12In beh到錫安高ê所在唱歌；koh beh親像河水流，到耶和華恩典ê地，得tio̍h五穀、酒、油、羊群、牛群ê細隻ê；in ê心beh親像灌ak ê園，lóng無koh憂苦。In beh kàu Sek-an koâiⁿ ê só͘-chāi chhiùⁿ-koa; koh beh chhin-chhiūⁿ hô-chúi lâu, kàu Iâ-hô-hoa un-tián ê tōe, tit-tio̍h gō͘-kak, chiú, iû, iûⁿ-kûn, gû-kûn ê sòe-chiah--ê; in ê sim beh chhin-chhiūⁿ koàn-ak ê hn̂g, lóng bô koh iu-khó͘.