50Taⁿ阮將ta̍k人所得tio̍h ê金器、鍊á、手環，phah印á ê手指、耳鉤，蓋頷頸ê 珠鍊á，lóng 帶來做禮物獻hō͘耶和華，thang tī耶和華ê面前，為tio̍h阮本身贖罪。Taⁿ goán chiong ta̍k-lâng só͘ tit-tio̍h ê kim-khì, liān-á, chhiú-khoân, phah ìn-á ê chhiú-chí, hī-kau, kòa ām-kún ê chu-liān-á, lóng tòa-lâi chòe lé-mi̍h hiàn hō͘ Iâ-hô-hoa, thang tī Iâ-hô-hoa ê bīn-chêng, ūi-tio̍h goán pún-sin sio̍k-chōe.