1蓋印ê，是Hap-ka-lī-a ê kiáⁿ總督尼希米，kap Se-tí-ka；Khàm-ìn--ê, sī Hap-ka-lī-a ê kiáⁿ chóng-tok Nî-hi-bí, kap Se-tí-ka;

2Se-lâi-ngá、 A-sat-lī-ngá、耶利米；Se-lâi-ngá, A-sat-lī-ngá, Iâ-lī-bí;

3Pa-si-hō͘-jíⁿ、A-má-lī-ngá、Má-ki-ngá；Pa-si-hō͘-jíⁿ, A-má-lī-ngá, Má-ki-ngá;

4Hap-tu̍t、Sī-pa-nî、Má-lo̍k；Hap-tu̍t, Sī-pa-nî, Má-lo̍k;

5Hap-lîm、Bí-lī-boa̍t、Gô-pa-tí-a；Hap-lîm, Bí-lī-boa̍t, Gô-pa-tí-a;

6但以理、Kūn-tùn、Pa-lio̍k；Tān-í-lí, Kūn-tùn, Pa-lio̍k;

7Bí-su-lân、A-pí-ngá、Bí-ngá-bîn；Bí-su-lân, A-pí-ngá, Bí-ngá-bîn;

8Má-se-a、Phek-kai、Sī-má-ngá；頂面chiah-ê是祭司。Má-se-a, Phek-kai, Sī-má-ngá; téng-bīn chiah-ê sī chè-si.

9Koh有利未人；就是A-sàn-nî ê kiáⁿ Iâ-su-a，Hi-ná-ta̍t ê kiáⁿ Pin-lōe、Kah-bia̍t；Koh ū Lī-bī lâng; chiū-sī A-sàn-nî ê kiáⁿ Iâ-su-a, Hi-ná-ta̍t ê kiáⁿ Pin-lōe, Kah-bia̍t;

10iáu有in ê兄弟Sī-pa-nî、Hô-tē-ngá、Ki-lī-tha、Pí-lâi-ngá、哈蘭；iáu-ū in ê hiaⁿ-tī Sī-pa-nî, Hô-tē-ngá, Ki-lī-tha, Pí-lâi-ngá, Hap-lân;

11Bí-ka、Lī-ha̍p、Hap-sa-pí-ngá；Bí-ka, Lī-ha̍p, Hap-sa-pí-ngá;

12Sat-khek、Sī-lī-pí、Sī-pa-nî；Sat-khek, Sī-lī-pí, Sī-pa-nî;

13Hô-tē-ngá、Pa-nî、Pí-nî-lô͘。Hô-tē-ngá, Pa-nî, Pí-nî-lô͘.

14Koh有百姓ê頭人；就是Pa-lio̍k、Pa-hap-mô͘-ap、Í-lân、Sat-thó͘、Pa-nî；Koh ū peh-sìⁿ ê thâu-lâng; chiū-sī Pa-lio̍k, Pa-hap-mô͘-ap, Í-lân, Sat-thó͘, Pa-nî;

15Pò͘-nî、Ap-kap、Pí-pài；Pò͘-nî, Ap-kap, Pí-pài;

16A-to-nî-ngá、Pí-kek-óa-i、A-teng；A-to-nî-ngá, Pí-kek-óa-i, A-teng;

17A-te̍k、Hi-se-ka、Ap-sok；A-te̍k, Hi-se-ka, Ap-sok;

18Hô-tē-ngá、Hap-sūn、Pí-sài；Hô-tē-ngá, Hap-sūn, Pí-sài;

19Hap-la̍h、A-ná-tu̍t、Nî-pài；Hap-la̍h, A-ná-tu̍t, Nî-pài;

20Boat-pí-ap、Bí-su-lân、Hi-sek；Boat-pí-ap, Bí-su-lân, Hi-sek;

21Bí-sī-sat-pia̍t、Sat-tok、Ap-tō͘-a；Bí-sī-sat-pia̍t, Sat-tok, Ap-tō͘-a;

22Pí-la̍h-thê、哈蘭、A-nāi-ngá；Pí-la̍h-thê, Hap-lân, A-nāi-ngá;

23Hô-sè-a、Hap-ná-nî-ngá、Hap-su̍t；Hô-sè-a, Hap-ná-nî-ngá, Hap-su̍t;

24Hap-lô-hek、Pí-lī-hap、Sok-pek；Hap-lô-hek, Pí-lī-hap, Sok-pek;

25Lī-hông、Hap-sa-ná、Má-se-ngá；Lī-hông, Hap-sa-ná, Má-se-ngá;

26A-hi-ngá、哈蘭、A-lân；A-hi-ngá, Hap-lân, A-lân;

27Má-lo̍k、Hap-lîm、Pa-ná。Má-lo̍k, Hap-lîm, Pa-ná.

28其餘ê百姓，祭司，利未人，顧門ê，唱歌ê，Nî-thê-lêng，以及一切kap列邦ê百姓隔開來歸服上帝ê律法ê，kap in ê bó͘，in ê kiáⁿ，in ê cha-bó͘-kiáⁿ，見能曉得能明白ê；Kî-û ê peh-sìⁿ, chè-si, Lī-bī lâng, kò͘-mn̂g--ê, chhiùⁿ-koa--ê, Nî-thê-lêng, í-ki̍p it-chhè kap lia̍t-pang ê peh-sìⁿ keh-khui lâi kui-ho̍k Siōng-tè ê lu̍t-hoat ê, kap in ê bó͘, in ê kiáⁿ, in ê cha-bó͘-kiáⁿ, kìⁿ ōe hiáu-tit ōe bêng-pe̍k--ê;

29lóng結聯in ê兄弟in ê貴族，咒詛chiù-chōa beh遵thàn上帝ê律法，就是上帝ê奴僕摩西所傳受ê，執守遵thàn耶和華咱ê主一切誡命法度，律例；lóng kiat-liân in ê hiaⁿ-tī in ê kùi-cho̍k, chiù-chó͘ chiù-chōa beh chun-thàn Siōng-tè ê lu̍t-hoat, chiū-sī Siōng-tè ê lô͘-po̍k Mô͘-se só͘ thoân-siū--ê, chip-siú chun-thàn Iâ-hô-hoa lán ê Chú it-chhè kài-bēng hoat-tō͘, lu̍t-lē;

