hi-le̍k-ka ê kiáⁿ；Má-lo̍k sī Hap-sa-pí-ngá ê kiáⁿ, Hap-sa-pí-ngá sī A-má-siā ê kiáⁿ, A-má-siā sī Hi-le̍k-ka ê kiáⁿ;

46Hi-le̍k-ka是Àm-se ê kiáⁿ，Àm-se是Pa-nî ê kiáⁿ，Pa-nî是Sa-be̍k ê kiáⁿ；Hi-le̍k-ka sī Àm-se ê kiáⁿ, Àm-se sī Pa-nî ê kiáⁿ, Pa-nî sī Sa-be̍k ê kiáⁿ;

47Sa-be̍k是Boa̍t-le̍k ê kiáⁿ，Boa̍t-le̍k是Bó͘-sī ê kiáⁿ，Bó͘-sī是Bí-la̍h-lī ê kiáⁿ，Bí-la̍h-lī是利未ê kiáⁿ。Sa-be̍k sī Boa̍t-le̍k ê kiáⁿ, Boa̍t-le̍k sī Bó͘-sī ê kiáⁿ, Bó͘-sī sī Bí-la̍h-lī ê kiáⁿ, Bí-la̍h-lī sī Lī-bī ê kiáⁿ.

48In ê兄弟利未人受派來做上帝ê殿ê會幕一切ê工。In ê hiaⁿ-tī Lī-bī lâng siū-phài lâi chòe Siōng-tè ê tiān ê hōe-bō͘ it-chhè ê kang.

49獨獨亞倫kap伊ê眾kiáⁿ tī燒祭ê壇獻祭，也tī香壇燒香，來做至聖所一切ê工，替以色列人贖罪，照上帝ê奴僕摩西所吩咐ê。To̍k-to̍k A-lûn kap i ê chèng-kiáⁿ tī sio-chè ê tôaⁿ hiàn-chè, iā tī hiuⁿ-tôaⁿ sio-hiuⁿ, lâi chòe Chì-sèng-só͘ it-chhè ê kang, thòe Í-sek-lia̍t lâng sio̍k-chōe, chiàu Siōng-tè ê lô͘-po̍k Mô͘-se só͘ hoan-hù ê.

50亞倫ê kiáⁿ孫記tī下面：伊ê kiáⁿ是Í-lī-a-sat，Í-lī-a-sat ê kiáⁿ是Hui-nî-hap，Hui-nî-hap ê kiáⁿ是A-pí-su；A-lûn ê kiáⁿ-sun kì tī ē-bīn; i ê kiáⁿ sī Í-lī-a-sat, Í-lī-a-sat ê kiáⁿ sī Hui-nî-hap, Hui-nî-hap ê kiáⁿ sī A-pí-su;

51A-pí-su ê kiáⁿ是Pò͘-ki，Pò͘-ki ê kiáⁿ是O͘-se，O͘-se ê kiáⁿ是Se-la̍h-hi-ngá；A-pí-su ê kiáⁿ sī Pò͘-ki, Pò͘-ki ê kiáⁿ sī O͘-se, O͘-se ê kiáⁿ sī Se-la̍h-hi-ngá;

52Se-la̍h-hi-ngá ê kiáⁿ是Bí-la̍h-iok，Bí-la̍h-ioke5 kiáⁿ是A-má-lī-ngá，A-má-lī-ngá ê kiáⁿ是A-hi-tu̍t；Se-la̍h-hi-ngá ê kiáⁿ sī Bí-la̍h-iok, Bí-la̍h-iok ê kiáⁿ sī A-má-lī-ngá, A-má-lī-ngá ê kiáⁿ sī A-hi-tu̍t;

53A-hi-tu̍t ê kiáⁿ是Sat-tok，Sat-tok ê kiáⁿ是A-hi-má-su。A-hi-tu̍t ê kiáⁿ sī Sat-tok, Sat-tok ê kiáⁿ sī A-hi-má-su.

