5Chit-tia̍p了後，你beh到上帝ê山，tī-hia有腓利士人防守ê兵；你到城ê時，beh tú-tio̍h一陣先知tùi高ê所在落來；tī in ê頭前有瑟，有lin-long鼓，有笛á，有琴；in lóng講先知話。Chit-tia̍p liáu-āu lí beh kàu Siōng-tè ê soaⁿ, tī-hia ū Hui-lī-sū lâng hông-siú ê peng; lí kàu siâⁿ ê sî, beh tú-tio̍h chi̍t tīn sian-ti tùi koâiⁿ ê só͘-chāi lo̍h-lâi; tī in ê thâu-chêng ū sek, ū lin-long-kó͘, ū ta̍t-á, ū khîm; in lóng kóng sian-ti ōe.