30也無beh將阮ê cha-bó͘-kiáⁿ配hō͘ chit所在ê百姓，也無beh為阮ê kiáⁿ娶in ê cha-bó͘-kiáⁿ；iā bô beh chiong goán ê cha-bó͘-kiáⁿ phòe hō͘ chit só͘-chāi ê peh-sìⁿ, iā bô beh ūi goán ê kiáⁿ chhōa in ê cha-bó͘-kiáⁿ;

31Chit所在ê百姓，若tī安歇日帶貨物á是五穀來賣，阮tī安歇日á是聖日，阮無beh kā in買；到第七年無beh種作；見若欠阮ê無beh kā伊討。chit só͘-chāi ê peh-sìⁿ, nā tī an-hioh-ji̍t tòa hè-mi̍h á-sī ngó͘-kok lâi bōe, goán tī an-hioh-ji̍t á-sī sèng-ji̍t, goán bô beh kā in bóe; kàu tē-chhit nî bô beh chèng-choh; kìⁿ-nā khiàm-goán--ê bô beh kā i thó.

32阮koh為家己定tio̍h例，ta̍k年ta̍k人tio̍h納sià-khek-le̍k ê三份一，做阮ê上帝殿ê路用；Goán koh ūi ka-kī tiāⁿ-tio̍h lē, ta̍k-nî ta̍k-lâng tio̍h la̍p sià-khek-le̍k ê saⁿ-hūn-chi̍t, chòe goán ê Siōng-tè tiān ê lō͘-ēng;

33就是為tio̍h排列ê餅，kap常常獻ê素祭，kap常常獻ê燒祭，kap安歇日，月ê初一，kap節期所獻ê，kap聖ê物，以及贖罪ê祭，就是為以色列人贖罪ê，以及阮上帝殿內一切ê路用。chiū-sī ūi-tio̍h pâi-lia̍t ê piáⁿ, kap siông-siông hiàn ê sò͘-chè, kap siông-siông hiàn ê sio-chè, kap an-hioh-ji̍t, ge̍h ê chhoe-it, kap choeh-kî só͘ hiàn ê, kap sèng ê mi̍h, í-ki̍p sio̍k-chōe ê chè, chiū-sī ūi Í-sek-lia̍t lâng sio̍k-chōe--ê, í-ki̍p goán Siōng-tè tiān-lāi it-chhè ê lō͘-ēng.

34阮chiah-ê祭司，利未人，kap百姓liam-khau，照阮ê宗族，tī ta̍k年定tio̍h ê時，帶獻祭ê柴到阮上帝ê殿，燒tī耶和華阮上帝ê壇，照律法所記載ê；Goán chiah ê chè-si, Lī-bī lâng, kap peh-sìⁿ liam-khau, chiàu goán ê chong-cho̍k, tī ta̍k-nî tiāⁿ-tio̍h ê sî, tòa hiàn-chè ê chhâ kàu goán Siōng-tè ê tiān, sio tī Iâ-hô-hoa goán Siōng-tè ê tôaⁿ, chiàu lu̍t-hoat só͘ kì-chài-ê;

35koh ta̍k年將阮地上起頭熟ê土產，kap ta̍k號樹起頭熟ê果子，帶到耶和華ê殿；koh ta̍k-nî chiong goán tōe-chiūⁿ khí-thâu se̍k ê thó͘-sán, kap ta̍k-hō chhiū khí-thâu se̍k ê ké-chí, tòa kàu Iâ-hô-hoa ê tiān;

36koh照律法所記載，將阮ê kiáⁿ kap cheng-siⁿ起頭生ê，以及牛群羊群起頭生ê，帶到阮上帝ê殿，到阮上帝ê殿內teh服事ê祭司；koh chiàu lu̍t-hoat só͘ kì-chài, chiong goán ê kiáⁿ kap cheng-siⁿ khí-thâu siⁿ--ê, í-ki̍p gû-kûn iûⁿ-kûn khí-thâu siⁿ--ê, tòa kàu goán Siōng-tè ê tiān, kàu goán Siōng-tè ê tiān-lāi teh ho̍k-sāi ê chè-si;

37也將阮起頭出ê麥粉，以及阮ê舉祭ê禮物，kap ta̍k樣樹ê果子、新酒，kap油，帶hō͘祭司，收入tī阮上帝ê殿ê庫房；將阮地上所收成ê，十份一hō͘利未人，因為利未人tī阮一切出土產ê城，得tio̍h十份一。iā chiong goán khí-thâu chhut ê be̍h-hún, í-ki̍p goán ê kú-chè ê lé-mi̍h, kap ta̍k-iūⁿ chhiū ê ké-chí, sin-chiú, kap iû, tòa hō͘ chè-si, siu-ji̍p tī goán Siōng-tè ê tiān ê khò͘-pâng; chiong goán tōe-chiūⁿ só͘ siu-sêng ê, cha̍p-hūn-chi̍t hō͘ Lī-bī lâng, in-ūi Lī-bī lâng tī goán it-chhè chhut thó͘-sán ê siâⁿ, tit-tio̍h cha̍p-hūn-chi̍t.

38利未人取十份一ê時，亞倫ê kiáⁿ孫中ê祭司tio̍h有一個kap利未人tī-teh；利未人也tio̍h將十份一ê十份一帶到阮上帝ê殿，到房間，收入府庫。Lī-bī lâng chhú cha̍p-hūn-chi̍t ê sî, A-lûn ê kiáⁿ-sun tiong ê chè-si tio̍h ū chi̍t-ê kap Lī-bī lâng tī-teh; Lī-bī lâng iā tio̍h chiong cha̍p-hūn-chi̍t ê cha̍p-hūn-chi̍t tòa kàu goán Siōng-tè ê tiān, kàu pâng-keng, siu-ji̍p hú-khò͘.

39因為以色列人kap利未人，tio̍h用in舉祭ê五穀、新酒，kap油，帶到收勸聖所ê器具ê房間，就是擔當職ê祭司，顧門ê，唱歌ê，所tiàm ê房間；án-ni阮就無beh放sak阮上帝ê殿。In-ūi Í-sek-lia̍t lâng kap Lī-bī lâng, tio̍h ēng in kú-chè ê ngó͘-kok, sin-chiú, kap iû, tòa kàu siu-khǹg sèng-só͘ ê khì-kū ê pâng-keng, chiū-sī tam-tng chit ê chè-si, kò͘-mn̂g--ê, chhiùⁿ-koa--ê, só͘ tiàm ê pâng-keng; án-ni goán chiū bô beh pàng-sak goán Siōng-tè ê tiān.

