33以色列眾人，kap in ê長老、官長，以及審判官，lóng khiā tī約櫃ê雙pêng，tī 扛耶和華約櫃ê祭司利未人ê面前，無論是本地人，是寄腳-ê；一半tī Ki-lī-sim山ê頭前，一半tī Í-pa-lō͘山ê頭前，kā以色列百姓祝福，照耶和華ê奴僕摩西前所命令ê。Í-sek-lia̍t chèng-lâng, kap in ê tiúⁿ-ló, koaⁿ-tiúⁿ, í-ki̍p sím-phòaⁿ-koaⁿ, lóng khiā tī iok-kūi ê siang-pêng, tī kng Iâ-hô-hoa iok-kūi ê chè-si Lī-bī lâng ê bīn-chêng, bô-lūn sī pún-tōe lâng, sī kià-kha-ê; chi̍t-pòaⁿ tī Ki-lī-sim soaⁿ ê thâu-chêng, chi̍t-pòaⁿ tī Í-pa-lō͘ soaⁿ ê thâu-chêng, kā Í-sek-lia̍t peh-sìⁿ chiok-hok, chiàu Iâ-hô-hoa ê lô͘-po̍k Mô͘-se chêng só͘ bēng-lēng ê.