1耶和華吩咐約書亞講：Iâ-hô-hoa hoan-hù Iok-su-a kóng,

2你吩咐以色列人，講：Lín tio̍h照我託摩西所kā lín講ê，為家己設立逃閃ê城；Lí hoan-hù Í-sek-lia̍t lâng, kóng, Lín tio̍h chiàu Góa thok Mô͘-se só͘ kā lín kóng ê, ūi ka-kī siat-li̍p tô-siám ê siâⁿ;

3Hō͘ hit-ê無意中錯誤thâi人ê，thang走到hia；hiah-ê城thang做lín閃避報人命ê人ê所在。hō͘ hit ê bô-ì-tiong chhò-gō͘ thâi-lâng-ê, thang cháu kàu hia; hiah ê siâⁿ thang chòe lín siám-pī pò-jîn-bēng ê lâng ê só͘-chāi.

4伊beh走到chiah-ê城ê一個，khiā tī城門口，將伊ê事情講hō͘ hit-ê城ê長老聽；in就收伊入城，hō͘伊一所在，hō͘伊tiàm tī in中間。I beh cháu kàu chiah ê siâⁿ ê chi̍t-ê, khiā tī siâⁿ-mn̂g-kháu, chiong i ê sū-chêng kóng hō͘ hit ê siâⁿ ê tiúⁿ-ló thiaⁿ; in chiū siu i ji̍p siâⁿ, hō͘ i chi̍t só͘-chāi, hō͘ i tiàm tī in tiong-kan.

5報人命ê若追jip伊，in m̄-thang用thâi人ê交tī伊ê手；因為伊錯誤thâi死伊ê厝邊，平素無怨恨伊。Pò-jîn-bēng-ê nā tui-jip i, in m̄-thang ēng thâi-lâng-ê kau tī i ê chhiú; in-ūi i chhò-gō͘ thâi-sí i ê chhù-piⁿ, pêng-sò͘ bô oàn-hūn i.

6伊beh tòa tī hit-ê城，thèng候khiā tī會眾ê面前受審判，thèng候hit時ê祭司長已經死，thâi人ê chiah thang tò去到本城，本家，就是伊所tùi hia走出來hit-ê城。I beh tòa tī hit ê siâⁿ, thèng-hāu khiā tī hōe-chiòng ê bīn-chêng siū sím-phòaⁿ, thèng-hāu hit-sî ê chè-si-tiúⁿ í-keng sí, thâi-lâng-ê chiah thang tò-khì kàu pún-siâⁿ, pún-ke, chiū-sī i só͘ tùi hia cháu-chhut-lâi hit ê siâⁿ.

7In就定tio̍h 設 tī Ná-hut-tha-lī山地，tī加利利ê Ki-te-su，kap tī Í-hoat-liân山地ê示劍，以及tī猶大山地ê Ki-lia̍t-a-pa，就是Hi-pek-lûn。In chiū tiāⁿ-tio̍h siat tī Ná-hut-tha-lī soaⁿ-tōe, tī Ka-lī-lī ê Ki-te-su, kap tī Í-hoat-liân soaⁿ-tōe ê Sī-kiàm, í-ki̍p tī Iû-tāi soaⁿ-tōe ê Ki-lia̍t-a-pa, chiū-sī Hi-pek-lûn.

8Koh tī約旦hit-pêng，近耶利哥東勢，設立屬Liû-piān支派，tī曠野，tī平洋ê Pí-sek；kap屬Ka-tek支派Ki-lia̍t ê La̍h-boa̍t；以及屬Má-ná-se支派，Pa-san ê Ko-lân。Koh tī Iok-tàn hit-pêng, kūn Iâ-lī-ko tang-sì, siat-li̍p sio̍k Liû-piān chi-phài, tī khòng-iá, tī pîⁿ-iûⁿ ê Pí-sek; kap sio̍k Ka-tek chi-phài Ki-lia̍t ê La̍h-boa̍t; í-ki̍p sio̍k Má-ná-se chi-phài, Pa-san ê Ko-lân.

9Chiah-ê是為tio̍h以色列眾人，kap寄腳tī中間所設ê城，hō͘錯誤thâi人ê lóng thang走到hia，無死tī報人命ê人ê手，thèng候伊khiā tī會眾ê面前。Chiah-ê sī ūi-tio̍h Í-sek-lia̍t chèng-lâng, kap kià-kha tī tiong-kan só͘ siat ê siâⁿ, hō͘ chhò-gō͘ thâi-lâng-ê lóng thang cháu kàu hia, bô sí tī pò-jîn-bēng ê lâng ê chhiú, thèng-hāu i khiā tī hōe-chiòng ê bīn-chêng.

1hit時利未人chiah-ê族長就近祭司Í-lī-a-sat，kap Lùn ê kiáⁿ約書亞，以及以色列人支派chiah-ê族長；Hit-sî Lī-bī lâng chiah ê cho̍k-tiúⁿ chiū-kūn chè-si Í-lī-a-sat, kap Lùn ê kiáⁿ Iok-su-a, í-ki̍p Í-sek-lia̍t lâng chi-phài chiah ê cho̍k-tiúⁿ;

2tī迦南地ê Sī-lô kā in講：前耶和華託摩西hō͘阮有城thang khiā起，有郊野thang做飼cheng-siⁿ ê路用。tī Ka-lâm tōe ê Sī-lô kā in kóng, Chêng Iâ-hô-hoa thok Mô͘-se hō͘ goán ū siâⁿ thang khiā-khí, ū kau-iá thang chòe chhī cheng-siⁿ ê lō͘-ēng.