54In khiā起ê所在，照in境內ê營寨，記tī下底；In khiā-khí ê só͘-chāi, chiàu in kéng-lāi ê iâⁿ-chē, kì tī ē-tóe;

55亞倫ê kiáⁿ孫，Ko-hat族，事先liam-khau，用猶大地Hi-pek-lûn kap四周圍ê郊野hō͘ in；A-lûn ê kiáⁿ-sun, Ko-hat cho̍k, tāi-seng liam-khau, ēng Iû-tāi tōe Hi-pek-lûn kap sì-chiu-ûi ê kau-iá hō͘ in;

56總是屬城ê田園kap伊ê鄉社lóng是hō͘ Iâ-hu-nî ê kiáⁿ Ká-le̍k。chóng-sī sio̍k siâⁿ ê chhân-hn̂g kap i ê hiuⁿ-siā lóng sī hō͘ Iâ-hu-nî ê kiáⁿ Ká-le̍k.

57也用逃閃ê城，Hi-pek-lûn，hō͘亞倫ê kiáⁿ孫；koh有Li̍p-ná kap伊ê郊野，Ngá-thê-jíⁿ，Í-si̍t-thê-bo̍k，kap伊ê郊野；Iā ēng tô-siám ê siâⁿ, Hi-pek-lûn, hō͘ A-lûn ê kiáⁿ-sun; koh ū Li̍p-ná kap i ê kau-iá, Ngá-thê-jíⁿ, Í-si̍t-thê-bo̍k, kap i ê kau-iá;

58Hi-lûn kap伊ê郊野，Tí-phek kap伊ê郊野；Hi-lûn kap i ê kau-iá, Tí-phek kap i ê kau-iá;

59A-san kap伊ê郊野，Pek-sī-be̍k kap伊ê郊野；A-san kap i ê kau-iá, Pek-sī-be̍k kap i ê kau-iá;

60tī便雅憫支派ê地，有Ka-pa kap伊ê郊野，O-le̍k-biat8kap伊ê郊野，A-ná-tu̍t kap伊ê郊野。In chiah-ê族所得tio̍h ê城共十三個。tī Piān-ngá-bín chi-phài ê tōe, ū Ka-pa kap i ê kau-iá, O-le̍k-bia̍t kap i ê kau-iá, A-ná-tu̍t kap i ê kau-iá. In chiah ê cho̍k só͘ tit-tio̍h ê siâⁿ kiōng cha̍p-saⁿ-ê.

61Koh用liam-khau hō͘ Ko-hat其餘ê kiáⁿ孫十個城，就是tī Í-hoat-liân ê支派，tī Tàn ê支派，koh tī Má-ná-se半支派ê地。Koh ēng liam-khau hō͘ Ko-hat kî-û ê kiáⁿ-sun cha̍p ê siâⁿ, chiū-sī tī Í-hoat-liân ê chi-phài, tī Tàn ê chi-phài, koh tī Má-ná-se pòaⁿ-chi-phài ê tōe.

62Koh hō͘ Kek-sūn chiah-ê kiáⁿ，照in ê族，tī Í-sat-ka ê支派，tī A-siat ê支派，tī Ná-hut-tha-lī ê支派，tī Pa-san Má-ná-se ê支派chiah-ê地，十三個城。Koh hō͘ Kek-sūn chiah ê kiáⁿ, chiàu in ê cho̍k, tī Í-sat-ka ê chi-phài, tī A-siat ê chi-phài, tī Ná-hut-tha-lī ê chi-phài, tī Pa-san Má-ná-se ê chi-phài chiah ê tōe, cha̍p-saⁿ ê siâⁿ.

63Koh用liam-khau hō͘ Bí-la̍h-lī ê kiáⁿ孫，照in ê族，tī Liû-piān ê支派，tī Ka-tek ê支派，tī Se-pò͘-lûn ê支派，hiah-ê地，十二個城；Koh ēng liam-khau hō͘ Bí-la̍h-lī ê kiáⁿ-sun, chiàu in ê cho̍k, tī Liû-piān ê chi-phài, tī Ka-tek ê chi-phài, tī Se-pò͘-lûn ê chi-phài, hiah ê tōe, cha̍p-jī ê siâⁿ;

64以色列人將chiah-ê城，kap in ê郊野，hō͘利未人。Í-sek-lia̍t lâng chiong chiah ê siâⁿ, kap in ê kau-iá, hō͘ Lī-bī lâng.

