15掃羅知是撒母耳，就仆tī地裡拜伊。撒母耳kā掃羅講，你啥事攪擾我，牽我上來ah？掃羅講，我困苦到極；因為腓利士人kap我交戰，上帝也離開我，無koh用先知，á是眠夢，來應我；所以我請你來，thang指示我tio̍h怎樣行。Sò-lô chai sī Sat-bó͘-jíⁿ, chiū phak tī tōe-nih pài i. Sat-bó͘-jíⁿ kā Sò-lô kóng, Lí siáⁿ-sū kiáu-jiáu góa, khan góa chiūⁿ-lâi ah? Sò-lô kóng, Góa khùn-khó͘ kàu-ke̍k; in-ūi Hui-lī-sū lâng kap góa kau-chiàn, Siōng-tè iā lī-khui góa, bô koh ēng sian-ti, á-sī bîn-bāng, lâi ìn góa; só͘-í góa chhiáⁿ lí lâi, thang chí-sī góa tio̍h cháiⁿ-iūⁿ kiâⁿ.