3以色列人就照耶和華所命令ê，tùi家己ê業中，將下面所記chiah-ê城，kap in ê郊野，hō͘利未人。Í-sek-lia̍t lâng chiū chiàu Iâ-hô-hoa só͘ bēng-lēng ê, tùi ka-kī ê gia̍p-tiong, chiong ē-bīn só͘ kì chiah ê siâⁿ, kap in ê kau-iá, hō͘ Lī-bī lâng.

4為 Ko-hat chiah-ê族liam-khau；利未人中祭司亞倫ê kiáⁿ孫，tùi猶大支派，西門支派，便雅憫支派，liam-tio̍h十三座城。Ūi Ko-hat chiah ê cho̍k liam-khau; Lī-bī lâng tiong chè-si A-lûn ê kiáⁿ-sun, tùi Iû-tāi chi-phài, Se-biān chi-phài, Piān-ngá-bín chi-phài, liam-tio̍h cha̍p-saⁿ chō siâⁿ.

5Ko-hat其餘ê kiáⁿ孫，tùi Í-hoat-liân支派ê宗族，tùi Tàn ê支派，tùi Má-ná-se半支派，liam-tio̍h十座城。Ko-hat kî-û ê kiáⁿ-sun, tùi Í-hoat-liân chi-phài ê chong-cho̍k, tùi Tàn ê chi-phài, tùi Má-ná-se pòaⁿ-chi-phài, liam-tio̍h cha̍p chō siâⁿ.

6激-sūn ê kiáⁿ孫，tùi Í-sat-ka支派ê宗族，tùi A-siat ê支派，tùi Ná-hut-tha-lī ê支派，tùi tiàm tī Pa-san ê Má-ná-se半支派，liam-tio̍h十三座城。Kek-sūn ê kiáⁿ-sun, tùi Í-sat-ka chi-phài ê chong-cho̍k, tùi A-siat ê chi-phài, tùi Ná-hut-tha-lī ê chi-phài, tùi tiàm tī Pa-san ê Má-ná-se pòaⁿ-chi-phài, liam-tio̍h cha̍p-saⁿ chō siâⁿ.

7Bí-la̍h-lī ê kiáⁿ孫，照in ê宗族，tùi Liû-piān ê支派，tùi Ka-tek ê支派，tùi Se-pò͘-lûn ê支派，得tio̍h十二座城。Bí-la̍h-lī ê kiáⁿ-sun, chiàu in ê chong-cho̍k, tùi Liû-piān ê chi-phài, tùi Ka-tek ê chi-phài, tùi Se-pò͘-lûn ê chi-phài, tit-tio̍h cha̍p-jī chō siâⁿ.

8以色列人照耶和華託摩西所命令ê，將chiah-ê城，kap in ê郊野，liam-khau分hō͘利未人。Í-sek-lia̍t lâng chiàu Iâ-hô-hoa thok Mô͘-se só͘ bēng-lēng-ê, chiong chiah ê siâⁿ, kap in ê kau-iá, liam-khau pun hō͘ Lī-bī lâng.

9Koh tùi猶大kiáⁿ孫ê支派，西門kiáⁿ孫ê支派，下面記名hiah-ê城hō͘ in；Koh tùi Iû-tāi kiáⁿ-sun ê chi-phài, Se-biān kiáⁿ-sun ê chi-phài, ē-bīn kì-miâ hiah ê siâⁿ hō͘ in;

10就是hō͘利未kiáⁿ孫中，Ko-hat宗族中，亞倫ê kiáⁿ孫；因為hō͘ in事先liam-khau；chiū-sī hō͘ Lī-bī kiáⁿ-sun-tiong, Ko-hat chong-cho̍k-tiong, A-lûn ê kiáⁿ-sun; in-ūi hō͘ in tāi-seng liam-khau;

11用猶大山地ê Ki-lia̍t-a-pa，(就是Hi-pek-lûn，) kap伊四圍ê郊野，hō͘ in；A-pa是A-la̍p族ê祖。ēng Iû-tāi soaⁿ-tōe ê Ki-lia̍t-a-pa, (chiū-sī Hi-pek-lûn,) kap i sì-ûi ê kau-iá, hō͘ in; A-pa sī A-la̍p cho̍k ê chó͘.

12獨獨hit-ê城ê田，kap伊ê鄉社，in hō͘ Iâ-hu-nî ê kiáⁿ迦勒做業。To̍k-to̍k hit ê siâⁿ ê chhân, kap i ê hiuⁿ-siā, in hō͘ Iâ-hu-nî ê kiáⁿ Ka-le̍k chòe-gia̍p.