1百姓hiah-ê首領tiàm tī耶路撒冷；其餘ê百姓liam-khau，每十人中hō͘一人來tiàm tī聖城耶路撒冷，hit九個tiàm tī別ê城。Peh-sìⁿ hiah ê siú-léng tiàm tī Iâ-lō͘-sat-léng; kî-û ê peh-sìⁿ liam-khau, múi cha̍p-lâng-tiong hō͘ chi̍t-lâng lâi tiàm tī sèng-siâⁿ Iâ-lō͘-sat-léng, hí(**hit) káu-ê tiàm tī pa̍t ê siâⁿ.

2見若家己甘願來tiàm tī耶路撒冷ê，百姓lóng kā in祝福。Kìⁿ-nā ka-kī kam-goān lâi tiàm tī Iâ-lō͘-sat-léng--ê, peh-sìⁿ lóng kā in chiok-hok.

3以色列人，祭司，利未人，Nî-thê-lêng，kap所羅門奴僕ê後裔，lóng tiàm tī猶大hiah-ê城，ta̍k-ê tiàm tī in ê業，in ê城；本省ê頭人，tiàm tī耶路撒冷ê，記tī下面。Í-sek-lia̍t lâng, chè-si, Lī-bī lâng, Nî-thê-lêng, kap Só͘-lô-bûn lô͘-po̍k ê hō͘-è, lóng tiàm tī Iû-tāi hiah ê siâⁿ, ta̍k-ê tiàm tī in ê gia̍p, in ê siâⁿ; pún-séng ê thâu-lâng, tiàm tī Iâ-lō͘-sat-léng ê, kì tī ē-bīn.

4猶大ê kiáⁿ孫，kap便雅憫ê kiáⁿ孫，有ê tiàm tī耶路撒冷。屬猶大ê kiáⁿ孫；Hoat-le̍k-su ê後裔，O͘-se-ngá ê kiáⁿ A-tha-ngá，O͘-se-ngá是Sat-ka-lī-ngá ê kiáⁿ，Sat-ka-lī-ngá是A-má-lī-ngá ê kiáⁿ，A-má-lī-ngá是Sī-hoat-thê-ngá ê kiáⁿ，Sī-hoat-thê-ngá是Má-le̍k-lia̍t ê kiáⁿ；Iû-tāi ê kiáⁿ-sun, kap Piān-ngá-bín ê kiáⁿ-sun, ū-ê tiàm tī Iâ-lō͘-sat-léng. Sio̍k Iû-tāi ê kiáⁿ-sun; Hoat-le̍k-su ê hō͘-è, O͘-se-ngá ê kiáⁿ A-tha-ngá, O͘-se-ngá sī Sat-ka-lī-ngá ê kiáⁿ, Sat-ka-lī-ngá sī A-má-lī-ngá ê kiáⁿ, A-má-lī-ngá sī Sī-hoat-thê-ngá ê kiáⁿ, Sī-hoat-thê-ngá sī Má-le̍k-lia̍t ê kiáⁿ;

5koh有Pa-lio̍k ê kiáⁿ Má-se-ngá，Pa-lio̍k是Kok-hô-se ê kiáⁿ，Kok-hô-se是Hap-sài-ngá ê kiáⁿ，Hap-sài-ngá是A-tāi-ngá ê kiáⁿ，A-tāi-ngá是Iok-ngá-li̍p ê kiáⁿ，Iok-ngá-li̍p是Sat-ka-lī-ngá ê kiáⁿ，Sat-ka-lī-ngá是Sī-lô人/nî ê kiáⁿ。koh ū Pa-lio̍k ê kiáⁿ Má-se-ngá, Pa-lio̍k sī Kok-hô-se ê kiáⁿ, Kok-hô-se sī Hap-sài-ngá ê kiáⁿ, Hap-sài-ngá sī A-tāi-ngá ê kiáⁿ, A-tāi-ngá sī Iok-ngá-li̍p ê kiáⁿ, Iok-ngá-li̍p sī Sat-ka-lī-ngá ê kiáⁿ, Sat-ka-lī-ngá sī Sī-lô-lâng/nî ê kiáⁿ.

6Hoat-le̍k-su ê kiáⁿ孫tiàm tī耶路撒冷ê，共有四百六十八個勇士。Hoat-le̍k-su ê kiáⁿ-sun tiàm tī Iâ-lō͘-sat-léng ê, kiōng ū sì-pah la̍k-cha̍p-poeh ê ióng-sū.

7屬便雅憫kiáⁿ孫ê；有Bí-su-lân ê kiáⁿ Sat-lō͘，Bí-su-lân是Iok-ia̍p ê kiáⁿ，Iok-ia̍p是Pí-tāi-ngá ê kiáⁿ，Pí-tāi-ngá是Ko-nāi-ngá ê kiáⁿ，Ko-nāi-ngá是Má-se-ngá ê kiáⁿ，Má-se-ngá是Í-thiat ê kiáⁿ，Í-thiat是Iâ-sai-a ê kiáⁿ。Sio̍k Piān-ngá-bín kiáⁿ-sun ê; ū Bí-su-lân ê kiáⁿ Sat-lō͘, Bí-su-lân sī Iok-ia̍p ê kiáⁿ, Iok-ia̍p sī Pí-tāi-ngá ê kiáⁿ, Pí-tāi-ngá sī Ko-nāi-ngá ê kiáⁿ, Ko-nāi-ngá sī Má-se-ngá ê kiáⁿ, Má-se-ngá sī Í-thiat ê kiáⁿ, Í-thiat sī Iâ-sai-a ê kiáⁿ.

8伊ê tè後有Ka-pài，Sat-lâi，共九百二十八人。I ê tè-āu ū Ka-pài, Sat-lâi, kiōng káu-pah jī-cha̍p-poeh lâng.

9Sè-ki-lī ê kiáⁿ約珥是in ê官長；Hap-se-lô͘-a ê kiáⁿ猶大做hit-ê城ê副官。Sè-ki-lī ê kiáⁿ Iok-jíⁿ sī in ê koaⁿ-tiúⁿ; Hap-se-lô͘-a ê kiáⁿ Iû-tāi chòe hit ê siâⁿ ê hù-koaⁿ.