65Tī猶大kiáⁿ孫ê支派，tī西門kiáⁿ孫ê支派，tī便雅憫kiáⁿ孫ê支派，hiah-ê地，用所記名hiah-ê城，用liam-khau hō͘ in。Tī Iû-tāi kiáⁿ-sun ê chi-phài, tī Se-biān kiáⁿ-sun ê chi-phài, tī Piān-ngá-bín kiáⁿ-sun ê chi-phài, hiah ê tōe, ēng só͘ kì-miâ hiah ê siâⁿ, ēng liam-khau hō͘ in.

66Ko-hat kiáⁿ孫ê族中有ê tī Í-hoat-liân支派ê地得tio̍h城。Ko-hat kiáⁿ-sun ê cho̍k-tiong ū-ê tī Í-hoat-liân chi-phài ê tōe tit-tio̍h siâⁿ.

67In用Í-hoat-liân山逃閃ê城，示劍kap伊ê郊野，hō͘伊；koh用Ki-sek kap伊ê郊野hō͘ in；In ēng Í-hoat-liân soaⁿ tô-siám ê siâⁿ, Sī-kiàm kap i ê kau-iá, hō͘ i; koh ēng Ki-sek kap i ê kau-iá hō͘ in;

68Koh hō͘ in Iok-liân kap伊ê郊野，Pek-hô-lûn kap伊ê郊野，koh hō͘ in Iok-liân kap i ê kau-iá, Pek-hô-lûn kap i ê kau-iá,

69A-ngá-lûn kap伊ê郊野，Ka-tek-lîm-bûn kap伊ê郊野；A-ngá-lûn kap i ê kau-iá, Ka-tek-lîm-bûn kap i ê kau-iá;

70Koh hō͘ Ko-hat ê kiáⁿ孫其餘ê族，tī Má-ná-se半支派ê地，有A-nái kap伊ê郊野，Pí-liân kap伊ê郊野。koh hō͘ Ko-hat ê kiáⁿ-sun kî-û ê cho̍k, tī Má-ná-se pòaⁿ-chi-phài ê tōe, ū A-nái kap i ê kau-iá, Pí-liân kap i ê kau-iá.

71Hou7Kek-sūn chiah-ê kiáⁿ孫tī Má-ná-se家ê半支派有Pa-san ê Kho-lân kap伊ê郊野，A-su-tha-lio̍k kap伊ê郊野；Hō͘ Kek-sūn chiah ê kiáⁿ-sun tī Má-ná-se ke ê pòaⁿ-chi-phài ū Pa-san ê Kho-lân kap i ê kau-iá, A-su-tha-lio̍k kap i ê kau-iá;

72Koh tī Í-sat-ka支派ê地，Ki-te-su kap伊ê郊野，Tāi-pí-la̍h kap伊ê郊野；koh tī Í-sat-ka chi-phài ê tōe, Ki-te-su kap i ê kau-iá, Tāi-pí-la̍h kap i ê kau-iá;

73La̍h-boa̍t kap伊ê郊野，A-liân kap伊ê郊野；La̍h-boa̍t kap i ê kau-iá, A-liân kap i ê kau-iá;

74tī A-siat支派ê地有Má-sa kap伊ê郊野，Ap-tùn kap伊ê郊野；tī A-siat chi-phài ê tōe ū Má-sa kap i ê kau-iá, Ap-tùn kap i ê kau-iá;

75Hō͘-kat kap伊ê郊野，Lī-ha̍p kap伊ê郊野；Hō͘-kat kap i ê kau-iá, Lī-ha̍p kap i ê kau-iá;

76tī Ná-hut-tha-lī支派ê地，有加利利ê Ki-te-su kap伊ê郊野，Hap-bûn kap伊ê郊野，Ki-lia̍t-têng kap伊ê郊野。tī Ná-hut-tha-lī chi-phài ê tōe, ū Ka-lī-lī ê Ki-te-su kap i ê kau-iá, Hap-bûn kap i ê kau-iá, Ki-lia̍t-têng kap i ê kau-iá.