13Koh用Hi-pek-lûn，kap伊ê郊野，就是thâi死人逃閃ê城；以及Li̍p-ná kap伊ê郊野，hō͘祭司亞倫ê kiáⁿ孫；Koh ēng Hi-pek-lûn, kap i ê kau-iá, chiū-sī thâi-sí-lâng tô-siám ê siâⁿ; í-ki̍p Li̍p-ná kap i ê kau-iá, hō͘ chè-si A-lûn ê kiáⁿ-sun;

14koh hō͘ in Ngá-thê-jíⁿ，kap伊ê郊野，Í-si̍t-thê-bo̍k，kap伊ê郊野；koh hō͘ in Ngá-thê-jíⁿ, kap i ê kau-iá, Í-si̍t-thê-bo̍k, kap i ê kau-iá;

15河-lûn kap伊ê郊野，Tí-phek kap伊ê郊野；Hô-lûn kap i ê kau-iá, Tí-phek kap i ê kau-iá;

16A-in，kap伊ê郊野，U-tha kap伊ê郊野，Pek-sī-be̍k kap伊ê郊野；共九座城，lóng是tùi chí兩支派hō͘ in。A-in, kap i ê kau-iá, U-tha kap i ê kau-iá, Pek-sī-be̍k kap i ê kau-iá; kiōng káu chō siâⁿ, lóng sī tùi chí nn̄g chi-phài hō͘ in.

17Koh tùi便雅憫ê支派，hō͘ in Ki-piàn kap伊ê郊野，Ka-pa kap伊ê郊野；Koh tùi Piān-ngá-bín ê chi-phài, hō͘ in Ki-piàn kap i ê kau-iá, Ka-pa kap i ê kau-iá;

18A-ná-tu̍t kap伊ê郊野，A-le̍k-bûn kap伊ê郊野，共四座城；A-ná-tu̍t kap i ê kau-iá, A-le̍k-bûn kap i ê kau-iá, kiōng sì chō siâⁿ;

19亞倫ê kiáⁿ孫做祭司ê所得tio̍h ê城共十三座城，kap伊ê郊野。A-lûn ê kiáⁿ-sun chòe chè-si-ê só͘ tit-tio̍h ê siâⁿ kiōng cha̍p-saⁿ chō siâⁿ, kap i ê kau-iá.

20利未人Ko-hat kiáⁿ孫ê宗族，就是Ko-hat其餘ê kiáⁿ孫，liam-khau所得tio̍h ê城是tùi Í-hoat-liân支派中分出ê。Lī-bī lâng Ko-hat kiáⁿ-sun ê chong-cho̍k, chiū-sī Ko-hat kî-û ê kiáⁿ-sun, liam-khau só͘ tit-tio̍h ê siâⁿ sī tùi Í-hoat-liân chi-phài-tiong pun-chhut-ê.

21Koh用Í-hoat-liân山地ê示劍，就是thâi死人ê逃閃ê城，kap in ê郊野，以及Ki-sek kap伊ê郊野；Koh ēng Í-hoat-liân soaⁿ-tōe ê Sī-kiàm, chiū-sī thâi-sí-lâng-ê tô-siám ê siâⁿ, kap in ê kau-iá, í-ki̍p Ki-sek kap i ê kau-iá;

22Ki-pek-sian kap伊ê郊野，Pek-hô-lûn kap伊ê郊野hō͘ in；共四座城。Ki-pek-sian kap i ê kau-iá, Pek-hô-lûn kap i ê kau-iá hō͘ in; kiōng sì chō siâⁿ.

23Koh tùi Tàn ê支派中，hō͘ in I-lī-thê-ki kap伊ê郊野，Ki-pí-tùn kap伊ê郊野；Koh tùi Tàn ê chi-phài-tiong, hō͘ in I-lī-thê-ki kap i ê kau-iá, Ki-pí-tùn kap i ê kau-iá;

24A-ngá-lûn kap伊ê郊野，Ka-te̍k-lîm-bûn kap伊ê郊野；共四座城。A-ngá-lûn kap i ê kau-iá, Ka-te̍k-lîm-bûn kap i ê kau-iá; kiōng sì chō siâⁿ.

25Koh tùi Má-ná-se半支派中hō͘ in Tha-la̍p kap伊ê郊野，以及Ka-te̍k-lîm-bûn kap伊ê郊野；共兩座城。Koh tùi Má-ná-se pòaⁿ-chi-phài tiong hō͘ in Tha-la̍p kap i ê kau-iá, í-ki̍p Ka-te̍k-lîm-bûn kap i ê kau-iá; kiōng nn̄g chō siâⁿ.

26Ko-hat ê kiáⁿ孫其餘ê宗族，所得tio̍h ê城，共十座，kap in ê郊野。Ko-hat ê kiáⁿ-sun kî-û ê chong-cho̍k, só͘ tit-tio̍h ê siâⁿ, kiōng cha̍p-chō, kap in ê kau-iá.

27Koh tùi Má-ná-se半支派ê業中，將Pa-san ê Ko-lân，就是thâi人ê逃閃ê城，kap伊ê郊野，以及Pí-si-thê-la̍h kap伊ê郊野，共兩座城，hō͘利未宗族Kek-sūn ê kiáⁿ孫。Koh tùi Má-ná-se pòaⁿ-chi-phài ê gia̍p-tiong, chiong Pa-san ê Ko-lân, chiū-sī thâi-lâng-ê tô-siám ê siâⁿ, kap i ê kau-iá, í-ki̍p Pí-si-thê-la̍h kap i ê kau-iá, kiōng nn̄g chō siâⁿ, hō͘ Lī-bī chong-cho̍k Kek-sūn ê kiáⁿ-sun.

