2有chōe-chōe國beh去，講，來ah，咱上耶和華ê山，到雅各ê上帝ê殿；祂beh用祂ê道路教示咱，咱也beh行祂ê路；因為律法beh tùi錫安出，耶和華ê話beh tùi耶路撒冷傳報。Ū chōe-chōe kok beh khì, kóng, Lâi ah, lán chiūⁿ Iâ-hô-hoa ê soaⁿ, kàu Ngá-kok ê Siōng-tè ê tiān; I beh ēng I ê tō-lō͘ kà-sī lán, lán iā beh kiâⁿ I ê lō͘; in-ūi lu̍t-hoat beh tùi Sek-an chhut, Iâ-hô-hoa ê ōe beh tùi Iâ-lō͘-sat-léng thoân-pò.