77Koh hō͘利未支派其餘ê人，就是Bí-la̍h-lī ê kiáⁿ孫，tī Se-pò͘-lûn支派ê地，有Lîm-mô͘-ná kap伊ê郊野，Tha-po̍k kap伊ê郊野；Koh hō͘ Lī-bī chi-phài kî-û ê lâng, chiū-sī Bí-la̍h-lī ê kiáⁿ-sun, tī Se-pò͘-lûn chi-phài ê tōe, ū Lîm-mô͘-ná kap i ê kau-iá, Tha-po̍k kap i ê kau-iá;

78Koh tī約旦外，近耶利哥，約旦ê東pêng，tī Liû-piān支派ê地，有曠野ê Pí-sek kap伊ê郊野，Ngá-hap-sat kap伊ê郊野；koh tī Iok-tàn-gōa, kūn Iâ-lī-ko, Iok-tàn ê tang-pêng, tī Liû-piān chi-phài ê tōe, ū khòng-iá ê Pí-sek kap i ê kau-iá, Ngá-hap-sat kap i ê kau-iá;

79Ki-tí-bo̍k kap伊ê郊野，Bí-hoat-ap kap伊ê郊野；Ki-tí-bo̍k kap i ê kau-iá, Bí-hoat-ap kap i ê kau-iá;

80Koh tī Ka-tek支派ê地，有Ki-lia̍t ê La̍h-boa̍t kap伊ê郊野，Má-hap-liām kap伊ê郊野；koh tī Ka-tek chi-phài ê tōe, ū Ki-lia̍t ê La̍h-boa̍t kap i ê kau-iá, Má-hap-liām kap i ê kau-iá;

81Hi-si̍t-pún kap伊ê郊野，Ngá-siā kap伊ê郊野。Hi-si̍t-pún kap i ê kau-iá, Ngá-siā kap i ê kau-iá.

1Í-sat-ka ê kiáⁿ：Tô-la̍h、Phó͘-óa、Ngá-su̍t、Sin-lûn，共四人。Í-sat-ka ê kiáⁿ, Tô-la̍h, Phó͘-óa, Ngá-su̍t, Sim-lông, kiōng sì-lâng.

2Tô-la̍h ê kiáⁿ是O͘-se、Lī-hoat-ngá、Iâ-le̍k、Ngá-mái、Ek-tek-sàu、Sī-bó͘-lī，lóng是in老父Tô-la̍h ê族長，tī in ê世代做大氣力ê勇士；當大衛ê時，in ê人額共有兩萬兩千六百人。Tô-la̍h ê kiáⁿ sī O͘-se, Lī-hoat-ngá, Iâ-le̍k, Ngá-mái, Ek-tek-sàu, Sī-bó͘-lī, lóng sī in lāu-pē Tô-la̍h ê cho̍k-tiúⁿ, tī in ê sè-tāi chòe tōa khùi-la̍t ê ióng-sū; tng Tāi-pi̍t ê sî in ê lâng-gia̍h kiōng ū nn̄g-bān nn̄g-chheng la̍k-pah lâng.

3O͘-se ê kiáⁿ；I-su-la̍h-hi；I-su-la̍h-hi ê kiáⁿ：Bí-ka-le̍k、Gô-pa-tí-a、約珥、I-sī-ngá，共五人；lóng是出名人。O͘-se ê kiáⁿ; I-su-la̍h-hi; I-su-la̍h-hi ê kiáⁿ; Bí-ka-le̍k, Gô-pa-tí-a, Iok-jíⁿ, I-sī-ngá, kiōng gō͘-lâng; lóng sī chhut-miâ lâng.