10屬祭司ê有Iok-ngá-li̍p ê kiáⁿ Iâ-tāi-ngá、Ngá-kun；Sio̍k chè-si--ê ū Iok-ngá-li̍p ê kiáⁿ Iâ-tāi-ngá, Ngá-kun;

11iáu有管理上帝ê殿ê Se-lâi-ngá，Se-lâi-ngá是Hi-le̍k-ka ê kiáⁿ，Hi-le̍k-ka是Bí-su-lân ê kiáⁿ，Bí-su-lân是Sat-tok ê kiáⁿ，Sat-tok是Bí-la̍h-約ê kiáⁿ，Bí-la̍h-iok是A-hi-tu̍t ê kiáⁿ；iáu ū koán-lí Siōng-tè ê tiān ê Se-lâi-ngá, Se-lâi-ngá sī Hi-le̍k-ka ê kiáⁿ, Hi-le̍k-ka sī Bí-su-lân ê kiáⁿ, Bí-su-lân sī Sat-tok ê kiáⁿ, Sat-tok sī Bí-la̍h-iok ê kiáⁿ, Bí-la̍h-iok sī A-hi-tu̍t ê kiáⁿ;

12iáu有in ê兄弟tī殿內擔當職ê，共八百二十二人；koh有Iâ-lô-hán ê kiáⁿ A-tāi-ngá，Iâ-lô-hán是Pí-la̍h-lī ê kiáⁿ，Pí-la̍h-lī是Àm-sé ê kiáⁿ，Àm-sé是撒迦利亞ê kiáⁿ，撒迦利亞是Pa-si-hō͘-jíⁿ ê kiáⁿ，Pa-si-hō͘-jíⁿ是Má-ki-ngá ê kiáⁿ；iáu ū in ê hiaⁿ-tī tī tiān-lāi tam-tng chit ê, kiōng poeh-pah jī-cha̍p-jī lâng; koh ū Iâ-lô-hán ê kiáⁿ A-tāi-ngá, Iâ-lô-hán sī Pí-la̍h-lī ê kiáⁿ, Pí-la̍h-lī sī Àm-sé ê kiáⁿ, Àm-sé sī Sat-ka-lī-a ê kiáⁿ, Sat-ka-lī-a sī Pa-si-hō͘-jíⁿ ê kiáⁿ, Pa-si-hō͘-jíⁿ sī Má-ki-ngá ê kiáⁿ;

13iáu有伊ê兄弟做族長ê，兩百四十二人；koh有A-sat-lia̍t ê kiáⁿ A-má-sòe ，A-sat-lia̍t是A-hap-sài ê kiáⁿ，A-hap-sài是Bí-si̍t-lī-boa̍t ê kiáⁿ，Bí-si̍t-lī-boa̍t是Im-be̍k ê kiáⁿ；iáu ū i ê hiaⁿ-tī chòe cho̍k-tiúⁿ--ê, nn̄g-pah sì-cha̍p-jī lâng; koh ū A-sat-lia̍t ê kiáⁿ A-má-sòe , A-sat-lia̍t sī A-hap-sài ê kiáⁿ, A-hap-sài sī Bí-si̍t-lī-boa̍t ê kiáⁿ, Bí-si̍t-lī-boa̍t sī Im-be̍k ê kiáⁿ;

14iáu有in ê兄弟大權能ê勇士，共一百二十八人；Hap-ki-to-lîm ê kiáⁿ Sat-pa-tē-gia̍p是in ê官長。iáu ū in ê hiaⁿ-tī tōa koân-lêng ê ióng-sū, kiōng chi̍t-pah jī-cha̍p-poeh lâng; Hap-ki-to-lîm ê kiáⁿ Sat-pa-tē-gia̍p sī in ê koaⁿ-tiúⁿ.

15利未人中，有Hap-su̍t ê kiáⁿ Sī-má-ngá，Hap-su̍t是Ap-lī-kam ê kiáⁿ，Ap-lī-kam是Hap-sa-pí-ngá ê kiáⁿ，Hap-sa-pí-ngá是Pò͘-nî ê kiáⁿ；Lī-bī lâng tiong, ū Hap-su̍t ê kiáⁿ Sī-má-ngá, Hap-su̍t sī Ap-lī-kam ê kiáⁿ, Ap-lī-kam sī Hap-sa-pí-ngá ê kiáⁿ, Hap-sa-pí-ngá sī Pò͘-nî ê kiáⁿ;

16koh有利未人ê頭人，Sa-pí-thài kap Iok-sat-poa̍t，管理上帝殿ê外事。koh ū Lī-bī lâng ê thâu-lâng, Sa-pí-thài kap Iok-sat-poa̍t, koán-lí Siōng-tè tiān ê gōa-sū.

17Tī祈禱感謝chhōa頭是Bí-ka ê kiáⁿ Má-tha-nî，Bí-ka是Sat-tí ê kiáⁿ，Sat-tí是A-sat ê kiáⁿ；koh有Má-tha-nî兄弟；koh有Pat-pò͘-ka tī伊ê兄弟中做第二個；iáu有Sa-bó͘-a ê kiáⁿ Ap-tāi，Sa-bó͘-a是Ka-la̍h ê kiáⁿ，Ka-la̍h是Iâ-tō͘-tùn ê kiáⁿ。Tī kî-tó kám-siā chhōa-thâu sī Bí-ka ê kiáⁿ Má-tha-nî, Bí-ka sī Sat-tí ê kiáⁿ, Sat-tí sī A-sat ê kiáⁿ; koh ū Má-tha-nî hiaⁿ-tī; koh ū Pat-pò͘-ka tī i ê hiaⁿ-tī-tiong chòe tē-jī--ê; iáu ū Sa-bó͘-a ê kiáⁿ Ap-tāi, Sa-bó͘-a sī Ka-la̍h ê kiáⁿ, Ka-la̍h sī Iâ-tō͘-tùn ê kiáⁿ.

18Tī聖城中ê利未人，共兩百八十-四人。Tī sèng-siâⁿ tiong ê Lī-bī lâng, kiōng nn̄g-pah poeh-cha̍p-sì lâng.

