1上崎á ê詩。1) 耶和華ah，我tùi深淵求叫你，Chiūⁿ kiā-á ê si.1) Iâ-hô-hoa ah, góa tùi chhim-ian kiû-kiò Lí,

2主ah，求你聽我ê聲；　　願你àⁿ耳孔聽我懇求ê聲。Chú ah, kiû Lí thiaⁿ góa ê siaⁿ; Goān Lí àⁿ hī-khang thiaⁿ góa khún-kiû ê siaⁿ.

3主耶和華ah，你若究勘罪惡，　　Chī-chūi khiā-ōe-tiâu？Chú Iâ-hô-hoa ah, Lí nā kiù-khàm chōe-ok, Chī-chūi khiā-ōe-tiâu?

4總是你有赦免ê恩，　　Beh hō͘人敬畏你。Chóng-sī Lí ū sià-bián ê un, Beh hō͘ lâng kèng-ùi Lí.

5我thèng候耶和華，我ê心神teh thèng候；　　Tī伊ê話我有ǹg望。Góa thèng-hāu Iâ-hô-hoa, góa ê sim-sîn teh thèng-hāu; Tī I ê ōe góa ū ǹg-bāng.

6我ê心神thèng候主，　　比守更ê人thèng候天光khah切，　　比守更ê人thèng候天光khah切。Góa ê sim-sîn thèng-hāu Chú, Pí chiú-kiⁿ ê lâng thèng-hāu thiⁿ-kng khah-chhiat, Pí chiú-kiⁿ ê lâng thèng-hāu thiⁿ-kng khah-chhiat.

7以色列ah，你tio̍h ǹg望耶和華；　　因為tī耶和華有慈愛，　　Tī伊有豐盛ê救贖。Í-sek-lia̍t ah, lí tio̍h ǹg-bāng Iâ-hô-hoa; In-ūi tī Iâ-hô-hoa ū chû-ài, Tī I ū hong-sēng ê kiù-sio̍k.

8伊的確救贖以色列，　　脫離伊一切ê罪惡。I tek-khak kiù-sio̍k Í-sek-lia̍t, Thoat-lī i it-chhè ê chōe-ok.

1上崎á ê詩；大衛做ê。1) 耶和華ah，我心無驕傲，我ê 目頭無高；　　大項ê事，kap奇妙想bōe出ê，　　我m̄敢行。Chiūⁿ kiā-á ê si; Tāi-pi̍t chòe ê.1) Iâ-hô-hoa ah, góa sim bô kiau-ngō͘, góa ê ba̍k-thâu bô koâiⁿ; Tōa-hāng ê sū, kap kî-biāu siūⁿ-bōe-chhut ê, Góa m̄-káⁿ kiâⁿ.

2我真正hō͘我ê心平穩安靜；　　親像斷奶ê gín-ná，óa tī伊ê老母，　　我ê心tī我ê內面親像斷奶ê gín-ná。Góa chin-chiàⁿ hō͘ góa ê sim pêng-ún an-chēng; Chhin-chhiūⁿ tn̄g-lin ê gín-ná, óa tī i ê lāu-bú, góa ê sim tī góa ê lāi-bīn chhin-chhiūⁿ tn̄g-lin ê gín-ná.

3以色列ah，你tio̍h ǹg望耶和華，　　Tùi chit時到永遠。Í-sek-lia̍t ah, lí tio̍h ǹg-bāng Iâ-hô-hoa, Tùi chit-sî kàu éng-oán.

1上崎á ê詩。1) 耶和華ah，大衛所受一切ê苦難，　　求你記念伊；Chiūⁿ kiā-á ê si.1) Iâ-hô-hoa ah, Tāi-pi̍t só͘ siū it-chhè ê khó͘-lān, Kiû Lí kì-liām i;

2伊怎樣對耶和華chiù-chōa，　　對雅各ê大權能ê下願；I cháiⁿ-iūⁿ tùi Iâ-hô-hoa chiù-chōa, tùi Ngá-kok ê tōa Koân-lêng--ê hē-goān;

3講，我的確無入我ê家ê布棚，　　也無上我ê眠床；Kóng, Góa tek-khak bô ji̍p góa ê ke ê pò͘-pîⁿ, Iā bô chiūⁿ góa ê bîn-chhn̂g;

4我無容允我ê目睭睏去，　　也無容允我ê目睭皮合óa；Góa bô iông-ún góa ê ba̍k-chiu khùn--khì, Iā bô iông-ún góa ê ba̍k-chiu-phê ha̍p-óa;

5Thèng候我為tio̍h耶和華chhē-tio̍h所在，　　為雅各ê大權能ê chhē-tio̍h khiā起ê所在。Thèng-hāu góa ūi-tio̍h Iâ-hô-hoa chhē-tio̍h só͘-chāi, Ūi Ngá-kok ê tōa Koân-lêng--ê chhē-tio̍h khiā-khí ê só͘-chāi.

