1約旦河西勢ê A-mô͘-lī人chiah-ê王，kap óa海ê迦南人chiah-ê王，聽見耶和華tī以色列人ê面前hō͘約旦ê水乾去，thèng候咱過去；in ê心因為以色列人ê緣故就失膽，神不附體。Iok-tàn hô sai-sì ê A-mô͘-lī lâng chiah ê ông, kap óa-hái ê Ka-lâm lâng chiah ê ông, thiaⁿ-kìⁿ Iâ-hô-hoa tī Í-sek-lia̍t lâng ê bīn-chêng hō͘ Iok-tàn ê chúi ta-khì, thèng-hāu lán kè-khì; in ê sim in-ūi Í-sek-lia̍t lâng ê iân-kò͘ chiū sit-táⁿ, sîn put-hū-thé.