28Koh tùi Í-sat-ka支派ê業中，用Ki-siān kap伊ê郊野，Tāi-pí-la̍h kap伊ê郊野；Koh tùi Í-sat-ka chi-phài ê gia̍p-tiong, ēng Ki-siān kap i ê kau-iá, Tāi-pí-la̍h kap i ê kau-iá;

29Iâ-boa̍t kap伊ê郊野，Ún-kan-lêng kap伊ê郊野，共四座城，hō͘ in。Iâ-boa̍t kap i ê kau-iá, Ún-kan-lêng kap i ê kau-iá, kiōng sì chō siâⁿ, hō͘ in.

30Koh tùi A-siat支派ê業中，用Bí-sa-le̍k kap伊ê郊野，Ap-tùn kap伊ê郊野；Koh tùi A-siat chi-phài ê gia̍p-tiong, ēng Bí-sa-le̍k kap i ê kau-iá, Ap-tùn kap i ê kau-iá;

31Hek-kah kap伊ê郊野，Lī-ha̍p kap伊ê郊野，共四座城，hō͘ in。Hek-kah kap i ê kau-iá, Lī-ha̍p kap i ê kau-iá, kiōng sì chō siâⁿ, hō͘ in.

32Koh tùi Ná-hut-tha-lī支派ê業中，用加利利ê Ki-te-su，就是thâi人ê逃閃ê城，kap伊ê郊野，以及Hap-boa̍t-to-jíⁿ kap伊ê郊野，Ka-jíⁿ-thán kap伊ê郊野，共三座城，hō͘ in。Koh tùi Ná-hut-tha-lī chi-phài ê gia̍p-tiong, ēng Ka-lī-lī ê Ki-te-su, chiū-sī thâi-lâng-ê tô-siám ê siâⁿ, kap i ê kau-iá, í-ki̍p Hap-boa̍t-to-jíⁿ kap i ê kau-iá, Ka-jíⁿ-thán kap i ê kau-iá, kiōng saⁿ chō siâⁿ, hō͘ in.

33Kek-sūn人ê城照伊ê宗族，共十三座城kap伊ê郊野。Kek-sūn lâng ê siâⁿ chiàu i ê chong-cho̍k, kiōng cha̍p-saⁿ chō siâⁿ kap i ê kau-iá.

34Tùi Se-pò͘-lûn支派ê業中，將 Iok-liām kap伊ê郊野，Ka-jíⁿ-tha kap伊ê郊野；Tùi Se-pò͘-lûn chi-phài ê gia̍p-tiong, chiong Iok-liām kap i ê kau-iá, Ka-jíⁿ-tha kap i ê kau-iá;

35Teng-ná kap伊ê郊野，Ná-hap-la̍h kap伊ê郊野，共四座城，hō͘其餘ê利未人，就是Bí-la̍h-lī kiáⁿ孫ê宗族。Teng-ná kap i ê kau-iá, Ná-hap-la̍h kap i ê kau-iá, kiōng sì chō siâⁿ, hō͘ kî-û ê Lī-bī lâng, chiū-sī Bí-la̍h-lī kiáⁿ-sun ê chong-cho̍k.

36Koh tùi Liû-piān支派ê業中，用Pí-sek kap伊ê郊野，Ngá-cha̍p kap伊ê郊野；Koh tùi Liû-piān chi-phài ê gia̍p-tiong, ēng Pí-sek kap i ê kau-iá, Ngá-cha̍p kap i ê kau-iá;

37Ki-tí-bo̍k kap伊ê郊野，Bí-hoat-ap kap伊ê郊野，共四座城，hō͘ in。Ki-tí-bo̍k kap i ê kau-iá, Bí-hoat-ap kap i ê kau-iá, kiōng sì chō siâⁿ, hō͘ in.

38Koh tùi Ka-tek支派ê業中，將Ki-lia̍t ê La̍h-boa̍t，就是thâi死人ê逃閃ê城，kap伊ê郊野，以及Má-hap-liām kap伊ê郊野；Koh tùi Ka-tek chi-phài ê gia̍p-tiong, chiong Ki-lia̍t ê La̍h-boa̍t, chiū-sī thâi-sí-lâng-ê tô-siám ê siâⁿ, kap i ê kau-iá, í-ki̍p Má-hap-liām kap i ê kau-iá;

39Hi-si̍t-pún kap伊ê郊野，Ngá-siā kap伊ê郊野，共四座城，hō͘ in。Hi-si̍t-pún kap i ê kau-iá, Ngá-siā kap i ê kau-iá, kiōng sì chō siâⁿ, hō͘ in.

40利未人其餘ê宗族，就是Bí-la̍h-lī ê kiáⁿ孫，照in ê宗族，liam-khau所得tio̍h chiah-ê城，共十二座城。Lī-bī lâng kî-û ê chong-cho̍k, chiū-sī Bí-la̍h-lī ê kiáⁿ-sun, chiàu in ê chong-cho̍k, liam-khau só͘ tit-tio̍h chiah ê siâⁿ, kiōng cha̍p-jī chō siâⁿ.

41利未人tī以色列ê業中所得tio̍h ê城，共四十八座城，kap in ê郊野。Lī-bī lâng tī Í-sek-lia̍t ê gia̍p-tiong só͘ tit-tio̍h ê siâⁿ, kiōng sì-cha̍p-poeh chō siâⁿ, kap in ê kau-iá.

