4耶和華對基甸講：人iáu-kú siuⁿ-chōe；你tio̍h chhōa in落去到水邊，我beh tī-hia kā你試in；見若我kí甚麼人對你講，Chit人thang kap你去，hit人就thang kap你去；我kí甚麼人kā你講，Chit人m̄-thang kap你去，hit人就m̄-thang去。Iâ-hô-hoa tùi Ki-tiân kóng, Lâng iáu-kú siuⁿ-chōe; lí tio̍h chhōa in lo̍h-khì kàu chúi-piⁿ, Góa beh tī-hia kā lí chhì in; kìⁿ-nā Góa kí sím-mi̍h lâng tùi lí kóng, Chit-lâng thang kap lí khì, hit-lâng chiū thang kap lí khì; Góa kí sím-mi̍h lâng kā lí kóng, Chit-lâng m̄-thang kap lí khì, hit-lâng chiū m̄-thang khì.