19顧門ê A-kok，kap Ta̍t-bûn，kap in ê兄弟teh守門ê，共一百七十二人。Kò͘-mn̂g--ê A-kok, kap Ta̍t-bûn, kap in ê hiaⁿ-tī teh siú-mn̂g--ê, kiōng chi̍t-pah chhit-cha̍p-jī lâng.

20其餘ê以色列人，祭司，利未人，tiàm tī猶大ta̍k-ê城，ta̍k人tī in ê業ê地。Kî-û ê Í-sek-lia̍t lâng, chè-si, Lī-bī lâng, tiàm tī Iû-tāi ta̍k ê siâⁿ, ta̍k-lâng tī in ê gia̍p ê tōe.

21總是Nî-thê-lêng tiàm tī Gô-húi-le̍k；Se-hap kap Ki-su-phàⁿ做Nî-thê-lêng ê頭。Chóng-sī Nî-thê-lêng tiàm tī Gô-húi-le̍k; Se-hap kap Ki-su-phàⁿ chòe Nî-thê-lêng ê thâu.

22Bí-ka ê元孫，Má-tāi-nî ê曾孫，Hap-sa-pì ê孫，Pa-nî ê kiáⁿ O͘-se，tī耶路撒冷管利未人，伊是唱歌ê A-sat ê kiáⁿ孫，管理上帝殿ê事務。Bí-ka ê goân-sun, Má-tāi-nî ê cheng-sun, Hap-sa-pì ê sun, Pa-nî ê kiáⁿ O͘-se, tī Iâ-lō͘-sat-léng koán Lī-bī lâng, i sī chhiùⁿ-koa--ê A-sat ê kiáⁿ-sun, koán-lí Siōng-tè tiān ê sū-bū.

23因為王為tio̍h in來出命令，ta̍k日有定tio̍h ê份額供給hiah-ê唱歌ê人。In-ūi ông ūi-tio̍h in lâi chhut bēng-lēng, ta̍k-ji̍t ū tiāⁿ-tio̍h ê hūn-gia̍h kiong-kip hiah ê chhiùⁿ-koa ê lâng.

24猶大ê kiáⁿ，謝拉 ê kiáⁿ孫，Bí-sī-sat-pia̍t ê kiáⁿ Pí-tha-hi-ngá，tī王ê部下辨理猶大百姓一切ê事。Iû-tāi ê kiáⁿ, Siā-la̍h ê kiáⁿ-sun, Bí-sī-sat-pia̍t ê kiáⁿ Pí-tha-hi-ngá, tī ông ê pō͘-hā pān-lí Iû-tāi peh-sìⁿ it-chhè ê sū.

25論到hiah-ê鄉社kap in ê田地，有猶大人tiàm tī Ki-lia̍t-a-pa kap伊ê鄉社，Tí-pún kap伊ê鄉社，Í-pa-kah-siat kap伊ê鄉社；Lūn-kàu hiah ê hiuⁿ-siā kap in ê chhân-tōe, ū Iû-tāi lâng tiàm tī Ki-lia̍t-a-pa kap i ê hiuⁿ-siā, Tí-pún kap i ê hiuⁿ-siā, Í-pa-kah-siat kap i ê hiuⁿ-siā;

26koh tī Iâ-su-a、Mô͘-la̍h-tāi、Pek-phàⁿ-lia̍t；koh tī Iâ-su-a, Mô͘-la̍h-tāi, Pek-phàⁿ-lia̍t;

27Hap-sat-su-a、別是巴kap伊ê鄉社；Hap-sat-su-a, Pia̍t-sī-pa kap i ê hiuⁿ-siā;

28koh tī Sé-kek-la̍h、Bí-ko-ná kap伊ê鄉社；koh tī Sé-kek-la̍h, Bí-ko-ná kap i ê hiuⁿ-siā;

29koh tī Im-lîm-bûn、Só-la̍h、Iâ-boa̍t，koh tī Im-lîm-bûn, Só-la̍h, Iâ-boa̍t,

30Sat-lô-a、A-tō͘-lân kap in ê鄉社，拉結kap伊ê田地，A-se-ka kap伊ê鄉社。In所tiàm ê地方，是tùi Pia̍t-si-pa到Him-lùn ê山谷。Sat-lô-a, A-tō͘-lân kap in ê hiuⁿ-siā, La̍h-kiat kap i ê chhân-tōe, A-se-ka kap i ê hiuⁿ-siā. In só͘ tiàm ê tōe-hng, sī tùi Pia̍t-si-pa kàu Him-lùn ê soaⁿ-kok.

31便雅憫人tùi Ka-pa 起，tiàm tī Bi̍t-boat、A-ngá、Pek-te̍k-lī，kap伊ê鄉社；Piān-ngá-bín lâng tùi Ka-pa khí, tiàm tī Bi̍t-boat, A-ngá, Pek-te̍k-lī, kap i ê hiuⁿ-siā;

32A-ná-tu̍t、Lô-pek、A-lân-ngá；A-ná-tu̍t, Lô-pek, A-lân-ngá;

33Hā-só、La̍h-má、Ki-tha-im；Hā-só, La̍h-má, Ki-tha-im;

34Hap-tia̍p、Sé-phian、Nî-pat-la̍h；Hap-tia̍p, Sé-phian, Nî-pat-la̍h;

35羅得、O-lô，工匠ê山谷。Lô-tek, O-lô, kang-chhiūⁿ ê soaⁿ-kok.

36利未人ê中間，有kúi-nā班tiàm tī猶大ê ，taⁿ歸tī便雅憫。Lī-bī-lâng ê tiong-kan, ū kúi-nā pan tiàm tī Iû-tāi ê , taⁿ kui tī Piān-ngá-bín.