42Chiah-ê城四圍lóng有伊ê郊野，ta̍k-ê lóng是án-ni。Chiah ê siâⁿ sì-ûi lóng ū i ê kau-iá, ta̍k-ê lóng sī án-ni.

43Án-ni耶和華將伊前chiù-chōa beh hō͘ in列祖ê全地，hō͘以色列人；in就得tio̍h做業，tiàm tī-hia khiā起。Án-ni Iâ-hô-hoa chiong I chêng chiù-chōa beh hō͘ in lia̍t-chó͘ ê choân-tōe, hō͘ Í-sek-lia̍t lâng; in chiū tit-tio̍h chòe-gia̍p, tiàm tī-hia khiā-khí.

44耶和華照伊對in ê列祖一切所chiù-chōa-ê，hō͘ in四圍平安；in ê對敵，無一人能khiā-tiâu tī in ê面前；耶和華將in ê對敵lóng交tī in ê手。Iâ-hô-hoa chiàu I tùi in ê lia̍t-chó͘ it-chhè só͘ chiù-chōa-ê, hō͘ in sì-ûi pêng-an; in ê tùi-te̍k, bô chi̍t-lâng ōe khiā-tiâu tī in ê bīn-chêng; Iâ-hô-hoa chiong in ê tùi-te̍k lóng kau tī in ê chhiú.

45見耶和華對以色列家所講ê好話，無一句落空，lóng有應驗。Kìⁿ Iâ-hô-hoa tùi Í-sek-lia̍t ke só͘ kóng ê hó-ōe, bô chi̍t-kù lo̍k-khong, lóng ū èng-giām.

1Hit時約書亞叫Liû-piān人、Ka-tek人，Kap Má-ná-se半支派ê人來，Hit-sî Iok-su-a kiò Liû-piān lâng, Ka-tek lâng, Kap Má-ná-se pòaⁿ-chi-phài ê lâng lâi,

2對in講，耶和華ê奴僕摩西所命令lín ê，lín lóng遵守，我所命令lín ê，lín也lóng聽thàn；tùi in kóng, Iâ-hô-hoa ê lô͘-po̍k Mô͘-se só͘ bēng-lēng lín ê, lín lóng chun-siú, góa só͘ bēng-lēng lín ê, lín iā lóng thiaⁿ-thàn;

3lín chiah-chōe日，lóng無離開lín ê兄弟，直到今á日，lín也有守耶和華lín上帝所命令lín tio̍h守ê。lín chiah-chōe ji̍t, lóng bô lī-khui lín ê hiaⁿ-tī, ti̍t-kàu kin-á-ji̍t, lín iā ū siú Iâ-hô-hoa lín Siōng-tè só͘ bēng-lēng lín tio̍h siú ê.

4Taⁿ耶和華lín上帝照祂所應允ê，hō͘ lín兄弟得tio̍h平安；taⁿ lín thang 倒tńg去lín ê布棚，到耶和華ê奴僕摩西tī約旦hit-pêng所賜hō͘ lín做業ê地。Taⁿ Iâ-hô-hoa lín Siōng-tè chiàu I só͘ èng-ún-ê, hō͘ lín hiaⁿ-tī tit-tio̍h pêng-an; taⁿ lín thang tò-tńg-khì lín ê pò͘-pîⁿ, kàu Iâ-hô-hoa ê lô͘-po̍k Mô͘-se tī Iok-tàn hit-pêng só͘ sù-hō͘ lín chòe-gia̍p ê tōe.

5總是lín切切tio̍h謹慎，遵thàn耶和華ê奴僕摩西所命令lín ê誡命律法，疼耶和華lín ê上帝，行伊一切ê道路，守伊ê誡命，結聯tī伊，盡心盡性服事伊。Chóng-sī lín chhiat-chhiat tio̍h kín-sīn, chun-thàn Iâ-hô-hoa ê lô͘-po̍k Mô͘-se só͘ bēng-lēng lín ê kài-bēng lu̍t-hoat, thiàⁿ Iâ-hô-hoa lín ê Siōng-tè, kiâⁿ I it-chhè ê tō-lō͘, siú I ê kài-bēng, kiat-liân tī I, chīn-sim chīn-sèng ho̍k-sāi I.

6Tùi án-ni，約書亞kā in祝福，差in去；in就tò去in ê布棚。Tùi án-ni Iok-su-a kā in chiok-hok, chhe in khì; in chiū tò-khì in ê pò͘-pîⁿ.

7Má-ná-se半支派，摩西已經tī Pa-san分業hō͘ in；iáu半支派約書亞tī約旦hit-pêng西勢，tī in兄弟中分業hō͘ in；約書亞差in tò去布棚ê時，kā in祝福；Má-ná-se pòaⁿ-chi-phài, Mô͘-se í-keng tī Pa-san pun-gia̍p hō͘ in; iáu pòaⁿ-chi-phài Iok-su-a tī Iok-tàn hit-pêng sai-sì, tī in hiaⁿ-tī-tiong pun-gia̍p hō͘ in; Iok-su-a chhe in tò-khì pò͘-pîⁿ ê sî, kā in chiok-hok;

8吩咐in講：Lín tio̍h 帶chōe-chōe財物，chōe-chōe cheng-siⁿ，kap銀、金、銅、鐵，kap chōe-chōe衣服，tò去lín ê布棚；將lín所搶對敵ê贓物，kap lín ê兄弟相kap分。hoan-hù in kóng, Lín tio̍h tòa chōe-chōe châi-bu̍t, chōe-chōe cheng-siⁿ, kap gûn, kim, tâng, thih, kap chōe-chōe i-ho̍k, tò-khì lín ê pò͘-pîⁿ; chiong lín só͘ chhiúⁿ tùi-te̍k ê chong-bu̍t, kap lín ê hiaⁿ-tī saⁿ-kap pun.

