8掃羅就改換伊ê形容，穿別號ê衫，有兩人kap伊去，暝時去hit-ê婦人人hia。掃羅講，請你用上你ê身ê神，kā我行法術，我所kā你講ê人，你kā我牽伊上來。Sò-lô chiū kóe-ōaⁿ i ê hêng-iông, chhēng pa̍t-hō ê saⁿ, ū nn̄g-lâng kap i khì, mî-sî khì hit ê hū-jîn-lâng hia. Sò-lô kóng, Chhiáⁿ lí ēng chiūⁿ lí ê sin ê sîn, kā góa kiâⁿ hoat-su̍t, góa só͘ kā lí kóng ê lâng, lí kā góa khan i chiūⁿ lâi.