1Kap Sat-la̍h-thiat ê kiáⁿ Só͘-lô-pa-pek、kap Iâ-su-a，同上來ê祭司kap利未人記tī下底；Se-lâi-ngá、耶利米、Í-su-la̍h；Kap Sat-la̍h-thiat ê kiáⁿ Só͘-lô-pa-pek, kap Iâ-su-a, tâng chiūⁿ-lâi ê chè-si kap Lī-bī lâng kì tī ē-tóe; Se-lâi-ngá, Iâ-lī-bí, Í-su-la̍h;

2A-má-lī-ngá、Má-lo̍k、Hap-tu̍t；A-má-lī-ngá, Má-lo̍k, Hap-tu̍t;

3Sī-ka-nî、Lī-hông、Bí-lī-boa̍t；Sī-ka-nî, Lī-hông, Bí-lī-boa̍t;

4E̍k-to、Kūn-tùn、A-pí-ngá；E̍k-to, Kūn-tùn, A-pí-ngá;

5Bí-ngá-bîn、Má-tí-ngá、Phek-ka；Bí-ngá-bîn, Má-tí-ngá, Phek-ka;

6Sī-má-ngá、Iok-ngá-li̍p、Iâ-tāi-ngá；Sī-má-ngá, Iok-ngá-li̍p, Iâ-tāi-ngá;

7Sat-lō͘、A-bo̍k、Hi-le̍k-ka、Iâ-tāi-ngá。Chiah-ê人tī Iâ-su-a ê時做祭司kap in兄弟ê頭。Sat-lō͘, A-bo̍k, Hi-le̍k-ka, Iâ-tāi-ngá. Chiah ê lâng tī Iâ-su-a ê sî chòe chè-si kap in hiaⁿ-tī ê thâu.

8利未人Iâ-su-a、Pin-lōe、Kah-bia̍t、Sī-lī-pí、猶大、Má-tha-nî；chit-ê Má-tha-nî kap伊ê兄弟管理o-ló感謝ê事。Lī-bī lâng Iâ-su-a, Pin-lōe, Kah-bia̍t, Sī-lī-pí, Iû-tāi, Má-tha-nî; chit ê Má-tha-nî kap i ê hiaⁿ-tī koán-lí o-ló kám-siā ê sū.

9In ê兄弟Pat-pò͘-ka kap O͘-nî，照in ê班列，kap in相對。In ê hiaⁿ-tī Pat-pò͘-ka kap O͘-nî, chiàu in ê pan-lia̍t, kap in saⁿ-tùi.

10Iâ-su-a生Iok-ngá-kim，Iok-ngá-kim生Í-lī-a-si̍t，Í-lī-a-si̍t生Iâ-hô-iâ-tāi，Iâ-su-a siⁿ Iok-ngá-kim, Iok-ngá-kim siⁿ Í-lī-a-si̍t, Í-lī-a-si̍t siⁿ Iâ-hô-iâ-tāi,

11Iâ-hô-iâ-tāi生約拿單，約拿單siⁿ Ap-tō͘-a。Iâ-hô-iâ-tāi siⁿ Iok-ná-tan, Iok-ná-tan siⁿ Ap-tō͘-a.

12Tī Iok-ngá-kim ê時，祭司做族長ê，Se-lâi-ngá族有Bí-la̍h-ngá；耶利米族，有Hap-ná-nî-ngá；Tī Iok-ngá-kim ê sî, chè-si chòe cho̍k-tiúⁿ ê, Se-lâi-ngá cho̍k ū Bí-la̍h-ngá; Iâ-lī-bí cho̍k, ū Hap-ná-nî-ngá;

13Í-su-la̍h族有Bí-su-lân；A-má-lī-ngá族，有Iok-hap-lân；Í-su-la̍h cho̍k ū Bí-su-lân; A-má-lī-ngá cho̍k, ū Iok-hap-lân;

14Bí-lī-kó͘族，有約拿單；Sī-pa-nî族，有約瑟；Bí-lī-kó͘ cho̍k, ū Iok-ná-tan; Sī-pa-nî cho̍k, ū Iok-sek;

15Hap-lîm族，有Ap-ná；Bí-la̍h-約族，有Hi-le̍k-khái；Hap-lîm cho̍k, ū Ap-ná; Bí-la̍h-iok cho̍k, ū Hi-le̍k-khái;

16E̍k-to族，有撒迦利亞；Kūn-tùn族，有Bí-su-lân；E̍k-to cho̍k, ū Sat-ka-lī-a; Kūn-tùn cho̍k, ū Bí-su-lân;

17A-pí-ngá族，有Sè-ki-lī；Bí-ná-bîn族，Mô͘-a-tí族，有Pí-le̍k-thài；A-pí-ngá cho̍k, ū Sè-ki-lī; Bí-ná-bîn cho̍k, Mô͘-a-tí cho̍k, ū Pí-le̍k-thài;

18Phek-ka族，有Sa-bó͘-a；Sī-má-ngá族，有約拿單；Phek-ka-cho̍k, ū Sa-bó͘-a; Sī-má-ngá cho̍k, ū Iok-ná-tan;

19Iok-ngá-li̍p族，有Má-te̍k-nái；Iâ-tāi-ngá族，有O͘-se；Iok-ngá-li̍p cho̍k, ū Má-te̍k-nái; Iâ-tāi-ngá cho̍k, ū O͘-se;

20Sat-lâi族，有Ka-lâi；A-bo̍k族，有Hi-pek；Sat-lâi cho̍k, ū Ka-lâi; A-bo̍k cho̍k, ū Hi-pek;

21Hi-le̍k-ka族，有Hap-sa-pí-ngá；Iâ-tāi-ngá族，有Ná-thán-gia̍p。Hi-le̍k-ka cho̍k, ū Hap-sa-pí-ngá; Iâ-tāi-ngá cho̍k, ū Ná-thán-gia̍p.

22論到利未人，當Í-lī-a-si̍t、Iâ-hô-iâ-tāi、Iok-hap-lân、Ap-tō͘-a ê時，in ê族長lóng有記名，祭司也是án-ni，直到波斯王Tāi-lī-o͘ ê時。Lūn-kàu Lī-bī lâng, tng Í-lī-a-si̍t, Iâ-hô-iâ-tāi, Iok-hap-lân, Ap-tō͘-a ê sî, in ê cho̍k-tiúⁿ lóng ū kì-miâ, chè-si iā sī án-ni, ti̍t-kàu Pho-su ông Tāi-lī-o͘ ê sî.

23利未人做族長ê，記tī歷代ê冊，到Í-lī-a-si̍t ê kiáⁿ Iok-hap-lân ê時。Lī-bī lâng chòe cho̍k-tiúⁿ--ê, kì tī le̍k-tāi ê chheh, kàu Í-lī-a-si̍t ê kiáⁿ Iok-hap-lân ê sî.