9Tùi án-ni，Liû-piān人、Ka-tek人、Má-ná-se半支派ê人，tùi迦南地ê Sī-lô起身，離開以色列人，beh tò去in得tio̍h Ki-lia̍t地；就是照耶和華託摩西所命令ê，得tio̍h做業ê地。Tùi án-ni Liû-piān lâng, Ka-tek lâng, Má-ná-se pòaⁿ-chi-phài ê lâng, tùi Ka-lâm tōe ê Sī-lô khí-sin, lī-khui Í-sek-lia̍t lâng, beh tò-khì in tit-tio̍h Ki-lia̍t tōe; chiū-sī chiàu Iâ-hô-hoa thok Mô͘-se só͘ bēng-lēng ê, tit-tio̍h chòe-gia̍p ê tōe.

10Liû-piān人、Ka-tek人，kap Má-ná-se半支派，到約旦河邊一帶ê迦南地，就tī近約旦hia，起一座壇，hit-ê壇看了真大。Liû-piān lâng, Ka-tek lâng, kap Má-ná-se pòaⁿ-chi-phài, kàu Iok-tàn hô-piⁿ it-tài ê Ka-lâm tōe, chiū tī kūn Iok-tàn hia, khí chi̍t chō tôaⁿ, hit ê tôaⁿ khòaⁿ-liáu chin-tōa.

11以色列人聽見講：看ah，Liû-piān人、Ka-tek人，kap Má-ná-se半支派有起一座壇tī迦南地ê頭前，約旦ê邊á，以色列人過去ê所在。Í-sek-lia̍t lâng thiaⁿ-kìⁿ kóng, Khòaⁿ ah, Liû-piān lâng, Ka-tek lâng, kap Má-ná-se pòaⁿ-chi-phài ū khí chi̍t chō tôaⁿ tī Ka-lâm tōe ê thâu-chêng, Iok-tàn ê piⁿ-á, Í-sek-lia̍t lâng kè-khì ê só͘-chāi.

12以色列人聽見，以色列人全會lóng聚集tī Sī-lô，beh上去kap in交戰。Í-sek-lia̍t lâng thiaⁿ-kìⁿ, Í-sek-lia̍t lâng choân-hōe lóng chū-chi̍p tī Sī-lô, beh chiūⁿ-khì kap in kau-chiàn.

13以色列人差祭司Í-lī-a-sat ê kiáⁿ Hui-nî-hap去Ki-lia̍t地見Liû-piān人、Ka-tek人，Má-ná-se半支派；Í-sek-lia̍t lâng chhe chè-si Í-lī-a-sat ê kiáⁿ Hui-nî-hap khì Ki-lia̍t tōe kìⁿ Liû-piān lâng, Ka-tek lâng, Má-ná-se pòaⁿ-chi-phài;

14koh差十個首領kap伊去，就是以色列ta̍k支派ta̍k族一個首領ta̍k人tī以色列軍隊中做族長。koh chhe cha̍p ê siú-léng kap i khì, chiū-sī Í-sek-lia̍t ta̍k chi-phài ta̍k-cho̍k chi̍t ê siú-léng ta̍k-lâng tī Í-sek-lia̍t kun-tūi-tiong chòe cho̍k-tiúⁿ.

15In到Ki-lia̍t地，見Liû-piān人、Ka-tek人，kap Má-ná-se半支派，對in講，In kàu Ki-lia̍t tōe, kìⁿ Liû-piān lâng, Ka-tek lâng, kap Má-ná-se pòaⁿ-chi-phài, tùi in kóng,

16耶和華全會ê眾人án-ni講：Lín干犯以色列ê上帝，今á日oa̍t-tńg無tè耶和華，為家己起一座壇，致到今á日悖逆耶和華，犯tio̍h這是甚麼罪ah？Iâ-hô-hoa choân-hōe ê chèng-lâng án-ni kóng, Lín kan-hoān Í-sek-lia̍t ê Siōng-tè, kin-á-ji̍t oa̍t-tńg bô tè Iâ-hô-hoa, ūi ka-kī khí chi̍t chō tôaⁿ, tì-kàu kin-á-ji̍t pōe-ge̍k Iâ-hô-hoa, hoān-tio̍h che sī sím-mi̍h chōe ah?

17早對tī Pí-jíⁿ ê罪，咱iáu掠做小khóa mah？雖然瘟疫到耶和華ê會眾，到今á日咱iáu未清氣；Chá tùi tī Pí-jíⁿ ê chōe, lán iáu lia̍h-chòe sió-khóa mah? Sui-jiân un-e̍k kàu Iâ-hô-hoa ê hōe-chiòng, kàu kin-á-ji̍t lán iáu-bē chheng-khì;

18lín今á日竟然oa̍t-tńg無tè耶和華ah！lín今á日悖逆耶和華，明á日伊beh受氣以色列ê全會。lín kin-á-ji̍t kéng-jiân oa̍t-tńg bô tè Iâ-hô-hoa ah! lín kin-á-ji̍t pōe-ge̍k Iâ-hô-hoa, bîn-á-ji̍t I beh siū-khì Í-sek-lia̍t ê choân-hōe.

