25所以耶和華ê受氣對伊ê百姓發作，伊ê手伸出攻擊來phah in；chiah-ê山嶺就搖choah，in ê身屍tī街市親像糞土。雖然án-ni伊ê受氣iáu未消，伊ê手iáu 伸teh。Só͘-í Iâ-hô-hoa ê siū-khì tùi I ê peh-sìⁿ hoat-choh, I ê chhiú chhun-chhut kong-kek lâi phah in; chiah ê soaⁿ-niá chiū iô-choah, in ê sin-si tī koe-chhī chhin-chhiūⁿ pùn-thô͘. Sui-jiân án-ni I ê siū-khì iáu-bē siau, I ê chhiú iáu chhun--teh.