26我ê主ah，耶和華既然禁止你犯tio̍h thâi死人ê罪，用你ê手報家己ê仇讎，所以我kí永活ê耶和華kap你ê活命來chiù-chōa，講，願你ê對敵，kap計謀害我ê主ê，lóng親像Ná-pat。Góa ê chú ah, Iâ-hô-hoa kì-jiân kìm-chí lí hoān-tio̍h thâi-sí lâng ê chōe, ēng lí ê chhiú pò ka-kī ê kiû-siû, só͘-í góa kí éng-oa̍h ê Iâ-hô-hoa kap lí ê oa̍h-miā lâi chiù-chōa, kóng, Goān lí ê tùi-te̍k, kap kè-bô͘ hāi góa ê chú ê, lóng chhin-chhiūⁿ Ná-pat.