4Kiám-chhái耶和華，你ê上帝，聽見La̍h-pek-sa-ki ê話，就是伊ê主亞述王差伊來侮慢永活上帝ê話，kiám-chhái耶和華，你ê上帝，為tio̍h聽見chiah-ê話，就beh責備伊；所以求你為tio̍h iáu chhun ê百姓出聲祈禱。Kiám-chhái Iâ-hô-hoa, lí ê Siōng-tè, thiaⁿ-kìⁿ La̍h-pek-sa-ki ê ōe, chiū-sī i ê chú A-su̍t ông chhe i lâi bú-bān éng-oa̍h Siōng-tè ê ōe, kiám-chhái Iâ-hô-hoa, lí ê Siōng-tè, ūi-tio̍h thiaⁿ-kìⁿ chiah ê ōe, chiū beh chek-pī i; só͘-í kiû lí ūi-tio̍h iáu chhun ê peh-sìⁿ chhut-siaⁿ kî-tó.