10全地tùi Ka-pa到耶路撒冷南方ê Lîm-bûn，beh變親像A-la̍h-pa；耶路撒冷beh升高tiàm tī伊ê本所在，就是tùi便雅憫ê門，到頭一個門ê所在，koh到角頭ê門，亦tùi Hap-lâm-gia̍p ê樓，直到王ê酒窟。Choân-tōe tùi Ka-pa kàu Iâ-lō͘-sat-léng lâm-hng ê Lîm-bûn, beh piàn chhin-chhiūⁿ A-la̍h-pa; Iâ-lō͘-sat-léng beh seng-koâiⁿ tiàm tī i ê pún só͘-chāi, chiū-sī tùi Piān-ngá-bín ê mn̂g, kàu thâu-chi̍t-ê mn̂g ê só͘-chāi, koh kàu kak-thâu ê mn̂g, ia̍h tùi Hap-lâm-gia̍p ê lâu, ti̍t-kàu ông ê chiú-khut.