4In所chhōa ê，tī in ê世系，照in列祖ê家，有軍兵thang交戰ê，共三萬六千人；因為in ê bó͘ kap kiáⁿ真chōe。In só͘ chhōa ê, tī in ê sè-hē, chiàu in lia̍t-chó͘ ê ke, ū kun-peng thang kau-chiàn-ê, kiōng saⁿ-bān la̍k-chheng lâng; in-ūi in ê bó͘ kap kiáⁿ chin-chōe.

5In ê兄弟，tī Í-sat-ka hiah-ê家，lóng是大勇士，照in ê世系算伊，共八萬七千人。In ê hiaⁿ-tī, tī Í-sat-ka hiah ê ke, lóng sī tōa ióng-sū, chiàu in ê sè-hē sǹg i, kiōng poeh-bān chhit-chheng lâng.

6便雅憫ê kiáⁿ：Pí-la̍h、Pí-kiat、Iâ-tia̍p，共三人。Piān-ngá-bín ê kiáⁿ; Pí-la̍h, Pí-kiat, Iâ-tia̍p, kiōng saⁿ-lâng.

7Pí-la̍h ê kiáⁿ：Í-su-pún、O͘-se、O͘-siat、Iâ-lī-mô͘、Í-lī，共五人；是老父ê族長，koh是大勇士；照in ê世系算伊，共兩萬兩千三十四人。Pí-la̍h ê kiáⁿ; Í-su-pún, O͘-se, O͘-siat, Iâ-lī-mô͘, Í-lī, kiōng gō͘-lâng; sī lāu-pē ê cho̍k-tiúⁿ, koh sī tōa ióng-sū; chiàu in ê sè-hē sǹg i, kiōng nn̄g-bān nn̄g-chheng saⁿ-cha̍p-sì lâng.

8Pí-kiat ê kiáⁿ：Se-bí-la̍h、Iok-a-si、Í-lī-í-siā、Í-lī-iok-nái、Àm-lī、Iâ-lī-mô͘、A-pí-ngá、A-ná-tu̍t、A-la̍h-bia̍t。這lóng是Pí-kiat ê kiáⁿ。Pí-kiat ê kiáⁿ; Se-bí-la̍h, Iok-a-si, Í-lī-í-siā, Í-lī-iok-nái, Àm-lī, Iâ-lī-mô͘, A-pí-ngá, A-ná-tu̍t, A-la̍h-bia̍t. Che lóng sī Pí-kiat ê kiáⁿ.

9也是in老父ê族長，koh是大氣力ê勇士；照in ê族譜，in ê世系來算伊，有兩萬連兩百人。Iā sī in lāu-pē ê cho̍k-tiúⁿ, koh sī tōa khùi-la̍t ê ióng-sū; chiàu in ê cho̍k-phó͘, in ê sè-hē lâi sǹg i, ū nn̄g-bān liân nn̄g-pah lâng.

10Iâ-tia̍p ê kiáⁿ；Pí-le̍k-hán，Pí-le̍k-hán ê kiáⁿ是Iâ-o͘-si、便雅憫、Í-hut，Ki-ná-ná、Sè-thán、Tha-si、A-si-sa-hap。Iâ-tia̍p ê kiáⁿ; Pí-le̍k-hán, Pí-le̍k-hán ê kiáⁿ sī Iâ-o͘-si, Piān-ngá-bín, Í-hut, Ki-ná-ná, Sè-thán, Tha-si, A-si-sa-hap.

11這lóng是Iâ-tia̍p ê kiáⁿ，照in老父ê族長，做大氣力ê勇士；in ê數額是一萬七千兩百人；lóng能上陣交戰。Che lóng sī Iâ-tia̍p ê kiáⁿ, chiàu in lāu-pē ê cho̍k-tiúⁿ, chòe tōa khùi-la̍t ê ióng-sū; in ê siàu-gia̍h sī chi̍t-bān chhit-chheng nn̄g-pah lâng; lóng ōe chiūⁿ-tīn kau-chiàn.

