16In若肯慇勤學習我ê百姓ê道路，kí我ê名chiù-chōa，講，耶和華是活ê，親像in前教示我ê百姓kí Pa-le̍k來chiù-chōa一樣，in就beh得tio̍h建立tī我ê百姓ê中間。In nā khéng un-khûn ha̍k-si̍p Góa ê peh-sìⁿ ê tō-lō͘, kí Góa ê miâ chiù-chōa, kóng, Iâ-hô-hoa sī oa̍h--ê, chhin-chhiūⁿ in chêng kà-sī Góa ê peh-sìⁿ kí Pa-le̍k lâi chiù-chōa chi̍t-iūⁿ, in chiū beh tit-tio̍h kiàn-li̍p tī Góa ê peh-sìⁿ ê tiong-kan.