19Lín所得tio̍h做業ê地，若無清氣，就thang過來耶和華ê地ê業，就是耶和華會幕所tiàm ê所在，tī阮中間得tio̍h業；總是m̄-thang悖逆耶和華，也m̄-thang悖逆阮，m̄-thang tī耶和華咱上帝ê壇以外，為家己koh起壇。Lín só͘ tit-tio̍h chòe-gia̍p ê tōe, nā bô chheng-khì, chiū thang kè-lâi Iâ-hô-hoa ê tōe ê gia̍p, chiū-sī Iâ-hô-hoa hōe-bō͘ só͘ tiàm ê só͘-chāi, tī goán tiong-kan tit-tio̍h gia̍p; chóng-sī m̄-thang pōe-ge̍k Iâ-hô-hoa, iā m̄-thang pōe-ge̍k goán, m̄-thang tī Iâ-hô-hoa lán Siōng-tè ê tôaⁿ í-gōa, ūi ka-kī koh khí tôaⁿ.

20前謝拉 ê曾孫A-kan，kiám無tī hit-ê應該獻ê物犯罪，就有受氣臨到tī以色列ê全會mah？hit-ê人tī伊所犯ê罪，m̄-nā伊家己一人死。Chêng Siā-la̍h ê cheng-sun A-kan, kiám bô tī hit ê eng-kai hiàn ê mi̍h hoān-chōe, chiū ū siū-khì lîm-kàu tī Í-sek-lia̍t ê choân-hōe mah? hit ê lâng tī i só͘ hoān ê chōe, m̄-nā i ka-kī chi̍t-lâng sí.

21Tùi án-ni，Liû-piān人、Ka-tek人、Má-ná-se半支派應以色列軍隊ê頭人講：Tùi án-ni Liû-piān lâng, Ka-tek lâng, Má-ná-se pòaⁿ-chi-phài ìn Í-sek-lia̍t kun-tūi ê thâu-lâng kóng,

22全能ê上帝耶和華，全能ê上帝耶和華，伊知，以色列也beh知，阮若有悖逆ê意思，á是干犯耶和華，Choân-lêng ê Siōng-tè Iâ-hô-hoa, choân-lêng ê Siōng-tè Iâ-hô-hoa, I chai, Í-sek-lia̍t iā beh chai, goán nā ū pōe-ge̍k ê ì-sù, á-sī kan-hoān Iâ-hô-hoa,

23(今á日無救阮) ，為家己起壇，beh oa̍t-tńg無tè耶和華，á是beh獻燒祭、素祭、謝恩祭，tī hit頂面，耶和華beh歸咎伊；(kin-á-ji̍t bô kiù goán), ūi ka-kī khí tôaⁿ, beh oa̍t-tńg bô tè Iâ-hô-hoa, á-sī beh hiàn sio-chè, sò͘-chè, siā-un chè, tī hí téng-bīn, Iâ-hô-hoa beh kui-kiū i;

24阮做chit-ê tāi-chì是為tio̍h持防chiah故意做；是驚了後日lín ê kiáⁿ孫對阮ê kiáⁿ孫講：Lín kap耶和華以色列ê上帝有甚麼關係ah？goán chòe chit ê tāi-chì sī ūi-tio̍h tî-hông chiah kò͘-ì chòe; sī kiaⁿ-liáu āu-ji̍t lín ê kiáⁿ-sun tùi goán ê kiáⁿ-sun kóng, Lín kap Iâ-hô-hoa Í-sek-lia̍t ê Siōng-tè ū sím-mi̍h koan-hē ah?

25Liû-piān人、Ka-tek人ah，耶和華設 chit-ê約旦，tī lín kap阮ê中間做界限；taⁿ lín tī耶和華無份；án-ni就lín ê kiáⁿ孫會hō͘阮ê kiáⁿ孫無koh敬畏耶和華。Liû-piān lâng, Ka-tek lâng ah, Iâ-hô-hoa siat chit ê Iok-tàn, tī lín kap goán ê tiong-kan chòe kài-hān; taⁿ lín tī Iâ-hô-hoa bô hūn; án-ni chiū lín ê kiáⁿ-sun ōe hō͘ goán ê kiáⁿ-sun bô koh kèng-ùi Iâ-hô-hoa.

26所以阮相kap講：Taⁿ咱tio̍h為家己起一座壇，m̄是為tio̍h燒祭，也m̄是為tio̍h別號ê祭；Só͘-í goán saⁿ-kap kóng, Taⁿ lán tio̍h ūi ka-kī khí chi̍t chō tôaⁿ, m̄-sī ūi-tio̍h sio-chè, iā m̄-sī ūi-tio̍h pa̍t-hō ê chè;

27就是為tio̍h lín阮ê中間，以及lín kap阮後代ê中間做證據；hō͘阮thang tī耶和華ê面前，用阮ê燒祭、謝恩祭，kap別號祭，來服事伊；免得lín ê kiáⁿ孫後日對阮ê kiáⁿ孫講：Lín無份tī耶和華。chiū-sī ūi-tio̍h lín goán ê tiong-kan, í-ki̍p lín kap goán āu-tāi ê tiong-kan chòe chèng-kù; hō͘ goán thang tī Iâ-hô-hoa ê bīn-chêng, ēng goán ê sio-chè, siā-un-chè, kap pa̍t-hō chè, lâi ho̍k-sāi I; bián-tit lín ê kiáⁿ-sun āu-ji̍t tùi goán ê kiáⁿ-sun kóng, Lín bô hūn tī Iâ-hô-hoa.

