19王ah，我ê主ah，taⁿ求你聽奴僕ê話；若是耶和華激動你攻擊我，願伊監納祭物；若是人激動你，願in tī耶和華ê面前受咒詛，因為in今á日激逐(kek-tio̍k)我，hō͘我無份tī耶和華ê業，講，你去服事別ê上帝。Ông ah, góa ê chú ah, taⁿ kiû lí thiaⁿ lô͘-po̍k ê ōe; nā sī Iâ-hô-hoa kek-tōng lí kong-kek góa, goān I kàm-la̍p chè-mi̍h; nā sī lâng kek-tōng lí, goān in tī Iâ-hô-hoa ê bīn-chêng siū chiù-chó͘, in-ūi in kin-á-ji̍t kek-tio̍k góa, hō͘ góa bô hūn tī Iâ-hô-hoa ê gia̍p, kóng, Lí khì ho̍k-sāi pa̍t ê siōng-tè.