12iáu有Í-jíⁿ ê kiáⁿ，Su-phín、Hō͘-phín，kap A-hek ê kiáⁿ，Hō͘-sin。Iáu ū Í-jíⁿ ê kiáⁿ, Su-phín, Hō͘-phín, kap A-hek ê kiáⁿ, Hō͘-sin.

13Ná-hut-tha-lī ê kiáⁿ：Ngá-siat、Ko͘-nî、Iâ-sek、Sa-liông；這是Phek-la̍h ê kiáⁿ孫。Ná-hut-tha-lī ê kiáⁿ; Ngá-siat, Ko͘-nî, Iâ-sek, Sa-liông; che sī Phek-la̍h ê kiáⁿ-sun.

14Má-ná-se ê kiáⁿ；A-su-lia̍t，是伊ê bó͘所生ê；伊ê細姨A-lân人生Ki-lia̍t ê老父Má-kiat。Má-ná-se ê kiáⁿ; A-su-lia̍t, sī i ê bó͘ só͘ siⁿ ê; i ê sòe-î A-lân lâng siⁿ Ki-lia̍t ê lāu-pē Má-kiat.

15Má-kiat所娶ê bó͘是Hō͘-phín Su-phín ê小妹，名Má-ka。Má-ná-se ê第二kiáⁿ，名Se-lô-hui-hap；Se-lô-hui-hap有kúi-nā ê cha-bó͘-kiáⁿ。Má-kiat só͘ chhōa ê bó͘ sī Hō͘-phín Su-phín ê sió-bē, miâ Má-ka. Má-ná-se ê tē-jī kiáⁿ, miâ Se-lô-hui-hap; Se-lô-hui-hap ū kúi-nā ê cha-bó͘-kiáⁿ.

16Má-kiat ê bó͘ Má-ka生一個kiáⁿ，號名Pí-lī-si；伊ê小弟名Sī-lī-si；伊ê kiáⁿ是O͘-lân kap Lī-kim。Má-kiat ê bó͘ Má-ka siⁿ chi̍t ê kiáⁿ, hō miâ Pí-lī-si; i ê sió-tī miâ Sī-lī-si; i ê kiáⁿ sī O͘-lân kap Lī-kim.

17O͘-lân ê kiáⁿ是Pí-tàn；chiah-ê lóng是Ki-lia̍t ê kiáⁿ孫。Ki-lia̍t是Má-kiat ê kiáⁿ，Má-kiat是Má-ná-se ê kiáⁿ。O͘-lân ê kiáⁿ sī Pí-tàn; chiah-ê lóng sī Ki-lia̍t ê kiáⁿ-sun. Ki-lia̍t sī Má-kiat ê kiáⁿ, Má-kiat sī Má-ná-se ê kiáⁿ.

18Ki-lia̍t ê姊妹，Hap-mô͘-lī-kiat，生I-si-hô、A-pí-í-siā、Má-la̍h。Ki-lia̍t ê chí-bē, Hap-mô͘-lī-kiat, siⁿ I-si-hô, A-pí-í-siā, Má-la̍h.

19Sī-bí-tāi ê kiáⁿ是A-hiān、示劍、Lī-khek-hi、A-nî-an。Sī-bí-tāi ê kiáⁿ sī A-hiān, Sī-kiàm, Lī-khek-hi, A-nî-an.

20Í-hoat-liân ê kiáⁿ是Su-thê-la̍h；Su-thê-la̍h ê kiáⁿ是Pí-lia̍t，Pí-lia̍t ê kiáⁿ是Tha-hap，Tha-hap ê kiáⁿ是Í-la̍h-tāi，Í-la̍h-tāi ê kiáⁿ是Tha-hap；Í-hoat-liân ê kiáⁿ sī Su-thê-la̍h; Su-thê-la̍h ê kiáⁿ sī Pí-lia̍t, Pí-lia̍t ê kiáⁿ sī Tha-hap, Tha-hap ê kiáⁿ sī Í-la̍h-tāi, Í-la̍h-tāi ê kiáⁿ sī Tha-hap;