6看ah，阮聽見約櫃tī Í-hoat-tha；　　阮tī樹林ê田tú-tio̍h伊。Khòaⁿ ah, goán thiaⁿ-kìⁿ iok-kūi tī Í-hoat-tha; Goán tī chhiū-nâ ê chhân tú-tio̍h i.

7阮beh入伊khiā起ê所在；　　阮beh拜tī伊ê腳踏椅前。Goán beh ji̍p I khiā-khí ê só͘-chāi; Goán beh pài tī I ê kha-ta̍h-í chêng.

8耶和華ah，求你起來；　　你kap你ê氣力ê約櫃相kap入你歇睏ê所在。Iâ-hô-hoa ah, kiû Lí khí-lâi; Lí kap Lí ê khùi-la̍t ê iok-kūi saⁿ-kap ji̍p Lí hioh-khùn ê só͘-chāi.

9願你ê祭司穿公義做衫；　　願你聖ê百姓出歡喜ê聲。Goān Lí ê chè-si chhēng kong-gī chòe saⁿ; Goān Lí sèng ê peh-sìⁿ chhut hoaⁿ-hí ê siaⁿ.

10求你因為你ê奴僕大衛ê緣故，　　莫得棄sak你ê受抹油ê。Kiû Lí in-ūi Lí ê lô͘-po̍k Tāi-pi̍t ê iân-kò͘, Bo̍h-tit khì-sak Lí ê siū-boah-iû--ê.

11耶和華用誠實對大衛chiù-chōa，　　的確無反覆，　　講，我beh hō͘你所生ê坐tī你ê寶座。Iâ-hô-hoa ēng sêng-si̍t tùi Tāi-pi̍t chiù-chōa, Tek-khak bô hoán-hok, Kóng, Góa beh hō͘ lí só͘-siⁿ-ê chē tī lí ê pó-chō.

12你ê kiáⁿ若守我ê約，　　Kap我所beh教示in ê法度，　　In ê kiáⁿ孫beh永遠坐tī你ê寶座。Lí ê kiáⁿ nā siú Góa ê iok, Kap Góa só͘ beh kà-sī in ê hoat-tō͘, In ê kiáⁿ-sun beh éng-oán chē tī lí ê pó-chō.

13因為耶和華有揀錫安，　　Ài用伊做本身khiā起ê所在；In-ūi Iâ-hô-hoa ū kéng Sek-an, Ài ēng i chòe pún-sin khiā-khí ê só͘-chāi;

14講，這是我永遠歇睏ê所在；　　我beh tiàm tī-chia，因為是我所意愛ê。Kóng, Che sī Góa éng-oán hioh-khùn ê só͘-chāi; Góa beh tiàm tī-chia, In-ūi sī Góa só͘ ì-ài ê.

15我beh hō͘伊ê米糧豐盛，　　我beh用食物hō͘伊ê sòng-hiong人夠額。Góa beh hō͘ i ê bí-niû hong-sēng, Góa beh ēng chia̍h-mi̍h hō͘ i ê sòng-hiong-lâng kàu-gia̍h.

16我beh hō͘伊ê祭司穿救恩做衫；　　伊聖ê百姓beh出大歡喜ê聲。Góa beh hō͘ i ê chè-si chhēng kiù-un chòe saⁿ; I sèng ê peh-sìⁿ beh chhut tōa hoaⁿ-hí ê siaⁿ.

17我beh hō͘大衛ê角tī-hia發生；　　我為tio̍h我ê受抹油ê備辦光燈。Góa beh hō͘ Tāi-pi̍t ê kak tī-hia hoat-siⁿ; Góa ūi-tio̍h Góa ê siū-boah-iû--ê pī-pān kng-teng.

18我beh hō͘伊ê對敵穿見笑做衫；　　總是伊ê冕旒beh tī伊ê頭殼頂發出光。Góa beh hō͘ i ê tùi-te̍k chhēng kiàn-siàu chòe saⁿ; Chóng-sī i ê bián-liû beh tī i ê thâu-khak-téng hoat-chhut kng.