24利未人族長Hap-se-pí-ngá、Sī-lī-pí、Kah-bia̍t ê kiáⁿ Iâ-su-a，kap in ê兄弟相對，一班一班相向日ǹg,teh o-ló感謝，照上帝ê奴僕大衛所命令ê。Lī-bī lâng cho̍k-tiúⁿ Hap-se-pí-ngá, Sī-lī-pí, Kah-bia̍t ê kiáⁿ Iâ-su-a, kap in ê hiaⁿ-tī saⁿ-tùi, chi̍t-pan chi̍t-pan saⁿ-ǹg teh o-ló kám-siā, chiàu Siōng-tè ê lô͘-po̍k Tāi-pi̍t só͘ bēng-lēng-ê.

25Má-tha-nî、Pat-pò͘-ka、Gô-pa-tí-a、Bí-su-lân、Ta̍t-bûn、A-kok，是顧門ê，就是顧守城門ê庫房。Má-tha-nî, Pat-pò͘-ka, Gô-pa-tí-a, Bí-su-lân, Ta̍t-bûn, A-kok, sī kò͘-mn̂g--ê, chiū-sī kò͘-siú siâⁿ-mn̂g ê khò͘-pâng.

26Chiah-ê lóng是tī Iok-sat-ta̍t ê孫Iâ-su-a ê kiáⁿ Iok-ngá-kim ê時，kap總督尼希米 kap祭司經學士Í-su-la̍h ê時。Chiah-ê lóng sī tī Iok-sat-ta̍t ê sun Iâ-su-a ê kiáⁿ Iok-ngá-kim ê sî, kap chóng-tok Nî-hi-bí kap chè-si keng-ha̍k-sū Í-su-la̍h ê sî.

27當耶路撒冷城牆奉獻ê時，in去利未人所tiàm ê所在chhē in，beh帶in到耶路撒冷，beh用歡喜、感謝、唱歌、khau鈸、彈瑟，彈琴行奉獻ê禮。Tng Iâ-lō͘-sat-léng siâⁿ-chhiûⁿ hōng-hiàn ê sî, in khì Lī-bī lâng só͘ tiàm ê só͘-chāi chhē in, beh tòa in kàu Iâ-lō͘-sat-léng, beh ēng hoaⁿ-hí, kám-siā, chhiùⁿ-koa, khau-poa̍h, tôaⁿ-sek, tôaⁿ-khîm kiâⁿ hōng-hiàn ê lé.

28唱歌ê tùi耶路撒冷四圍ê平洋，kap tùi Nî-tô-hoat ê鄉社來聚集；Chhiùⁿ-koa--ê tùi Iâ-lō͘-sat-léng sì-ûi ê pîⁿ-iûⁿ, kap tùi Nî-tô-hoat ê hiuⁿ-siā lâi chū-chi̍p;

29koh tùi Pek-kiat-kah，也tùi Ka-pa kap Ap-má-hut ê田來；因為唱歌ê，tī耶路撒冷四圍為家己建立鄉社。koh tùi Pek-kiat-kah, iā tùi Ka-pa kap Ap-má-hut ê chhân lâi; in-ūi chhiùⁿ-koa-ê, tī Iâ-lō͘-sat-léng sì-ûi ūi ka-kī kiàn-li̍p hiuⁿ-siā.

30祭司利未人清氣家己也清氣百姓，以及城門城牆。Chè-si Lī-bī lâng chheng-khì ka-kī iā chheng-khì peh-sìⁿ, í-ki̍p siâⁿ-mn̂g siâⁿ-chhiûⁿ.

31我chhōa猶大hiah-ê首領上城牆頂，分o-ló感謝ê做兩大隊；一隊tī城頂tùi chiàⁿ-pêng ǹg糞埽門去；Góa chhōa Iû-tāi hiah ê siú-léng chiūⁿ siâⁿ-chhiûⁿ-téng, pun o-ló kám-siā--ê chòe nn̄g tōa-tūi; chi̍t-tūi tī siâⁿ-téng tùi chiàⁿ-pêng ǹg pùn-sò mn̂g khì;

32Tè tī in ê後面ê有Hô-sa-ngá，kap猶大首領ê一半；tè tī in ê āu-bīn-ê ū Hô-sa-ngá, kap Iû-tāi siú-léng ê chi̍t-pòaⁿ;

33koh有A-sat-lī-ngá、Í-su-la̍h、Bí-su-lân，koh ū A-sat-lī-ngá, Í-su-la̍h, Bí-su-lân,

34猶大、便雅憫、Sī-má-ngá、耶利米；Iû-tāi, Piān-ngá-bín, Sī-má-ngá, Iâ-lī-bí;

35koh有祭司ê kiáⁿ kúi-nā人kia̍h號頭ê，約拿單ê kiáⁿ撒迦利亞，約拿單是Sī-má-ngá ê kiáⁿ，Sī-má-ngá是Má-tha-nî ê kiáⁿ，Má-tha-nî是Bí-kai-a ê kiáⁿ，Bí-kai-a是Sat-khek ê kiáⁿ，Sat-khek是A-sat ê kiáⁿ；koh ū chè-si ê kiáⁿ kúi-nā lâng kia̍h hō-thâu ê, Iok-ná-tan ê kiáⁿ Sat-ka-lī-a, Iok-ná-tan sī Sī-má-ngá ê kiáⁿ, Sī-má-ngá sī Má-tha-nî ê kiáⁿ, Má-tha-nî sī Bí-kai-a ê kiáⁿ, Bí-kai-a sī Sat-khek ê kiáⁿ, Sat-khek sī A-sat ê kiáⁿ;

36kap伊ê兄弟Sī-má-ngá、A-sat-lī、Bí-la̍h-lâi、Ki-la̍h-lâi、Má-ai、Ná-thán-gia̍p、猶大、Hap-ká-nî，lóng the̍h上帝ê奴僕大衛ê樂器；經學士Í-su-la̍h做in ê頭前。kap i ê hiaⁿ-tī Sī-má-ngá, A-sat-lī, Bí-la̍h-lâi, Ki-la̍h-lâi, Má-ai, Ná-thán-gia̍p, Iû-tāi, Hap-ká-nî, lóng the̍h Siōng-tè ê lô͘-po̍k Tāi-pi̍t ê ga̍k-khì; keng-ha̍k-sū Í-su-la̍h chòe in ê thâu-chêng.