21Tha-hap ê kiáⁿ是Sat-poa̍t，Sat-poa̍t ê kiáⁿ是Su-thê-la̍h；Í-hoat-liân koh生Í-siā、Í-lia̍t，in hō͘本地ê Ka-te̍k人thâi死，因為in落去beh搶in ê cheng-siⁿ。Tha-hap ê kiáⁿ sī Sat-poa̍t, Sat-poa̍t ê kiáⁿ sī Su-thê-la̍h; Í-hoat-liân koh siⁿ Í-siā, Í-lia̍t, in hō͘ pún-tōe ê Ka-te̍k lâng thâi-sí, in-ūi in lo̍h-khì beh chhiúⁿ in ê cheng-siⁿ.

22In老父Í-hoat-liân為in悲哀chōe-chōe日，伊ê兄弟lóng來安慰伊。In lāu-pē Í-hoat-liân ūi in pi-ai chōe-chōe ji̍t, i ê hiaⁿ-tī lóng lâi an-ùi i.

23Í-hoat-liân kap伊ê bó͘同房，伊ê bó͘就懷孕生kiáⁿ；老父kā伊號名叫Pí-lī-a，因為伊ê家tú-tio̍h艱苦。Í-hoat-liân kap i ê bó͘ tâng-pâng, i ê bó͘ chiū hoâi-īn siⁿ-kiáⁿ; lāu-pē kā i hō miâ kiò Pí-lī-a, in-ūi i ê ke tú-tio̍h kan-khó͘.

24伊ê cha-bó͘-kiáⁿ名叫Sià-i-la̍h，就是起頂下ê Pek-hô-lûn kap O͘-soān-sià-í-la̍h ê。I ê cha-bó͘-kiáⁿ miâ-kiò Sià-i-la̍h, chiū-sī khí téng-ē ê Pek-hô-lûn kap O͘-soān-sià-í-la̍h ê.

25伊ê kiáⁿ是Lī-hoat，kap Lī-sit。Lī-sit ê kiáⁿ是Tha-la̍h，Tha-la̍h ê kiáⁿ是Tha-hán。I ê kiáⁿ sī Lī-hoat, kap Lī-sek. Lī-sek ê kiáⁿ sī Tha-la̍h, Tha-la̍h ê kiáⁿ sī Tha-hán.

26Tha-hán ê kiáⁿ是La̍h-tàn，La̍h-tàn ê kiáⁿ是A-bí-hut，A-bí-hut ê kiáⁿ是Í-lī-sa-má；Tha-hán ê kiáⁿ sī La̍h-tàn, La̍h-tàn ê kiáⁿ sī A-bí-hut, A-bí-hut ê kiáⁿ sī Í-lī-sa-má;

27Í-lī-sa-má ê kiáⁿ是Lùn，Lùn ê kiáⁿ是約書亞。Í-lī-sa-má ê kiáⁿ sī Lùn, Lùn ê kiáⁿ sī Iok-su-a.

28In ê業kap khiā起ê所在是Pek-te̍k-lī，kap伊ê鄉社，東勢Ná-lân，西勢Ki-sek kap伊ê鄉社，koh有示劍kap伊ê鄉社，Ka-sat kap伊ê鄉社。In ê gia̍p kap khiā-khí ê só͘-chāi sī Pek-te̍k-lī, kap i ê hiuⁿ-siā, tang--sì Ná-lân, sai--sì Ki-sek kap i ê hiuⁿ-siā, koh ū Sī-kiàm kap i ê hiuⁿ-siā, Ka-sat kap i ê hiuⁿ-siā.