28所以阮講：別日in若對阮，á是阮ê後代，án-ni講：阮thang應講，Lín thang看耶和華ê壇ê款式，就是阮ê列祖前所起ê；m̄是為tio̍h燒祭kap別號ê祭，就是為tio̍h beh做lín阮中間ê證據。Só͘-í goán kóng, Pa̍t-ji̍t in nā tùi goán, á-sī goán ê āu-tāi, án-ni kóng, goán thang ìn kóng, Lín thang khòaⁿ Iâ-hô-hoa ê tôaⁿ ê khoán-sit, chiū-sī goán ê lia̍t-chó͘ chêng só͘ khí-ê; m̄-sī ūi-tio̍h sio-chè kap pa̍t-hō ê chè, chiū-sī ūi-tio̍h beh chòe lín goán tiong-kan ê chèng-kù.

29阮tī耶和華咱上帝會幕前以外，另外koh起一座壇，為tio̍h燒祭、素祭，kap別號ê祭，來悖逆耶和華，今á日oa̍t-tńg無tè耶和華，阮決斷無chit號意思。Goán tī Iâ-hô-hoa lán Siōng-tè hōe-bō͘-chêng í-gōa, lēng-gōa koh khí chi̍t chō tôaⁿ, ūi-tio̍h sio-chè, sò͘-chè, kap pa̍t-hō ê chè, lâi pōe-ge̍k Iâ-hô-hoa, kin-á-ji̍t oa̍t-tńg bô tè Iâ-hô-hoa, goán koat-toàn bô chit-hō ì-sù.

30祭司Hui-nî-hap kap會中hiah-ê首領，以及kap伊相kap來以色列中軍隊ê頭人，就是kap伊相kap來ê，聽見Liû-piān人、Ka-tek人、Má-ná-se人，所講ê話，就lóng掠做好。Chè-si Hui-nî-hap kap hōe-tiong hiah ê siú-léng, í-ki̍p kap i saⁿ-kap lâi Í-sek-lia̍t tiong kun-tūi ê thâu-lâng, chiū-sī kap i saⁿ-kap lâi-ê, thiaⁿ-kìⁿ Liû-piān lâng, Ka-tek lâng, Má-ná-se lâng, só͘ kóng ê ōe, chiū lóng lia̍h-chòe hó.

31祭司Í-lī-a-sat ê kiáⁿ Hui-nî-hap對Liû-piān人、Ka-tek人、Má-ná-se人講：今á日阮知耶和華tī咱ê中間，因為lín無犯tio̍h chit-ê罪來得罪耶和華；taⁿ lín有救以色列人脫離耶和華ê手。Chè-si Í-lī-a-sat ê kiáⁿ Hui-nî-hap tùi Liû-piān lâng, Ka-tek lâng, Má-ná-se lâng kóng, Kin-á-ji̍t goán chai Iâ-hô-hoa tī lán ê tiong-kan, in-ūi lín bô hoān-tio̍h chit ê chōe lâi tek-chōe Iâ-hô-hoa; taⁿ lín ū kiù Í-sek-lia̍t lâng thoat-lī Iâ-hô-hoa ê chhiú.

32祭司Í-lī-a-sat ê kiáⁿ Hui-nî-hap，kap hiah-ê首領，離別Liû-piān人、Ka-tek人，tùi Ki-lia̍t地 tò去迦南地，到以色列人hia，回覆in。Chè-si Í-lī-a-sat ê kiáⁿ Hui-nî-hap, kap hiah ê siú-léng, lī-pia̍t Liû-piān lâng, Ka-tek lâng, tùi Ki-lia̍t tōe tò-khì Ka-lâm tōe, kàu Í-sek-lia̍t lâng hia, hê-hok in.

33以色列人掠chit-ê事做好；tùi án-ni，以色列人o-ló上帝，無koh提起beh上去kap Liû-piān人、Ka-tek人交戰，來毀壞in所khiā起ê地。Í-sek-lia̍t lâng lia̍h chit ê sū chòe-hó; tùi án-ni Í-sek-lia̍t lâng o-ló Siōng-tè, bô koh thê-khí beh chiūⁿ-khì kap Liû-piān lâng Ka-tek lâng kau-chiàn, lâi húi-hoāi in só͘ khiā-khí ê tōe.

34Liû-piān人、Ka-tek人叫hit-ê壇名做證據；因為講：chit-ê壇tī咱中間證明耶和華是上帝。Liû-piān lâng Ka-tek lâng kiò hit ê tôaⁿ miâ chòe Chèng-kù; in-ūi kóng, Chit ê tôaⁿ tī lán tiong-kan chèng-bêng Iâ-hô-hoa sī Siōng-tè.