37In tī水泉門ê對面，tùi大衛城ê崎á-chàn上去，就是上城牆ê所在，是大衛王宮ê頂面，ǹg東去到水門。In tī chúi-chôaⁿ mn̂g ê tùi-bīn, tùi Tāi-pi̍t siâⁿ ê kiā-á-chàn chiūⁿ-khì, chiū-sī chiūⁿ siâⁿ-chhiûⁿ ê só͘-chāi, sī Tāi-pi̍t ông-kiong ê téng-bīn, ǹg tang khì kàu chúi-mn̂g.

38第二隊o-ló感謝ê人beh行去kap hit一隊相tú-tio̍h，我kap百姓ê一半跟tè in，tī城牆頂經過火爐ê樓，到寬闊ê城牆，Tē-jī tūi o-ló kám-siā ê lâng beh kiâⁿ khì kap hí(**hit) chi̍t-tūi saⁿ tú-tio̍h, góa kap peh-sìⁿ ê chi̍t-pòaⁿ kun-tè in, tī siâⁿ-chhiûⁿ-téng keng-kè hé-lô͘ ê lâu, kàu khoan-khoah ê siâⁿ-chhiûⁿ,

39koh過Í-hoat-liân ê門，舊ê門，魚ê門，Hap-lâm-gia̍p ê樓，Hap-bí-a ê樓，到羊門，就停腳khiā tī護衛ê門。koh kè Í-hoat-liân ê mn̂g, kū ê mn̂g, Hî ê mn̂g, Hap-lâm-gia̍p ê lâu, Hap-bí-a ê lâu, kàu Iûⁿ-mn̂g, chiū thêng-kha khiā tī hō͘-ōe ê mn̂g.

40Tùi án-ni，chit兩隊o-ló感謝ê人，khiā tī上帝ê殿，連我kap官長ê一半也tī-hia khiā；Tùi án-ni chit nn̄g-tūi o-ló kám-siā ê lâng, khiā tī Siōng-tè ê tiān, liân góa kap koaⁿ-tiúⁿ ê chi̍t-pòaⁿ iā tī-hia khiā;

41iáu有祭司Í-lī-a-kim、Má-se-ngá、Bí-ná-bîn、Bí-kai-ngá、Í-lī-iok-nái、撒迦利亞、Hap-lâm-nî-a，lóng kia̍h號頭；iáu-ū chè-si Í-lī-a-kim, Má-se-ngá, Bí-ná-bîn, Bí-kai-ngá, Í-lī-iok-nái, Sat-ka-lī-a, Hap-lâm-nî-a, lóng kia̍h hō-thâu;

42koh有Má-se-ngá、Sī-má-ngá、Í-lī-a-sat、O͘-se、Iok-hap-lân、Má-ki-ngá、Í-lân，kap Í-siā。唱歌ê kap in ê頭人Í-su-la̍h-hi-ngá lóng大聲唱。koh ū Má-se-ngá, Sī-má-ngá, Í-lī-a-sat, O͘-se, Iok-hap-lân, Má-ki-ngá, Í-lân, kap Í-siā. Chhiùⁿ-koa-ê kap in ê thâu-lâng Í-su-la̍h-hi-ngá lóng tōa-siaⁿ chhiùⁿ.

43Hit日眾人獻大祭祀koh歡喜；因為上帝hō͘ in大歡喜快樂；婦人人kap gín-ná也lóng歡喜，致到耶路撒冷歡喜ê聲聽到遠遠。Hit-ji̍t chèng-lâng hiàn tōa chè-sū koh hoaⁿ-hí; in-ūi Siōng-tè hō͘ in tōa hoaⁿ-hí khoài-lo̍k; hū-jîn-lâng kap gín-ná iā lóng hoaⁿ-hí, tì-kàu Iâ-lō͘-sat-léng hoaⁿ-hí ê siaⁿ thiaⁿ kàu hn̄g-hn̄g.

44當hit日，派人管理庫房，為tio̍h貨財，舉祭ê物，起頭熟ê；kap所取ê十份一，tùi ta̍k-ê城ê田畝，照律法所定tio̍h收來供給祭司kap利未人ê份額，lóng khǹg tī hit內面。猶大人因為祭司kap利未人擔當職就歡喜。Tng hit-ji̍t phài lâng koán-lí khò͘-pâng, ūi-tio̍h hè-châi, kú-chè ê mi̍h, khí-thâu se̍k ê; kap só͘ chhú ê cha̍p-hūn-chi̍t, tùi ta̍k ê siâⁿ ê chhân-bó͘, chiàu lu̍t-hoat só͘ tiāⁿ-tio̍h siu lâi kiong-kip chè-si kap Lī-bī lâng ê hūn-gia̍h, lóng khǹg tī hí(**hit) lāi-bīn. Iû-tāi lâng in-ūi chè-si kap Lī-bī lâng tam-tng chit chiū hoaⁿ-hí.

45In守in ê上帝所交代ê，也守所交代in清氣ê例；唱歌ê，顧門ê，也án-ni做，照大衛kap伊ê kiáⁿ所羅門ê命令。In siú in ê Siōng-tè só͘ kau-tài--ê, iā siú só͘ kau-tài in chheng-khì ê lē; chhiùⁿ-koa--ê, kò͘-mn̂g--ê, iā án-ni chòe, chiàu Tāi-pi̍t kap i ê kiáⁿ Só͘-lô-bûn ê bēng-lēng.

46因為早tī大衛kap A-sat ê日有樂工管理唱歌ê，以及o-ló感謝上帝ê詩歌。In-ūi chá tī Tāi-pi̍t kap A-sat ê ji̍t ū ga̍k-kong koán-lí chhiùⁿ-koa--ê, í-ki̍p o-ló kám-siā Siōng-tè ê si-koa.

47當Só͘-lô-pa-pek ê日，kap尼希米ê日，以色列眾人將ta̍k日應該ê份額，供給唱歌ê，顧門ê，也分別物做聖來供給利未人；利未人也分別物做聖來供給亞倫ê kiáⁿ孫。Tng Só͘-lô-pa-pek ê ji̍t, kap Nî-hi-bí ê ji̍t, Í-sek-lia̍t chèng-lâng chiong ta̍k-ji̍t eng-kai ê hūn-gia̍h, kiong-kip chhiùⁿ-koa--ê, kò͘-mn̂g--ê, iā hun-piat mi̍h chòe-sèng lâi kiong-kip Lī-bī lâng; Lī-bī lâng iā hun-piat mi̍h chòe-sèng lâi kiong-kip A-lûn ê kiáⁿ-sun.