29Koh有óa近Má-ná-se人ê境界，Pek-siān kap伊ê鄉社，Tha-la̍p kap伊ê鄉社，Bí-kiat-to kap伊ê鄉社，To-jíⁿ kap伊ê鄉社；以色列ê kiáⁿ約瑟ê kiáⁿ孫khiā起chiah-ê所在。Koh ū óa-kūn Má-ná-se lâng ê kéng-kài, Pek-siān kap i ê hiuⁿ-siā, Tha-la̍p kap i ê hiuⁿ-siā, Bí-kiat-to kap i ê hiuⁿ-siā, To-jíⁿ kap i ê hiuⁿ-siā; Í-sek-lia̍t ê kiáⁿ Iok-sek ê kiáⁿ-sun khiā-khí chiah ê só͘-chāi.

30A-siat ê kiáⁿ是Im-ná、E̍k-si-óa、E̍k-si-úi、Pí-lī-a，koh有in ê姊妹Se-la̍h。A-siat ê kiáⁿ sī Im-ná, E̍k-si-óa, E̍k-si-úi, Pí-lī-a, koh ū in ê chí-bē Se-la̍h.

31Pí-lī-a ê kiáⁿ是Hi-piat、Má-kiat，Má-kiat是Pí-sat-ui ê老父。Pí-lī-a ê kiáⁿ sī Hi-piat, Má-kiat, Má-kiat sī Pí-sat-ui ê lāu-pē.

32Hi-piat生Ngá-hut-le̍k、Sok-be̍k、Hô-thán，kap in ê姊妹Su-ngá。Hi-piat siⁿ Ngá-hut-le̍k, Sok-be̍k, Hô-thán, kap in ê chí-bē Su-ngá.

33Ngá-hut-le̍k ê kiáⁿ是Pa-sat、Pin-hap、A-si-hoat；chiah-ê lóng是Ngá-hut-le̍k ê kiáⁿ。Ngá-hut-le̍k ê kiáⁿ sī Pa-sat, Pin-hap, A-si-hoat; chiah-ê lóng sī Ngá-hut-le̍k ê kiáⁿ.

34Sok-be̍k ê kiáⁿ是A-hi、Lô-ka、Iâ-hō͘-pa、A-lân。Sok-be̍k ê kiáⁿ sī A-hi, Lô-ka, Iâ-hō͘-pa, A-lân.

35Sok-be̍k ê兄弟Hí-liân ê kiáⁿ是Só-hoat、Im-ná、Sī-lī-su、A-boat。Sok-be̍k ê hiaⁿ-tī Hi-liân ê kiáⁿ sī Só-hoat, Im-ná, Sī-lī-su, A-boat.

36Só-hoat ê kiáⁿ是Su-a、Hap-nî-hut、Su-a-le̍k、Pí-lī、Im-la̍h；Só-hoat ê kiáⁿ sī Su-a, Hap-nî-hut, Su-a-le̍k, Pí-lī, Im-la̍h;

37Pí-sek、Hô-tek、San-má、Si-sa、Ek-lân、Pí-la̍h。Pí-sek, Hô-tek, San-má, Si-sa, Ek-lân, Pí-la̍h.

38Ek-thiap ê kiáⁿ是Iâ-hu-nî、Pí-su-pa、A-la̍h。Ek-thiap ê kiáⁿ sī Iâ-hu-nî, Pí-su-pa, A-la̍h.

39O͘-la̍h ê kiáⁿ是A-la̍h、Hàn-nî-gia̍p、Lī-siá。O͘-la̍h ê kiáⁿ sī A-la̍h, Hàn-nî-gia̍p, Lī-siá.

40這lóng是A-siat ê kiáⁿ孫，lóng是in老父hit族ê頭人，是特別大氣力ê勇士，也是首領中ê出tioh-ê。照in ê世系來算，能出陣交戰ê，in ê數額是兩萬六千人。Che lóng sī A-siat ê kiáⁿ-sun, lóng sī in lāu-pē hit-cho̍k ê thâu-lâng, sī te̍k-pia̍t tōa khùi-la̍t ê ióng-sū, iā sī siú-léng-tiong ê chhut-tioh--ê. Chiàu in ê sè-hē lâi sǹg, ōe chhut-tīn kau-chiàn--ê, in ê siàu-gia̍h sī nn̄g-bān la̍k-chheng lâng.