4伊beh tī列國中來審判，為tio̍h chōe-chōe百姓來解決；in beh將in ê刀phah做犁頭，將in ê鎗phah做鐮á；chit國無kia̍h刀攻擊hit國，in亦無koh學習交戰。I beh tī lia̍t-kok-tiong lâi sím-phòaⁿ, ūi-tio̍h chōe-chōe peh-sìⁿ lâi kái-koat; in beh chiong in ê to phah-chòe lôe-thâu, chiong in ê chhiuⁿ phah-chòe liâm-á; chit-kok bô kia̍h-to kong-kek hit-kok, in ia̍h bô koh ha̍k-si̍p kau-chiàn.